Zɛnɛse 20:6 - Yálá laawoo hɛɓɛ (dc)

⁶ Ɉiin tɔ̨nɔ̨i tii hu, Yálá ə Abimelɛkə woo ŋąąpənə, yɛ mą: «Ɲą́ą́ gbɛli ŋą́ gɔlɔn gɛ́ diɛ, hvo kɛ ɉəɠə li a kiliŋąhiɛ ɲɔ̨nwɔ̨ɔ̨. Ɲą́ą́ ɓə hvaa mą, gɛ́ hvo lɛɠɛ nɛ̨ɛ̨nui tii ɓa, ə gɛ, hvo pa kɛ a hɔn mąą mun ɲɛ̨́i ɓa. Mɛ̨nį gɛ və́ hvaa la mą hvo laa la, yaa li.

Yálá laawoo hɛɓɛ

⁶ Ɉiin tɔ̨nɔ̨i tii hu, Yálá ə Abimelɛkə woo ŋąąpənə, yɛ mą: «Ɲą́ą́ gbɛli ŋą́ gɔlɔn gɛ́ diɛ, hvo kɛ ɉəɠə li a kiliŋąhiɛ ɲɔ̨nwɔ̨ɔ̨. Ɲą́ą́ ɓə hvaa mą, gɛ́ hvo lɛɠɛ nɛ̨ɛ̨nui tii ɓa, ə gɛ, hvo pa kɛ a hɔn mąą mun ɲɛ̨́i ɓa. Mɛ̨nį gɛ və́ hvaa la mą hvo laa la, yaa li.

Bible

⁶ Nya ƃe Ɣâla è mò ma ŋɔseei su ǹyɛɛi, “Óoei, ŋá gɔ́lɔŋ a gɛɛ í gɛ̀ a lii lɛ̂lɛ. Ńyãa ƃé gɛ̀ a gɛɛ ífe sɔnyɔ̂ŋ kɛ̀ a ńyãa. Mɛni ƃé fé ílɛɛ ní la naa a gɛɛ í lɛ́ɣɛ ma.

Zɛnɛse 20:6 Iomraidhean Croise

Zɛnɛse 20:18

Mąąhɔlɔɓo, Yai-Laa ə Abimelɛkə nɛ̨ą kɛ a kpomąnɛ̨ą da ɲəi bɛlɛ́n nɛ̨ąąɠaa kəlee, Abrahamə nɛ̨ą Sara mąą mɛ̨nį ɓa.

Zɛnɛse 26:11

Abimelɛkə ə nɛɛmą, ə nwɛlɛɛ tɔɔ nɔi nąą kəlee, yɛ diɛ: «Nui lɔpee a kpə́n ɲali ɉulɔnui ŋɛ̨i da nɛ̨ą diɛ, kwa mąą nu paa.»

Zɛnɛse 3:3

Kɛlaa, yii ɓaa nwului ŋɛ̨i tɔɔni ɲɛa hamąi, Yálá ə kɛ kuɔ: ‹Ka hvo mą ta mį́i, ka hvə kpɛli tunwɔ̨n gbinį ɓa, əgɛ, ka hvo pa haa.›»

Zɛnɛse 31:24

Kɛlaa, kpinįi, Yálá ə gbɔwɔ lɛ Aramə mun Laban ɓa hįį pələ, yɛ mą: «Hvo kɛ ə́ kaa mɛ̨nį ɲɔ̨n gɛi a Ɉakɔbə.»

Zɛnɛse 31:7

Kɛlaa, aa mówo, yii kɛ mąąnɛ̨ɛ̨ ə dɛɛ bɔ́ a ɉálá, aa mąąhvalin geemɛ̨i pow, ə mą kɛ tii, Yálá hvo hvaa li mą hvo mɛ̨nį ɲɔ̨n gɛ a ɲą́ą́.

Zɛnɛse 35:5

Ɓɛlɔwai Ɉakɔbə da nwɔ nuąi di di tiɛ̨ həɠə la, diɛ li, Yálá ə ɲɔw kɛnɛ̨ too nɔi tii hu nuą hu, nu tɔ̨nɔ̨ kpɛli hvo hvilɛn di pulu.

