Zɛnɛse 4:10 - Yálá laawoo hɛɓɛ (dc)

¹⁰ Yai-Laa yɛ Kain ɓa: «Lə mɛ̨nį ɓə ŋɛ̨i ə́ gɛi? Ə́ ləɠə ɲąmą woo kaa tɔɔi lɔi mɛ̨i, gɛ́ mɛ̨n, yɛ kɛ diɛ: ‹Hvo kɛli di nwɔ́ɔ́ kwələ kulɔ.›

Yálá laawoo hɛɓɛ

¹⁰ Yai-Laa yɛ Kain ɓa: «Lə mɛ̨nį ɓə ŋɛ̨i ə́ gɛi? Ə́ ləɠə ɲąmą woo kaa tɔɔi lɔi mɛ̨i, gɛ́ mɛ̨n, yɛ kɛ diɛ: ‹Hvo kɛli di nwɔ́ɔ́ kwələ kulɔ.›

Bible

¹⁰ Yâwɛɛ ǹyɛɛ mai, “Lé ƃé ŋí í gɛ̀i? Ílêɣe ŋãa wɔ́lɔ woo a serîi ḿâ gɛ́ kùla ǹɔii mu.

Zɛnɛse 4:10 Iomraidhean Croise

Zɛnɛse 18:20

Yai-Laa ə mo Abrahamə ɓa, yɛ mą: «Sodomə taa da Gomorə taa hu nuą kɛ nɛ̨ŋɛ̨n gun aa tɛ aa həli mą́ą́, di wɔ túwɔ́ pələ ɲɔ̨n ɉu a wiɛ.

Zɛnɛse 3:13

Nąąlɔwai, Yai-Laa ə mo nɛ̨ɛ̨nu ɓa, yɛ mą: «Nɛ̨ɛ̨nu! Lə mɛ̨nį ɓa ə́ yili kɛ tii?» Nɛ̨ɛ̨nu yɛ mą: «Kaalə ɓə mówo, ya ɓə gɛ, gɛ́ da mį́i.»

Zɛnɛse 9:5

Yii hvilɛn na ka ɲąmą mąą mɛ̨nį ɓa, ka tinąą yili gwɛlan mo kɛ mą́ą́. Huwɔi a nu paa, mąą huwɔi a tinąą nui tii ə ɓaa, ɲąmą gwɛlan mo kɛ. Pələ lɔ ɓə a tinąą kɛ la, nui a mɛlan baa, mąą mɛ̨nį hu. Kwɛlanmo kaa tinąą laa, nu nįį mąą mɛ̨nį ɓa.

Tɔɔɓɛlaa veelɛ 9:26

Ŋą́ gaa kpɔ a nɛlɛɛ, Nabɔtə ɲąmą, da nonnii di wɛi mąą mɛ̨nį ɓa, nwooi Yai-Laa ə mo, ya ka: ‹Díi tɔ̨nɔ̨i ŋɛ̨i hu, gáá pai gwələ kulɔi yɛ́! Yai-Laa woo li›, yili ɓa, Yoramə powa həɠə ə́ bili díi hu, yɛ bələi Yai-Laa ə mo la.»

Kɔlɔnikɔ Veerɛi 28:9

Yai-Laa kwəi mɛ̨nį hukulɔ mun da ə kɛ Samari, diɛ kɛ mą: Odɛdə. Israɛlə kɔlaɠa kɛɛ bulu pənəi, yɛ pai Samari, Odɛdə ə kulɔ yɛ li di laakwiɛn ɉii, yɛ diɛ: «Ka nąnni di wɔ Yálái Yai-Laa lii aa holi Ɉuda pɔ, ya ɓə gɛ yɛ di lɔ ka yee ŋą, kaan, kaa gɛɛ kalaa huwiɛ, aa həli yələ kɔ́lɔn ma.

Zôo 16:18

Lɔi, hvo ɲą́mą mɛ̨i kpulu, Ə lɛɛ hɛn da hvo kpəɲąn nwɔ́lɔ woo tɔwɔ.

Zôo 24:12

Daai nuą da kɛ di woo laai, nuąi pala aa tee diɛ, diɛ tomą, Kɛlaa, Yálá hva nwəli tɔɔ di woo ɓa.

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.

Mąątɛ̨nɛ̨ 72:14

Gaa pai di mąąkɔ̨nwɔ̨i wɛa nuą da heemɛ̨i kɛ nuą di yəi, yɛ di wɔ yɛnɛ̨ɛ̨ mąą mɛ̨nį nwąną kpɔ a neelee.

Mąątɛ̨nɛ̨ 9:12

'Ka gu wələ too, Yai-Laa ɓa, yai heeni Siɔn daai, 'ka gɛ mɛ̨nį kpɛa-kpɛaa hu kulɔ, lɔiɠaa diɛ.

Mąątɛ̨nɛ̨ 9:13

Ɲąmą kwələ kulɔmun ni, giliɲąlaa, hva lɛ̨ą mąąwɛlimun domą woo ɓa.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Lonon mo 35:33

«Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Gɛlaɠaa 5:9

Nąąlɔwai Piɛrə ə mo mą, yɛ mą: «Lə mɛ̨nį ɓa, ka nu hveelɛ ka pɛli mɛ̨nį tɔ̨nɔ̨ ɓa, ə gɛ, ka Kili-Mąąhəɠɛɛ hukɔɔn? Nɛ̨ɛ̨nu, 'ə́ wəli tɔɔ, nuąi li ə́ hilɛ looi, daa gbɛa həli ɓɛ, yɛ́ kpɛli, di kaa pai lii a yɛ́.»

Dutɛrɔnome 21:1

Nɔi tii Yai-Laa ka wɔ Yálái kaa dɛɛ ka pɔ, kaa hee ɉu, akɛ da nu ta kaa, daa baa ə ɓo tooni kpomói, ɛlɛɛ, nui baa di hvo gɔlɔn;

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

Zasua 7:19

Ɉosue yɛ Akan ɓa: «Nón, mąąwiɛ tɛɛ Yai-Laa pɔ, yai gaa a Israɛlə nwɔ Yálá, ə́ kɛnɛ̨ laa tɛɛ bɔ. Bələi kpɔ ə́ mɛ̨nįi ŋɛ̨i kɛ la, ɉukulɔ mą́ą́, hvo da loo.»

Samuɛlə dɔlɔɔ 13:11

Samuɛlə yɛ mą: «Lə ɓə ŋɛ̨i ə́ gɛi?» Saulə yɛ mą: «Ŋą́ą́ gaa nuą diɛ kulɔ búlu, diɛ taɠa taɠa; ə lɛɛ, yɛ́ kpɛli, hvo kɛi pa a guui gu ɉee, yili pulu, Filisti nuą daa kɛ di ŋąąkpɔn Mikmasə.