Zɛnɛse 20:3 - Yálá laawoo hɛɓɛ (dc)

³ Kɛlaa, kpinįi, Yálá ə gbɔwɔ lɛ Abimelɛkə ɓa hįį pələ, yɛ mą: «Nɛ̨ɛ̨nui ŋɛ̨i ə́ ɉəɠə, hilɛ kaa mą, ya wala nɛɛ laa, ə́ kaa pai haai mąą mɛ̨nį ɓa.»

Yálá laawoo hɛɓɛ

³ Kɛlaa, kpinįi, Yálá ə gbɔwɔ lɛ Abimelɛkə ɓa hįį pələ, yɛ mą: «Nɛ̨ɛ̨nui ŋɛ̨i ə́ ɉəɠə, hilɛ kaa mą, ya wala nɛɛ laa, ə́ kaa pai haai mąą mɛ̨nį ɓa.»

Bible

³ Kɛ́lɛ Ɣâla è pà Abimelɛ pɔ́ a gbínii seêi-pere, ǹyɛɛ ma, “Gáa íkaa pâi saâi, kpɛ́ni fêi, nɛnîi í zîɣei bɔ̂ŋ káa ma.”

Zɛnɛse 20:3 Iomraidhean Croise

Zɛnɛse 12:17

Kɛlaa, Abramə nɛ̨ą Sarai mąą mɛ̨nį, Yai-Laa ə mɛ̨nį nwąnąą laa tɔɔmun ɲəi bɛlɛ́n nuą diɛ.

Zɛnɛse 12:18

Tɔɔmun ə Abramə təli, ə mąąnikɛ, yɛ mą: «Lə mɛ̨nį ɓə ɲɛ̨i ə́ gɛ a ɲą́ą́i? Lə mɛ̨nį ɓa hvo kɛ gílaa pɔ̨nɔ̨ li yɛ́ kɛ mą́ą́ ə́ nɛ̨ą ɓaa Sarai?

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Zɛnɛse 28:12

Ə heen mo, ə goto ta kaa heen bələ, dɔɔ nɔi ɓa, gwɛa kpɔ, yɛ tɛ yələkɔlɔn ma. Ə Yálá nwɔ malakaɠaa kaa diɛ tɛ, diɛ yɛɛ gotoi tii ɓa.

Zɛnɛse 31:24

Kɛlaa, kpinįi, Yálá ə gbɔwɔ lɛ Aramə mun Laban ɓa hįį pələ, yɛ mą: «Hvo kɛ ə́ kaa mɛ̨nį ɲɔ̨n gɛi a Ɉakɔbə.»

Zɛnɛse 37:5

Yələ ta, Ɉosɛfə ə hįį kaa, ə ɉukulɔ niɛni diɛ, yili ə nwɔ wɛli kpɛɛ mąą laa ta pɛlɛ mą niɛni yəi.

Zɛnɛse 37:9

Ɉosɛfə ə pənə nwɔ̨nɔ̨ ə hįį takpɛli kaa, ə li nwɔ̨nɔ̨ ə ɉukulɔ niɛni diɛ, yɛ diɛ: «Ŋą́ą́ nwɔ̨nɔ̨ hįį kaa, ŋį́ hvóló kaa, ɲąnin da pɛmɛ̨lɛ̨n-gɔw pow kɔ́w tanɔ̨n, di pa di pɛlɛ gɔ́wɔ́ mu.»

Zɛnɛse 40:5

Nɔɔ pɛli nuą nwun nąmu da yii kɛ tɔɔmun gɔ̨nɔ̨n mɛ̨nį nwun na, di hįį kaa a kpinį tɔ̨nɔ̨ gaho pɛlɛ́ mu; ɉukulaa yɛ ɓo a dee-tee.

Zɛnɛse 40:8

Diɛ mą: «Kwaa hįį kaa, nu hvo ku yəi, ə mukulɔ kuɔ.» Ɉosɛfə yɛ diɛ: «Kɛlɛi Yálá ɓə mɛ̨nį kəlee mukulaa kɔ́lɔn! 'Ka ɉukulɔ mą́ą́.»

Zɛnɛse 46:2

Mąą kpinįi tii hu, Yálá ə Israɛlə təli a naa, hįį pələ, ə pələ ɓo mą, yɛ mą: «Ɉakɔbə! Ɉakɔbə!» Ɉakɔbə ə hvaa, yɛ mą: «Nwə́li tɔɔi!»

Kɔlɔnikɔ Maa-ŋuŋ 16:21

Kɛlaa, Yálá hvo hvaa mą, nu ta hvo hee di mɛ̨i, Ə haŋą tɔɔɓɛlaa diɛ, di mąą mɛ̨nį ɓa, yɛ kɛ diɛ:

Zôo 33:15

Hįį pələ, da mɛ̨nįɠaa lɛ nu ɓa kpinii, ɓɛlɔwai yii kɛnɛ a nua hon na, di ɓo laa ni di wɔ gbinŋąąi ŋa diɛ yii.

Zôo 33:17

ə gɛ, nu ə həɠə nwɔ túwɔ́ pələ ɲɔn bulu, ə lɛɛ, diɛ ɲɔw kpɔɔ ŋąą kɛnɛ ɓa.

Mąątɛ̨nɛ̨ 105:14

Hvo nu ta lɛɛ laa, hvo hee di mɛ̨i, ə tɔɔɓɛlaa hu tɔɔ di mąą mɛ̨nįɓa.

Zôna 3:4

Ɉonasə ə hvóló tɔ̨nɔ̨ hiɛ kɛ daai, yɛ kɛ diɛ: «Aa lɛɛ pulu a hvóló pow-nąąn, Ninivə taa ŋɛ̨i yɛ wolo.»

Lonon mo 22:9

Yálá yɛ Balaamə ɓa: «Gbɛɛ nuą ɓə ŋɛ̨i ə́ yəi bɛlɛ́n?»

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»