Zɛnɛse 21:6 - Yálá laawoo hɛɓɛ (dc)

⁶ Nąąlɔwai, Sara ə mo, yɛ diɛ: «Yálá aa kwəinɛ̨ɛ̨ yɛlɛ too ná. Nuąi lɔpee pai Isaakə mąą mɛ̨nį bələ mɛ̨n ɉii, di kaa pai yɛ́lɛ́i nwɔ́ yɛ́lɛ́ pɔ.»

Yálá laawoo hɛɓɛ

⁶ Nąąlɔwai, Sara ə mo, yɛ diɛ: «Yálá aa kwəinɛ̨ɛ̨ yɛlɛ too ná. Nuąi lɔpee pai Isaakə mąą mɛ̨nį bələ mɛ̨n ɉii, di kaa pai yɛ́lɛ́i nwɔ́ yɛ́lɛ́ pɔ.»

Bible

⁶ Nya ƃe Seera è mò ǹyɛɛi, “Ɣâla a ŋáɣɛlɛ-maa-ƃela kɛ́ ma. Ǹúui kélee pâi m̀ɛnii ŋí mɛnîi, a pâi ɣɛ̂lɛi.”

Zɛnɛse 21:6 Iomraidhean Croise

Zɛnɛse 17:17

Abrahamə ə pɛlɛ nɔi ɓa, ə yɛlɛ a kwəinɛ̨ɛ̨, mąąhɔlɔɓo, ə mo gwəi pələ yɛ mą: «Lon ɉulɔnu a pɛli ə hɔlɔɓo ɲə́i yiihu, gáá kwɛlan aa lɛɠɛ kɛa nwundɔ̨nɔ̨ kwɛlɛ, nɛ̨́ą nwɛi yɛ ɓo pow mɛ̨inąąn? Akɛtii, kwa pɛli ni lon ɉɔlɔɓoi?»

Mąątɛ̨nɛ̨ 113:9

A kpomąnɛ̨ą hee nwunɲą, Yɛ gwəi nɛ̨ɛ̨ a gɛi a mo a lon gaanɛ̨ą. Mąąwiɛ ə kɛ Yai-Laa ɓa! 'Kánikookwəi!

Mąątɛ̨nɛ̨ 126:2

Nąąlowai Ku kɛ lɔ yɛlɛ mɛ̨nį hu, kwəinɛ̨ɛ̨ wələ lɔ ɓə kɛ ku la; Lɔiɠaa di kɛi kɛ diɛ: «Aiyoo Yai-Laa aa mɛ̨nį lɛlɛɛ kɛ diɛ!»

Azaya 49:15

Nɛ̨ɛ̨nu a mɔ̨ɔ̨ pɛli lɛ̨ąi non dala ɓa? A mɔ̨ɔ̨ pɛli kpɛlai gwəi lon nwɛlila kɛɛ ɓa? Ə mą kɛ kɛ nɛ̨ąą da pɛli kɛ lɛ̨ąi, nwɛ́i və́ pai lɛ̨ąi yɛ́!

Azaya 49:21

Nąąlɔwai, ə́ kaa pai kɛi ə́ kpɔwɔ mąąni kɛi, yɛ́ kɛ diɛ: «Kwa gbɛɛ ɓə yiiɠaai kaa? Ɲą́ą́i lon və kɛa kɛ mą́ą́, ŋį́ ɓo a kpomąnɛą, daa kɛ gúlɔ lɔwɛi, ŋį́ ɓo luwɔlaa hu, gbɛɛ ɓə yiiɠaai kulɔ ɉu? Ŋį́ kɛ dɔ́nɔ́ kon ɉu, yiiɠaai di kɛ mį?»

Azaya 54:1

'Toma a kwəinɛ̨ɛ̨ kpoma nɛ̨ą, yɛ́i hvo kɛi lon gaa, 'pili yələi a kwəinɛ̨ɛ̨, ə́ mąną, yɛ́i hvo kɛi lon gwəi nwąną kɛ, mąąhɔlɔɓo, nɛ̨ɛ̨nui kɛ daa gulɔ lɔwɔi, nonnii kpulu tamąąi di tɛɛ hilɛ tai nɛ̨ą ɓa; Yai-Laa woo li.

Ɉeremi 20:15

Nui pa nwɛlɛɛ ɓoi ną́n ma, yɛ kɛ mą: «Yáá lon ɉulɔnu hɔlɔɓo.» Ɛlɛɛ, yili yɛ mąą kwəinɛ̨ɛ̨ kulɔ, mąą nu nɛ̨ŋɛ̨n naa ɓə.

Lukə 1:14

Nokoloi tii hɔlɔɓo mɛ̨nį kaa pai ə́ kwəinɛ̨ɛ̨i, ə lɛɛ, ə nu tamąą kwəinɛ̨ɛ̨.

Lukə 1:58

Yii kɛa Elisabɛtə gaayɔwɔɠaa da nwɛlikɛmąą nuą di mɛ̨n, diɛ: Yálá aa ɲɛ̨i lɛlɛɛ yee Elisabɛtə ɓa, di kəlee di di kwəinɛ̨ɛ̨ bɔ.

Lomaŋ 12:15

Nuąi da kɛ kwəinɛ̨ɛ̨ hu, ka diɛni ka gwəinɛ̨ɛ̨ tii kulɔ, nuąi da kɛi wɔlɔ, ka diɛ ni ka wɔlɔ.

Hebreu 11:11

Laa na laa háálai ɓə gɛ, Sara yaa kpɛlimąn, bələi mąn bɔlɔɔ kɛ la, ə lon ɉɔlɔɓo, mąąhɔlɔɓo, nui mɛ̨nį laakwɛlanmo diɛ, ə laa na, yɛ, a kulɔ nwoo ɓa.

Samuɛlə dɔlɔɔ 1:26

Anə yɛ Eli ɓa: «Nwɔ́ mɛ̨nį nąmu, ə́ nwun di báá nɛ̨ɛ̨nui tii ta kɛ ɓɛ, a yələ ta yɛ Yai-Laa hvɛli, kpɔɔlɔɔ gɛɛnąą ŋɛ̨i ɓa, ə́ kili kaa ɉu? Nwɔ mɛ̨nį nąmu, ə hvulú mąą ə lɛɛ, ɲą́ą́ ka tii kɛ.