Zɛnɛse 26:22 - Yálá laawoo hɛɓɛ (dc)

²² Di həɠə nwɔ̨nɔ̨ laa, di li di ɲálɔwa ɉaaɓanąą tee, yili nwɛi, hvaa hvo tee ɉu. Isaakə ə nąą laa hee a: Rehovotə, mukulaa ɓaa a: «ɲee kɔ́nwɔ̨n ɉu kɛnɛ̨». Mąąhɔlɔɓo, Isaakə ə kɛ diɛ: «Yai-Laa aa ku ɲąąnɛ̨ɛ̨, ə gɛ, ku yee kɔ́nwɔ̨n ɉu ə kɛnɛ̨ ɓɛ nɔi.»

Yálá laawoo hɛɓɛ

²² Di həɠə nwɔ̨nɔ̨ laa, di li di ɲálɔwa ɉaaɓanąą tee, yili nwɛi, hvaa hvo tee ɉu. Isaakə ə nąą laa hee a: Rehovotə, mukulaa ɓaa a: «ɲee kɔ́nwɔ̨n ɉu kɛnɛ̨». Mąąhɔlɔɓo, Isaakə ə kɛ diɛ: «Yai-Laa aa ku ɲąąnɛ̨ɛ̨, ə gɛ, ku yee kɔ́nwɔ̨n ɉu ə kɛnɛ̨ ɓɛ nɔi.»

Bible

²² È kùla naa é ya-loa nina tée. Dífe laa-saa kɛ́ ní nyíti mɛi. Mɛni ma è ǹáa sèe a “Ŋ̀uŋ-ma-ƃo” ǹyɛɛi, “Kpɛ́ni fêi, Yâwɛɛ a nâa kwaa mâ kɛ́ naa kúmɛni ma, ǹyaŋ kwa pâi nâa ƃûu ƃôi ǹɔii su.”

Zɛnɛse 26:22 Iomraidhean Croise

Zɛnɛse 17:6

Gáá pai ə́ huwuhu ɓɛlɛi kpɔ kɛnɛ̨, hį́i tamąą kaa pai hɔlɔɓoi ə́ huwuhu tɔɔɓɛlaa diɛ kulɔ ɉu.

Zɛnɛse 26:21

Isaakə nwɔ luwɔɠaai di pənə di yálɔwa takpɛli tee, hvaa ə tee nwɔ̨nɔ̨ yili mąą mɛ̨nį hu. Isaakə ə nąą laa hee a: Sitna, mukulaa ɓaa: «laa haa».

Zɛnɛse 28:3

«Gɛ́ Huwalawala Kəlee Nąmu Yálá ə lúwɔ́ too yɛ́, Ə ə́ kwəi nwun, ə́ lon damąą kaa, Ə ə́ kɛ a hį́i tamąą di nąn.

Zɛnɛse 41:52

Ə veelɛnąą laa hee a: «Ɛfraimə.» Ə mo nwɔ̨nɔ̨, yɛ diɛ: «Ŋį kɛ ɓɛ nɔi a mąąwɛliɛmun, Yálá aa nwɔ̨nɔ̨ gɔ́ a lon.»

Mąątɛ̨nɛ̨ 118:5

Ɓɛlɔwai ŋą́ kɛ la liihɛlɛn gɛnɛ̨ hu, ŋį́ Yai-Laa təli, Yai-Laa ə nwoo mu hon, ə volóon na ɓo.

Mąątɛ̨nɛ̨ 119:32

Gáá gilɛ həɠəi ə́ wɔ tɔn nwooi nwɔ pələɠaai mɛ̨i, mąąhɔlɔɓo, yaa ɲéé la hvoloon.

Mąątɛ̨nɛ̨ 18:19

Ɲələi ŋį́ too la, di mą́ą́tinɛ̨n, Kɛlaa, Yai-Laa ə pa ə mą́ą́kpɔnmąąɓo.

Mąątɛ̨nɛ̨ 4:1

Nwələ ɲɛ̨i tɔwɔmun, Davidə nwɔ wələ, ə doo a hvɛlikɛ hɛn ɲɛlimąą. Davidə nwɔ Yálá mąątɛ̨nɛ̨ wələ.

Lɛɛ gbɔwɔ ɓa 1:7

Israɛlə lonnii di ɓuɠuɓo, di yee ə walawala, di nɔi kəlee yee kulɔ.

Azaya 54:2

Ə́ wɔ pɛlɛ́i hvilɛn a mu kɛnɛ̨, gbaɉaɠa ɲąąkɛnɛ̨, hvo da kɛ a hviikpɛɛ, bɛlɛ lɔnwɔɠaa kɛ a di huwala walaa,

Azaya 54:3

mąąhɔlɔɓo, ə́ huwu hu kaa pai kɛnɛ̨i, ə́ ɓa-mįi-yee hu pələ, da ə́ kɔ́ɓɛyee hu pələ. Ə́ huwu kaa pai hįį tapkɛliɠaa yəi hɛn gɔw hɔlɔɓoi a nwɔɔ, ə́ lonnii diɛ taa kpoloonŋąą laahvɛɛ a nu kan.