Zɛnɛse 3:23 - Yálá laawoo hɛɓɛ (dc)

²³ Yai-Laa ə nu kpɛ Edɛn ɲɛai tii hu, əgɛ, ə li, ə tíi kɛ lɔi ɓa, ɓɛi di kulɔ laa.

Yálá laawoo hɛɓɛ

²³ Yai-Laa ə nu kpɛ Edɛn ɲɛai tii hu, əgɛ, ə li, ə tíi kɛ lɔi ɓa, ɓɛi di kulɔ laa.

Bible

²³ Mɛni ma Yâwɛɛ Ɣâla è gbɛ̀ Idɛŋ suai su a gɛɛ é tíi kɛ́ ǹɔii ma nyii è kùla zui.

Zɛnɛse 3:23 Iomraidhean Croise

Zɛnɛse 2:5

Wulu tɔ̨nɔ̨ kpɛli hvo kɛ lɔi mɛ̨i, ə mą kɛ kala ɓɔn dɔ̨nɔ̨ kpɛli, hvo ni kɛ ɓɔn ni lɔi mɛ̨i. Mąąhɔlɔɓo, Yai-Laa hvo ni kɛ tulɔ pu li lɔi mɛ̨i, ɛlɛɛ, nu hvo ni kɛ lɔi mɛ̨i, yii a kóló kɛ lɔi ɓa.

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Zɛnɛse 2:8

Yili pulu, Yai-Laa ə yɛa ta pɛli Edɛn, voló həɠəi pələ. Nui ŋɛ̨i ə bɛli, ə vilɛn nąą ɲɛa.

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Zɛnɛse 3:22

Yili pulu, Yai-Laa yɛ gbɔwɔ ɓa: «Nu ka ŋɛ̨i aa kɛ kɛa yɛ gu ta, mɛ̨nį ɲɔ̨nwɔ̨ɔ̨ da mɛ̨nį lɛlɛɛ di kɔ́lɔn ŋąą hu. Yii hu kɛa, mąą hvo nɛ̨ɛ̨li kɛa, hvo ɲɛnɛ̨ɛ̨ kɛ wulu ɓa ta mį́i, akɛ a da mį́i, hva kɛa haa.»

Zɛnɛse 3:24

Ɓɛlɔwai kɛa Yálá ə nu kpɛ la Edɛn ɲɛa, Ə nɛɛ mą ə, mąąkpɛ malakaɠaa tɔɔ bələ nwun na, ɓɔwa kwɛa yɛ ɓo di yəi, yɛ nwɔ̨n, diɛ ɲɛnɛ̨ɛ̨ kɛ wului tii mąąkpɛ la.

Zɛnɛse 4:12

Yili ɓə gaa mą, ə mą kɛ yaa kóló kɛ lɔi ɓa, hvo kɛa pai hɛn da tɛɛi ə́ pɔ. Ə́ kaa pai lɛɛi a nu kpoloon, yɛ́ gilɛ həɠə lɔi mɛ̨i.»

Zɛnɛse 4:2

Yili pulu, ə pənə ə lon ɉulɔnu takpɛli hɔlɔɓo a Kain nəɠə, ə naa hee a Abɛlə. Abɛlə ə kɛ a taatɛlɛɛ tɔɔmun, Kain yɛ ɓo a tíi kɛ mun.

Zɛnɛse 9:20

Noe ə kɛ a hihɛn ɉi mun. Ə viɲə yɛa laa.

Ikilisiati 5:9

Nui wali wɛlikaamą, hva pilɛ wali hu. Ɛlɛɛ, nui hɛn gɔw wɛlikaamą, hva dɔlɔ kulɔ. Yili kaa nwɔ̨nɔ̨ a kpɛli-kpɛli mɛ̨nį.