Zɛnɛse 3:5 - Yálá laawoo hɛɓɛ (dc)

⁵ Kɛlaa, Yálá kili kaa ɉu, yɛ diɛ: Yələi ka da mį́i la, ka mɛ̨nį kəlee mąąkpɛɛ a nɛlɛɛ, ɛlɛɛ, ka kɛ yɛ yaa, kaa pɛli mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔ nɔwai kɔ́lɔn ɉi.»

Yálá laawoo hɛɓɛ

⁵ Kɛlaa, Yálá kili kaa ɉu, yɛ diɛ: Yələi ka da mį́i la, ka mɛ̨nį kəlee mąąkpɛɛ a nɛlɛɛ, ɛlɛɛ, ka kɛ yɛ yaa, kaa pɛli mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔ nɔwai kɔ́lɔn ɉi.»

Bible

⁵ Kpɛ́ni fêi, Ɣâla è gɔ́lɔŋ a gɛɛ tãi kà ŋ̀úrii ŋí m̀á da mii lai, káŋɛi lá a pâi ƃôi kákɛ yɛ̂ɛ ǹyaa Ɣâla, ǹyaŋ gɛ̀ ní ka pâi mɛni lɛ́lɛɛ kɔ́lɔnîi da mɛni nyɔ́mɔɔ.”

Zɛnɛse 3:5 Iomraidhean Croise

Zɛnɛse 2:17

Kɛlaa, yii ɓaa mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwului ŋɛ̨i nwɛi, hvó má ta mį́i, mąąhɔlɔɓo, hvólói yá má ta mį́i la, yá haa.»

Zɛnɛse 2:9

Wuluɠaai kpɔ ma nɛ̨ɛ̨, gaa ŋąąnɛ̨ɛ̨, ɛlɛɛ, mį́iɛ ɲąąnɛ̨ɛ̨, Yai-Laa ə di hin nąą ɲɛa. Ə yɛnɛ̨ɛ̨ kɛ wulu hin ɲɛa hamąi, ɛlɛɛ, da mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwulu.

Zɛnɛse 3:10

Nu yɛ mą: «Ŋą́ą́ ə́ woo mɛ̨n, ŋą́ą́ ɲɔw, ɛlɛɛ, ŋą́ą́ noo. Mąąhɔlɔɓo, gáá a gbúwulu.»

Zɛnɛse 3:22

Yili pulu, Yai-Laa yɛ gbɔwɔ ɓa: «Nu ka ŋɛ̨i aa kɛ kɛa yɛ gu ta, mɛ̨nį ɲɔ̨nwɔ̨ɔ̨ da mɛ̨nį lɛlɛɛ di kɔ́lɔn ŋąą hu. Yii hu kɛa, mąą hvo nɛ̨ɛ̨li kɛa, hvo ɲɛnɛ̨ɛ̨ kɛ wulu ɓa ta mį́i, akɛ a da mį́i, hva kɛa haa.»

Zɛnɛse 3:7

Di kəlee hveelɛi di di kpɔɔ kaa kɛa a di kpuwulu, di nɛɛ mą, di ɓɔ́laa wulu laa kulɔ mą, di gɛ a lɛnɛ̨, di ɲili diɛ.

Tɔɔɓɛlaa dɔlɔɔ 22:6

Israɛlə tɔɔmun ə Yálá kwəi mɛ̨nį hukulɔ nuą ŋąąkpɔn, diɛ ɓo a nu nwun nąąn ɲɔ̨nwɔ̨mą; ə di mąąnin gɛ, yɛ diɛ: «Akɛti, mąąnɛ̨ɛ̨ ŋą́ li ŋą́ kɔ́ pɛlɛ Ramotə taa ɓa, yai gaa Galaadə, a wala kɛ tii, ŋą́ lɛɛ ɓɛ?» Di kəlee diɛ mą: «Hɛn gəlee Nąmu Yálá kaa lii daai tii lɔi tɔɔmun ɲee ŋą.»