Zɛnɛse 39:9

Ɲəi bɛlɛ́n ɓɛ, ɲą́ą́ ɓə mɛ̨nį kəlee kaa ná, hvo tɔ́n dɔɔ li mą́ą́ mɛ̨nį ta hu, hvo kɛli lɔ yɛ́ ɓə vá lɛɠɛ yɛ́, mąąhɔlɔɓo, nɛ̨ą ɓaa a yɛ́. Ŋą́ həɠə pələ kɛ ləi, gɛ́ li mɛ̨nį ɲɔ̨n gɛi, gɛ́ nɛ̨ŋɛ̨n ɉəɠə Yálá ɓa?»

Mąątɛ̨nɛ̨ 51:4

'Nwɔ́ túwɔ́ pələ ɲɔ̨n nwaa kpɔ mą́ą́ tɛ̨ɛ̨tɛ̨ɛ̨, 'nwɔ́ nɛ̨ŋɛ̨n nwaa mą́ą́ ə́ mą́ą́həɠə.

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Lɛɛ gbɔwɔ ɓa 34:24

Mąąhɔlɔɓo, ŋį́ nuą di wɔ lɔiɠaai kulɔi di yəi, gɛ́ ka wɔ lɔi hu kɛnɛ̨, nu hvo pai hɔlɔɓoi, yɛ ɲɛ̨i kulɔ ka wɔ lɔi pɔ, ɓɛlɔwai ka káá pai kɛi la Yai-Laa lííla gee mɛ̨i haaɓa kwɛlan dɔ̨nɔ̨ ɲee mu.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Hanwon 6:29

Bələ lɔ ɓə gaa la, nu hva pɛli hvilɛn ɉii ə́ ɓɛlan nɛ̨ą pulu, a kɛ nąą pɔɔ hvo lɛɛli yɛ́.

Levetekɔ 6:2

«Mɛ̨nįɠaa ŋɛ̨i laa həli Aarɔn da nonnii diɛ, yɛ diɛ: «Haláá hɛn da gəlee kələn gulɔ pələ ka: Ka ɉaláá hɛn naa ɉaláá kulɔ nwɔ̨n dəŋą ŋą, ə yii laa, ə lɛɛ la ɉu yələ ə ɓɔ, nwɔ̨n və luwun.

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Korɛntə dɔlɔɔ 7:1

Mɛ̨nii ká ɉɛɓɛ́ tɛɛ mą́ą́, ka gu da ɓo. Yii nɛlɛɛ, ya ɓaa: Hulɔnu hvo nɛ̨ą həɠə,

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Tɛsalonikə veelɛ 2:11

Yili ɓə a gɛ, Yálá ə lɛɛ-hvaŋą lɛɛ laa yɛ di ɓowo, di laa na.

Tɛsalonikə veelɛ 2:7

Mąąhɔlɔɓo, mɛlɛtoomun tii, kaa kɛa gɛ-mɛ̨nį kɛi mįlimu, yaa lɔ ɓaa, nui ɲee kaa mą yiihu, a tɛ pulu,

Samuɛlə dɔlɔɔ 25:26

Kɛlaa, nwɔ́ mɛ́ni nąmu, Yai-Laa laa hu, ɛlɛɛ, yɛ́ kpįnįi ə́ laa mąą mɛ̨nį ɓa, Yai-Laa ka tii kpəɲąn ə́ tɔwɔ, hvo ə́ yee lɔ li nu paa mɛ̨nį hu. Hvo ə́ lɛɛ li laa yɛ́ ə́ nwąną kulɔ yɛ kpįnįi. Yálá ə gɛ, ə́ yowowɠaa da nuąi mɛ̨nį ɲɔ̨n gili kaa di kwəi yɛ hvilɛn na yɛ́, di ɲąąkpɛɛi ə kɛ yɛ Navalə.

Samuɛlə dɔlɔɔ 25:34

Kɛlaa, a tɛ̨ą, yii kpɔ Yai-Laa Israɛlə nwɔ Yálái kaa a vulú, hvo hvaa mą və́ mɛ̨nį ɲɔ̨n gɛ a yɛ́, yai kpəɲąn dɔ́wɔ́, yá wala kɛ pa hvo náákwiɛn, tínąą yələ wala pɔ, hɛn nɔpee ta hvo li lɛɛ Navalə yəi bɛlɛ́n a vulú, yii a nwɛlaa tɛ pɛlɛ́ ɓa.»