Zɛnɛse 22:9 - Yálá laawoo hɛɓɛ (dc)

⁹ Ɓɛlɔwai kɛa di həli la ɓɛi ŋɛ̨i Yálá ə nąą lɛ Abrahamə ɓa, Abrahamə ə haláá kulɔi ta pɛli laa, ə gwɛi pu mɛ̨i, ə Isaakə hon, ə ɲee laa bulu, ə ɲili, ə dɛ ə naa gwɛi mɛ̨i.

Yálá laawoo hɛɓɛ

⁹ Ɓɛlɔwai kɛa di həli la ɓɛi ŋɛ̨i Yálá ə nąą lɛ Abrahamə ɓa, Abrahamə ə haláá kulɔi ta pɛli laa, ə gwɛi pu mɛ̨i, ə Isaakə hon, ə ɲee laa bulu, ə ɲili, ə dɛ ə naa gwɛi mɛ̨i.

Bible

⁹ Tãi dí sèri la ƃɛ́i Ɣâla è nàa lɛ̀ Eberaɣɛ̃ɛ mai, Eberaɣɛ̃ɛ è Ɣâla-teƃele tɔ̀ɔ naa é gɔii pú ŋ̀á a ǹɛ́lɛɛ. È ǹóŋ Aise sòŋ é ŋíri é ǹáa gɔii mɛi zâla-kula teƃelei ŋá.

Zɛnɛse 22:9 Iomraidhean Croise

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 12:8

Ə həɠə laa ə li Betɛlə taa voló həɠəi pələ, ɓɛ pələi tii yeeɠaa tamąą la, ə haláá kulɔi pɛli ə Yálá hvɛli, yɛ kɛ Yálá laa baa: Yai-Laa. Gɛɛnąąi tii ɓə ə nwɔ taai pu laa, Betɛlə taa da Ai taa di lɔwai.

Zɛnɛse 13:18

Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.

Zɛnɛse 22:10

Ə mowa həɠə kɛa, yɛ pa non nwun deei la.

Zɛnɛse 22:8

Abrahamə ə nwoo ŋąąpənə, yɛ mą: «Nón, Yálá kpinį ɓə pai mɛlaa lon gɛi.» Di tɛɛ diɛ li.

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Tɔɔɓɛlaa dɔlɔɔ 18:33

Ə gwɛi laa, ə ɉuwɔ hu tee ə bu gwɛi mɛ̨i.

Mąątɛ̨nɛ̨ 118:27

Yai-Laa ɓə gaa a Yálá, ya ɓə kɛɛ pono tɛɛ ku pɔ, 'ka tɔɔ a ka yɛli gwala laa ə ɓo ka yəi, ə lɛɛ ɉu ka həli ɉaláá kulɔi mįnɛ̨ɠaa diɛ.

Maafîu 27:2

Yili pulu, di Jesus yili di dɛɛ Pilatə pɔ, yaai kɛ a Romə nuą di wɔ hį́í lɔi mɛ̨ihveelɛi nwun nąmu.

Markə 15:1

Yələ wala piinɛ̨ɛ̨, ɉaláá laa həli nuą nwun nąmįną da Ɉuifə kalanɉonŋąą, ə mą kɛ, dɔ́n galamɔ̨ɔ̨ɠaa da tɔ́nvili nąmįną kəlee di di nwun dɔɔ. Yili pulu, di Jesus hon di ɲili, də li di dɛɛ Pilatə pɔ.

Gɛlaɠaa 8:32

Ɓɛi ti ə kɛi nąą ɓo, ɉɛɓɛ́ hu, nąą ka: «Ə kɛ yɛ ɓɛlaai di lii baai, naa pilaa kɛ yɛ ɓɛlaai di ka nɛɠa mɛ̨i teei, naa pilaa lɔ kɛ, hvaa hvo kulɔ na.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Zĩi 2:21

Kɛlɛi, gu nąn Abrahamə, ə kɛ a tələnmomun, dúwɔ́ pələ hu-e, a ɓɛlɔwai ə non Isaakə laa la ɉaláá kulɔi-e?

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.