Zɛnɛse 22:7 - Yálá laawoo hɛɓɛ (dc)

⁷ Isaakə ə nąn Abrahamə mąąnikɛ, yɛ mą: «Ną́n!» Abrahamə ə nwoo ŋąąpənə, yɛ mą: «Nón, yɛ́ lə?» Yɛ mą: «Nwɔ̨n gaa gu yəi, kwɛi yɛ ɓo gu yəi, kɛlaa, mɛlaa lon gu kaa lii gulɔi a haláá, gaa mį?»

Yálá laawoo hɛɓɛ

⁷ Isaakə ə nąn Abrahamə mąąnikɛ, yɛ mą: «Ną́n!» Abrahamə ə nwoo ŋąąpənə, yɛ mą: «Nón, yɛ́ lə?» Yɛ mą: «Nwɔ̨n gaa gu yəi, kwɛi yɛ ɓo gu yəi, kɛlaa, mɛlaa lon gu kaa lii gulɔi a haláá, gaa mį?»

Bible

⁷ Aise è mò ǹâŋ Eberaɣɛ̃ɛ ma ǹyɛɛi, “Ńâŋ!” Ǹâŋ ǹyɛɛ mai, “Ńóŋ, ńyãa ká ŋí.” Aise ǹyɛɛ mai, “Gáa, ŋɔŋ káa ƃɛ́ da gɔii, kɛ́lɛ m̀álai kɔɔ géreŋ salai kula mɛni ma?”

Zɛnɛse 22:7 Iomraidhean Croise

Zɛnɛse 22:8

Abrahamə ə nwoo ŋąąpənə, yɛ mą: «Nón, Yálá kpinį ɓə pai mɛlaa lon gɛi.» Di tɛɛ diɛ li.

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Lɛɛ gbɔwɔ ɓa 12:3

Ka li ka mo Israɛlə lonnii diɛ, kaa diɛ: «Ɲąnin ŋɛ̨i nwɔ hvóló pow yələ, kwəli nąmįną tɛitɛi kəlee di ɓɛlaa lon ɉon a bɛlɛ́ laa;

Lɛɛ gbɔwɔ ɓa 29:38

«Ɉɛnŋąąi nwɔ̨nɔ̨ mąąnɛ̨ɛ̨ ə́ di kulɔ a haláá, diɛ ka: kwɛlan dɔ̨nɔ̨ ɓɛlaa lon veelɛ həɠə, hvóló tɛitɛi kəlee.

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Maafîu 26:42

Jesus ə pənə ə li a veelɛnąą, yɛ Yálá hvɛli yɛ kɛ mą: «Ną́n, akɛ mɔ̨nɔ̨ ŋɛ̨i hva pɛli hvólói mą́ą́, hvo kɛli lɔ a həli mą́ą́, bələi ə́ kaa la bɔ, ə kɛ tii a ɲą́ą́.»

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 1:36

Nąąlɔwai Ɉaan ə ɲɛ̨i hee Jesus ɓa yɛ tɛɛ ə mo yɛ diɛ: «Yálá nwɔ ɓɛlaa lon ga!»

Ɉaan 18:11

Jesus yɛ Piɛrə ɓa: «Ə́ wɔ ɓɔwai lɔ daai. Gbələ kɔ́wɔi Ną́n ə dɛɛ bɔ́, yɛ́ və́ gbə́lə la?.»

Lomaŋ 8:15

Mąąhɔlɔɓo, Gilii ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Gilii ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.