Zɛnɛse 32:2 - Yálá laawoo hɛɓɛ (dc)

² Ɉakɔbə yaa kpɛli, ə tɛɛ yɛ li, da Yálá nwɔ malakaɠaa di kwiɛn.

Yálá laawoo hɛɓɛ

² Ɉakɔbə yaa kpɛli, ə tɛɛ yɛ li, da Yálá nwɔ malakaɠaa di kwiɛn.

Bible

² Tãi è díkàa lai, è mò ǹyɛɛi, “Ɣâla ŋɔkɔ-kuluƃa-ŋai ká ŋí.” Mɛni ma è gwaai tí ma sèe a Maɣanaiŋ (zu-kulai ƃa ƃûu feerɛ).

Zɛnɛse 32:2 Iomraidhean Croise

Samia Veerɛi 17:24

Ɓɛlɔwai Davidə ə həli la Mahanaimə, nąąlɔwai ɓə Absalɔn aa kɛ Ɉurdɛn ya teen na, Israɛlə nuą kəlee hvilɛnŋaa bulu.

Samia Veerɛi 2:12

Nɛrə lon Avnɛrə da Saulə lon Isbosɛtə nwɔ nuą, di kulɔ Mahanaimə a kɔ́, diɛ li la Gabaɔn daai.

Samia Veerɛi 2:8

Nɛrə lon Avnɛrə, yai kɛ a Saulə nwɔ kɔlaɠa nwun nąmu, aa kɛ Saulə lon Isbosɛtə tɛɛ Mahanaimə daai.

Tɔɔɓɛlaa dɔlɔɔ 2:8

Kɛlaa, Gera lon Simei ŋɛ̨i a Bɛnɉamɛn mun, yai həɠə Bahurimə daai, gaa ɓɛ ə́ kwɛlɛ; ə wɔlɔ nɛ̨́ŋɛ̨n naa kpɔ a ɉuwu ɲɔ̨nwɔ̨ɔ̨, ɓɛlɔwai ŋį́ kɛi li la Mahanaimə. Ə mą kɛ tii, di kəlee ɓə pa náákwiɛn ɉii, ɓɛlɔwai ŋą́ kɛi Ɉurdɛn teen na. Ŋą́ gwɛ́la mą a Yai-Laa laa, gɛ́ mą: ‹Və́ pai ə́ paai a ɓɔwa kwɛaa.›

Tɔɔɓɛlaa dɔlɔɔ 4:14

Ido lon Ahinadavə ə ɓo Mahanaimə nwun na.

Tɔɔɓɛlaa veelɛ 6:17

Elise ə Yálá hvɛli yɛ mą: «Nui ŋɛ̨i ɲɛ̨i həɠə mą, ə kɛɛ kaa.» Yai-Laa ə Elise nwɔ tímun ɲɛ̨i həɠə mą; yɛ gaa ɲɛ̨i kɛi, nwɔ̨n nwotoloɠaa da hooɠaa diɛ ɓə ə di kaa, gəlee daa Elise mąątínɛ̨n.

Kɔlɔnikɔ Maa-ŋuŋ 12:22

Diɛi tii ɓə kpɔnmąą tɛɛ Davidə pɔ, di nwɔ kɔlaɠai hu kɛnɛ̨, di kɛ a kpakoloɠaa, diɛ ɓo a kɔlaɠa nwun nąmįną.

Mąątɛ̨nɛ̨ 103:21

'Ka Yai-Laa laa mąąwiɛ, kaai a nwɔɔ kɔlaɠaɠaa, kaai a nwɔ kalanɉonŋaa, kaa niiɓa kɛi.

Mąątɛ̨nɛ̨ 148:2

Kaai ɓaa a nwɔ malakaɠaa! 'Ka mąątɛ̨nɛ̨! Kaai a nwɔ kɔlaɠaɠaa kəlee! 'Ka mąątɛ̨nɛ̨.

Mąątɛ̨nɛ̨ 24:10

Ɉééɓomun Mąąwiaa tii ɓaa gbɛɛ? Ya ɓaa a Yai-Laa, Huwalawala Kəlee Nąmu, Mɛ̨nį Kəlee ŋą Hééɓomun.

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Danîa 10:20

Ə mo mą́ą́, yɛ mą́ą́: «Mɛ̨nį gɛ gɛ́ pa ə́ pɔ, ə́ nwun gɔlɔn? Yii hu, gáá pənəi ŋą́ li ŋą́ kɔ́ pɛlɛ Pɛrsə lɔi mɛ̨i kaa malaka ɓa. Ɓɛlɔwai kpɔlɔ gáá paai li la, Grɛkə lɔi mɛ̨i kaa malaka kaa pai pai.

Lukə 2:13

Ɲąąɓa kpɔlɔ tii, malaka kpulu kɛnɛ̨ ə yɛɛ diɛ Yálá mąąwiɛ diɛ kɛ mą:

Zasua 21:38

Gadə lonnii di wɔ lɔi hu, daaɠaai di di tɛɛ, dɔ̨nɔ̨ ə kɛ a mąąkilɛ taa, ya ɓaa: Ramotə, yii kɛ Galaadə lɔi hu, da nwɔ kpomóɠaa, Mahanaimə da nwɔ kpomóɠaa,

Zasua 5:14

Ɉulɔnui tii yɛ Ɉosue ɓa: «Və́ a ka yówó, gwa kaani gu hvo tɔɔ li. Gáá a Yai-Laa nwɔ kɔlaɠa nwun nąmu, ŋį́ pa lɔ yiihu.» Ɉosue ə pɛlɛ gɔwɔ mu, ə kwɛli hvilɛn mą, yɛ mą: «Nwɔ́ɔ́ mɛ̨nį nąmu, lə mɛ̨nį ɓə yɛ́ ə́ mo ə́ wɔ luwɔi ɓa?»