Zɛnɛse 4:14 - Yálá laawoo hɛɓɛ (dc)

¹⁴ Háákələi, ə́ kaa gbɛ́i, yɛ́ ɉə́ɠə tíi kɛ lɔi lɛlɛɛ ɓa, ɛlɛɛ, hvo kɛa pai mɛ̨́i kaai, gáá pai kɛi a nu kpoloon, gɛ́ gilɛ həɠə lɔi mɛ̨i. Gbəli hu, nu ta a kwiɛn a ɲą́ą́, gaa pai báái.»

Yálá laawoo hɛɓɛ

¹⁴ Háákələi, ə́ kaa gbɛ́i, yɛ́ ɉə́ɠə tíi kɛ lɔi lɛlɛɛ ɓa, ɛlɛɛ, hvo kɛa pai mɛ̨́i kaai, gáá pai kɛi a nu kpoloon, gɛ́ gilɛ həɠə lɔi mɛ̨i. Gbəli hu, nu ta a kwiɛn a ɲą́ą́, gaa pai báái.»

Bible

¹⁴ Gáa, ƃa ŋ́gbɛ sâa ǹɔii ma, ǹyaŋ ŋa pâi kɛ̂i a ǹóɔɔ yâ. Ŋa pâi tela kɛ̂i nɔ́ a pîlaŋ-kɔɔ ma-nuu ǹɔii su. Ǹúui kélee pâi ŋ́gâai, a pâi ḿbaâi.”

Zɛnɛse 4:14 Iomraidhean Croise

Zɛnɛse 3:24

Ɓɛlɔwai kɛa Yálá ə nu kpɛ la Edɛn ɲɛa, Ə nɛɛ mą ə, mąąkpɛ malakaɠaa tɔɔ bələ nwun na, ɓɔwa kwɛa yɛ ɓo di yəi, yɛ nwɔ̨n, diɛ ɲɛnɛ̨ɛ̨ kɛ wului tii mąąkpɛ la.

Zɛnɛse 4:13

Kain yɛ Yai-Laa ɓa: «Gahoi ŋɛ̨i yaa naa mą́ą́, nwiai, vá pɛli mu.

Samia Veerɛi 14:7

Yili ɓa, gwəlii nuą kəlee daa pɛlɛ ə́ wɔ tí nɛ̨ɛ̨nui ɓa, diɛ mą: ‹Nui nąn non baa, gulɔ ku baa a mɛlan baai tii ə mo gwələ kulɔ, ə lɛɛ, a kɛ tii, di nąn gwɛlin ɉəɠə mun hva kɛa lɛɛ.› Nwɔ̨n dəŋąi aa lɛɛ ɲə́i, diɛ di ya pu ŋą, diɛ di ɉílɛ laa kpɛɛ ɓɛ yɛnɛ̨ɛ̨.»

Mąątɛ̨nɛ̨ 109:10

Nonnii di kɛ a laatee lɛapɛlɛɛ, diɛ di kɔ̨nɔ̨n vɛli, nuą di di kpɛ, di wɔ pɛlɛ kpoloonŋaai mu.

Mąątɛ̨nɛ̨ 109:12

Nu ta hvo nulaa kɛ mą, nu ta hvo nwɔ təlilɛai mąąwɛli kaa.

Mąątɛ̨nɛ̨ 143:7

Yai-Laa, nwóó mu hon gilɛ, vį́nna aa tɔn. 'Hvó ə́ ɲɛ̨ilai noo mą́ą́, və́ pa nəi kɛ yɛ nuąi daa yɛɛ ɲąmuątaa.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Hanwon 28:1

Nui líi ɲɔ̨ngwəimun gaa lɔ gilɛ ɲą, ə mą kɛ, nu hvo bulu. Tələnmomun nwɛi, gaa yɛ yala gbɔn, nii hva kulɔ mą.

Azaya 8:22

Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Ɉeremi 52:3

Mɛ̨nįi di kɛi gɛ Ɉerusalɛmə daai da Ɉuda lɔi hu, ə Yai-Laa liiholi, yili ɓə gɛ, yɛ di pili, yɛ di həɠə ɲɛ̨i mu. Sedesiasə ə tɔɔ Babilonə tɔɔmun na.

Osia 13:3

Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Levetekɔ 26:36

«Nuąi pai kulɔi ɉu ka lɔwai, gáá pai gɛi di hvii yɛ kpɛɛ ka yowoɠaa di wɔ lɔiɠaai hu, laa kpala too tin gbɛli kpɛli kaa pai gɛi diɛ tɛɛ a gilɛ; di kaa pai kɛi pui yɛ da kɛi pu kɔ́ kɔ́ ɓɔwa tɔwɔ, diɛ too, nu hva kpɛli kɛ di pulu.

Lonon mo 35:19

Nwąną kulɔ kɛ mun mə a nu paamun tii paa, ɓɛlɔwai da yaa da kwiɛn na, a baa.

Lonon mo 35:21

a duwɔ a ɲee kpuwulu a yowo laa, yɛ baa; nui gɛlɛ ɓo kɛ, mąąnɛ̨ɛ̨ di baa, nu paamun ni. Nwąną kulɔ mun mə a nui tii paa, ɓɛlɔwai a gaa la.

Lonon mo 35:27

nwąną kulɔ kɛ mun a gaa, a wala kɛ mąąkilɛ taa nwɔ lɔi hu, a baa; nwąną kulɔ kɛ mun hvo mɛ̨nį kalaa kɛ li.

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Dutɛrɔnome 28:65

Ɛlɛɛ, ka hvo pai ka kpɔɔ hɔlɔɓoi nu huwuɠaa tii pɔɔli, ɓɛi kpɔ ka ka kɔ́wɔ hvilɛn naa, ka hvo pai nąą kaai. Yai-Laa kaa pai liihɛlɛn ɉeei kaa, yɛ ka ɲɛ̨i koloon kaa ka yee kpiɛ ɲin a mɔ̨nɔ̨ yii ka kili hvo kɛ mą.

Tɛsalonikə veelɛ 1:9

Di hutɔɔ mɛ̨nį kaa pai kɛi a gahoi kpɛɛ hvo mą, di mąąkwɛaa gu Nąmu ɓa, da ŋą mąąwiɛlaai,