Kɔlɔnikɔ Veerɛi 32:15

Ə həli kani kaa! Ezekiasə hvo kɛ gaa ka lɔi mu, hvo ka ɓowo lɔ tii! 'Ka hvo laa na, mąąhɔlɔɓo, lɔi ta hvo laa, tɔɔlaa ta hvo laa, yii nwɔ haliɠaa da pɛli di di kulɔ ɲə́ə́ ŋą gwa ną́nni; gu hvo mun kɛ ka wɔɔ haliɠaai, di hva pɛli mą ka kulɔi ɲə́ə́ ŋą!»

Mąątɛ̨nɛ̨ 12:4

Ee Yai-Laa! Nu ɓowo nuą tii, nɛ̨n gboloon dai di la, Ə́ bɛlɛ nwoo kpɛa-kpɛa ɓo nɛ̨n tii kəlee ɓa.

Lɛɛ gbɔwɔ ɓa 20:7

«'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Lɛɛ gbɔwɔ ɓa 5:2

Eziptə tɔɔmun yɛ diɛ: «Gbɛɛ ɓaa Yai-Laa yai ŋą́ nwoo hon ti, gɛ́ ɓo Israɛlə lonnii ɓa? Və́ Yai-Laa kɔ́lɔn, ɛlɛɛ vá pɛli Israɛlə lɛɛi laa hvo li.»

Azaya 14:14

Gáá pai tɛi tulɔ kpinįnŋąą mɛ̨i, gáá pai kɛi yɛ Hɛn Gəlee mɛ̨imun Yálá.»

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Izikiɛ 28:12

«Nu lon ɉulɔn, gɔwɔ tɔɔ, yɛ́ wɔlɔ Tirə tɔɔmun mɛ̨i, 'kɛ mą, Mɛ̨nį kəlee ŋą Hééɓomun Yálá woo ka; yɛ: Yɛ́ ɓə di kɛi lɛlɛ kəlee kɔɔn ɲɛ́, ə́ kili kɛnɛ̨, ə́ lɛlɛɛ pələ, mąą kulɔi hvo mą.

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Izikiɛ 28:9

Nui pai ə́ paai, ə́ lii kaa mɔ̨ɔ̨ pai kpələi, yɛ́ kɛ mą gáá ɓaa yálá? Yá pa, ə́ kaa lɔ nu kan, hvó a yálá, ɛlɛɛ, ə́ ɓo kɛa nuąi pai ə́ paai, di yee kɔnma.

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Danîa 6:7

Yili pulu, nwun nąmįnąa da nɔi nu kpɛa-kpɛa di lɔ di kee hu, də li tɔɔmun bɔ, diɛ mą: «Tɔɔmun Dariusə, ə́ yii ə kwɛa, kɛi a mo tii Yálá ə kɛ!

Maafîu 6:23

Kɛlaa, ə́ ɲɛ̨i kɔ́w nąą ta a kɛ mą, a kɛ tii, ə́ nąą kəlee toɔ li kpinį hu. Ə́ ɲɛ̨i a wala kɛ kɛɛ mąą kpɛɛi, ə́ wɔ kpinįi hu a kɛnɛ̨. Akɛ ə́ wɔ kɛɛponoi a kɛ a kpinį, ə́ wɔ kpinįi hu a kɛnɛ̨-oo!»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 13:4

Ɛlɛɛ, diɛ kɛa kwɛli hvilɛn mąąɲɔw-hɛn tii ɓa, gbala ə tɔɔ, aa kɛ ɲąąwooɓolaa tɛɛ ɉuwɔi tii pɔ, ɛlɛɛ, diɛ kwɛli hvilɛn ɉuwɔi tii ɓa, diɛ kɛ mą: «Gbɛɛ ɓə gaa yɛ ɉuwɔi ŋɛ̨i, ɛlɛɛ, yɛ pɛli kɔ pɛlɛi mą?»

Nwun mąąɓo 3:2

Yai-Laa ə kɛ bɔ, ɉəɠə gee pɔ nįnɛ̨i tii kɛ a Israɛlə nuą, di kɔ́ kɔ́ɔ mąą kwɛli; diɛi wɔlɔ di hvo ta kɛ kɔ́ kɔ́ li.