Zɛnɛse 3:19 - Yálá laawoo hɛɓɛ (dc)

¹⁹ Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Yálá laawoo hɛɓɛ

¹⁹ Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Bible

¹⁹ Ƃa pâi fɔ̃nɔ fâyai í lɛ́ɛ pâi íkɔnɔŋ sɔlɔ ƃôi, é lɛ́ɛ la zu í lí pôlu ǹɔii pɔ́. Kpɛ́ni fêi, naa ƃé í kùla naa. Íkaa a pɔ̂rɔ, ǹyaŋ ƃa pâi liî pôlu pɔ̂rɔ pɔ́.”

Zɛnɛse 3:19 Iomraidhean Croise

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Zôo 34:15

Yɛnɛ̨ɛ̨ hɛnŋąą kəlee di nɔ̨ɔ̨ a kpɛɛ kɛ di hu a gee, ɛlɛɛ nu kan ə li pənə ə kɛ a pɔlɔ.

Mąątɛ̨nɛ̨ 104:29

Ya ə́ ɲįnąą kpulu, di hu a pu diɛ, Yá di nɔ̨ɔ̨ kulɔ di hu, di nwun na ə pili, di pənə a pɔlɔ.

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Mąątɛ̨nɛ̨ 90:3

Yá nu kan mąąpənə a pɔlɔ, mąąhɔlɔɓo, Yá kɛ diɛ: «Adamə lonnii, ka yali ka pulu ka too pɔlɔ hu!»

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Ikilisiati 3:20

Nɔ̨ɔ̨-nɔ̨ɔ̨ hɛnŋaa kəlee ŋąąkpɛɛ pələ kaa tanɔ̨n. Nɔ̨ɔ̨-nɔ̨ɔ̨ hɛn gəlee da pənə di pu pɔlɔ hu ɓɛi di həɠə laa.

Zɛnɛse 18:27

Abrahamə yɛ nwɔ̨nɔ̨ mą: «Ną́mu, ə́ lii laa bɔ́, gáá nwɔ̨nɔ̨ bɔ ŋą́ mɛ̨nį ta ɓo yɛ́, ɲą́ą́ ŋɛ̨i və́ ɓaa hɛn da, gáá lɔ a muluun gbala a wala kɛtii luwu.

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Ikilisiati 1:3

Yɛnɛ̨ɛ̨ nuą da kóló walawalaɠaa kɛ, Kɛlaa, tɔlɔ lə kɛɛ kpɔ ɓə da ɉɔlɔɓo ɉu?

Mąątɛ̨nɛ̨ 22:15

Vą́ŋą aa həɠeen, yɛ wulɔyíi, Dɔ́ɔ́tɔɔnŋaa kəlee daa kulɔ di gee la. Níí kaa gwə́i yɛ kwɛ̨ingban, ɲɛ́lɛ kəlee aa həɠeen ɉú.

Zɛnɛse 23:4

«Gáá a nwɛ̨ą ɓɛ ka lɔwai, gɛ́ ka hvaa mą, ka kɛɛnąą ta tɛɛ bɔ́, ɓɛi ŋį́ nɛ̨́ą loo laa.»

Tɛsalonikə veelɛ 3:10

Yaan, ɓɛlɔwai ku kɛ la ká pɔɔli, ku díɓoi ŋɛ̨i tɛɛ ká pɔ, kuɔ káá: «Nui hvo bɔ hvo kóló kɛ, hvo kpɛli kɔ̨nɔ̨n mįi.»

Mąątɛ̨nɛ̨ 103:14

Mąąhɔlɔɓo, ɉɛn di gu pɛli la ə gɔlɔn, gbaɠala kaa mą yɛ gu kaa a pɔlɔ.

Tɛsalonikə dɔlɔɔ 2:9

Ną́n nonnii, bələi ku kólo kɛ la, ku hvįi yɛ kpɛɛ, ka kili kaa yili hu; ku kɛli kóló kɛ a kpinį da hvóló, ə gɛ, ku hvo pa kɛ ká ta nwuɔ̨ a tįɛ̨, ɓɛlɔwai ku Yálá ŋą wɛlɛɛ lɛlɛɛ laa həli la káá.

Ikilisiati 5:15

Yili kaa a mɛ̨nį ŋąąnwąnąą kɛnɛ̨ɛ, mąąhɔlɔɓo, ə həɠə lɔi mɛ̨i yɛ bələi lɔ ə paa la. Tɔlɔ lə kɛɛ kpɔ ɓə ə ɉɔlɔɓo? Gɛ kóló ə tɛɛ lɔ yɛ hvaŋą.

Ikilisiati 1:13

Mɛ̨nįɠaai da kɛ tɛɛi yələkɔlɔn mu, ŋą́ gəlee mąąkpɛɛ kpɔ a nɛlɛɛ, a nwɔ́ kili mɛ̨nį, əgɛ, ŋą́ di kɛ mɛ̨nį nwun gɔlɔn. Kɛlaa, yili kaa a líihɛlɛn da yii Yálá a doo nu lonnii diɛ.

Hanwon 21:16

Nui a həɠə kili pələ mɛ̨i, gaa pai lii vįitɔɔi haa nuą lɔwai.

Mąątɛ̨nɛ̨ 22:29

Heeɓolaa kaa a Yai-Laa nwɔɔ! Gaa heeni lɔi kəlee nwun mɛ̨i.

Zôo 21:26

Di kəlee da lɔ pɔlɔ mu, kolo ə pu di kəlee di hu.

Zôo 19:26

Da pa kɛa gɔ́lɔ́i ŋɛ̨i mą́ą́ ɉukalai, gɔ́lɔ́ ɲąą pɛliɛ hu ɓə gáá pai ɲɛ̨́i tɔɔi la Yálá ɓa.

Zôo 1:21

Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Korɛntə dɔlɔɔ 15:47

Nu kan dɔlɔɔi kulɔ pɔlɔ hu, gaa a pɔlɔ; veelɛnąąn ə həɠə yələi.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Zɛnɛse 3:18

Lɔi kaa pai ɲąąlən da ɲąąlən nwuluɠaa kulɔi ə́ mąą mɛ̨nį ɓa. Tíi kɛɛ ɓə, ə́ kɔ̨nɔ̨n a kulɔ ɉu.

Zôo 4:19

A kɛ tii ləɠi pɔlɔ pɛlɛ mu nuą da kɛ ləi, diɛi da luwun, diɛ pənə a pɔlɔ? Diɛ di kiin naa nɛ̨ɛ̨ yɛ kolo.

Mąątɛ̨nɛ̨ 104:23

Nu yaan, yɛ li bɔ-yɛa, yɛ ɲee pɛlɛi gɛ kólo ɓa, ə lɛɛ ɉu yələ ə wulu.

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Zɛnɛse 5:5

Adamə kaa kwɛlan gəlee pɛlɛɛ gee ɓa, ə kɛ a: kwɛlan nwun mɛ̨inąąn kwɛlan bow haaɓa. Yili pulu, ə haa.

Zôo 10:9

Gbaɠala kaa yɛ́, yɛ́ ɓə bɛ́li a ləɠi pɔlɔ. Ya ka ə́ kaa bɔ ə́ pənə ə́ nɔ́ pɔlɔ hu.