Biblia Todo Logo
Bìoball air-loidhne

- Sanasan -




Zɛnɛse 19:16 - Yálá laawoo hɛɓɛ (dc)

16 Yii kɛa Lɔtə ə kɛi mąątínɛ̨n, malakaɠaa di ɉon a ɲee, di nɛ̨ą hon da nonnii nɛ̨ąą hveelɛi, di di kulɔ Sodomə daai, mąąhɔlɔɓo, Yai-Laa ə kɛ ɓɔ di nwun mąą ə ɓo.

Faic an caibideil Dèan lethbhreac

Yálá laawoo hɛɓɛ

16 Yii kɛa Lɔtə ə kɛi mąątínɛ̨n, malakaɠaa di ɉon a ɲee, di nɛ̨ą hon da nonnii nɛ̨ąą hveelɛi, di di kulɔ Sodomə daai, mąąhɔlɔɓo, Yai-Laa ə kɛ ɓɔ di nwun mąą ə ɓo.

Faic an caibideil Dèan lethbhreac

Bible

16 Kɛ́lɛ vé gɛ́ ní a maa félaa. Nya ƃe ŋɔ̃ya-ŋai dí zòŋ a ǹyée da ŋɔnɛnîi é pɛ́lɛ ǹônii-nɛyaa feerɛi dîa, dí díkula daai su. Kpɛ́ni fêi, Yâwɛɛ è dímalôŋ kàa.

Faic an caibideil Dèan lethbhreac




Zɛnɛse 19:16
39 Iomraidhean Croise  

Yələɓɔi kpinį mu, malakaɠaa di Lɔtə mąą wəleen, ə gɛ, ə kulɔ nąą daai, di kɛi kɛ mą: «Ə́ muhəɠə ɉa, ə́ nɛ̨ą da ə́ lonnii nɛ̨ąą hveelɛi ŋɛ̨i həɠə ka kulɔ ɓɛ daai, ə gɛ, ə́ nwun na hvo pa pili daa ŋɛ̨i nwɔ mɛ̨nį ɲɔ̨n ɉu.»


Yii hui ŋɛ̨i, akɛ kɛ ku hvo ku kɔ́n mąą ɲii li, yɛ kwaa kɛ yalii hveelɛ kɛ, kuɔ pa a gu kɔ̨nɔ̨n.»


'Ka Yai-Laa mąąwiɛ, mąąhɔlɔɓo, nwɔ mɛ̨nį lɛlɛɛi, ə lɛɛ, a kulɔ nwoo ɓa a yələ kəlee.


Bələi lon gaa nąn a non ɉon na a wɛlikɛmąąlaa kɛnɛ̨, bələ lɔ ɓə Yai-Laa a nuąi da ɲɔw mą di hon na a liinɛ̨ɛ̨ gwəilaa.


'Kánikookwəi! 'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi nwɔ wɛlikɛmąąlaa ɲɛ̨n deei hvo mą!


Kɛlaa, ə di ɓalo, Naa mąą mɛ̨nį ɓa, yɛ vąŋą lɛ la tii diɛ.


'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei və mą.


Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.


'Ka gu Yai-Laa mąąwiɛ, mąąhɔlɔɓo nwɔ mɛ̨nį lɛlɛɛi, ɛlɛɛ, nwɔ wɛlikɛmąąlaa ɲɛn deei hvo mą.


Gáá mą́ą́hulɔi, vá nwų́ɔ̨ wɔlɔ, ə́ wɔ tiɓoɠaai kɛ mɛ̨nį hu.


'Ka Yái-Laa Laa tɛ, mąąhɔlɔɓo nwɔ mɛ̨nį lɛlɛɛi, Mąąhɔlɔɓo, nwɔ wɛlikɛmąąlaa ɲɛ̨n deei hvo mą!


Mɔ̨nɔ̨ tamąą heeɛi nui hva Yálá mąąwiɛ dɔwɔ, Kɛlaa nui a gilitɔɔ Yai-Laa ɓa, mąą nu mąątínɛ̨nŋąąi a wɛlikɛmąąlaa kpɔ kɛnɛ̨.


Kɛlaa, nuąi da ɲɔw Yai-Laa ɓa, a ɲɛ̨i kɛ diɛ, a nuąi di kilitɔɔ nwɔ wɛlikɛmąąlaa ɓai.


A di kulɔ haa yəi, yɛ di laa hɔn mo yɛnɛ̨ɛ̨ a pulu yələɠaa.


Nónnii, 'ka pa ka ka wəli tɔɔ nwóó ɓa, bələi mąąnɛ̨ɛ̨ nu ə ɲɔw la Yai-Laa ɓa, ŋį́ bələ lɛ kaa.


Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.


Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.


Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.


Yɛ mɛ̨inɛ̨ɛ̨ kɛ mąnįn bulu mąnįn waa tamąą ɓa, yɛ nuą kɛ nɛ̨ŋɛ̨n da di wɔ kulɔ nwoo mu laa mąąhvaalɛɛ. Kɛlaa, a mɛ̨nį ɲɔ̨n gɛ mun ɉutɔɔ, a lon gaa nuą di wɔ túwɔ́ pələ ɲɔ̨n gwələ kulɔ di lonnii diɛ, da di mąnįnni diɛ.»


Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.


Yai-Laa nwɔ mɛ̨inɛ̨ɛ̨ɠaa di hva kpɛɛ, nwɔ wɛlikɛmąą yee kɔ̨nwɔ̨n ɉu hva haa.


‹Yɛ́ Yai-Laa, ə́ líiholi laa walaai, ɛlɛɛ, ə́ wɔ mɛ̨inɛ̨ɛ̨ hu kɛnɛ̨i, yɛ́ túwɔ́ pələ ɲɔ̨n da kɛɛ kalaa mąąhvaalɛɛ. Hva mɛ̨nį lɔpee ta gwələ kulɔ laa lɛɛ. Yɛ́i ya nu nąnni kɛ mɛ̨nį ɲɔ̨n gwələ kulɔ nonnii diɛ, ə həɠə kálaɓɔlɔ haaɓa ɓa ə həli la nąąn bɔ.›


«Nįįhɔ̨nwɔ̨ kulɔ mun tii nwɛi, ə kɛ tɔɔni kwɛaa la, hvo kpɛli kɛ bɔ hvo ɲɛ̨i hee ɲələi. Kɛlaa, ə kɛi gəŋəi kɛlɛ, yɛ nwoo laa, yɛ kɛ diɛ: ‹Éé Yálá! Ɲɛ̨́i mąą wɛli kaa, gáá a nɛ̨ŋɛ̨n ɉəɠə mun.›»


Nui lɔpee ta hva pɛli pai bɔ́ akɛ Ną́n dɔ́ɔ́ hvo nii muhəɠə li. Ɛlɛɛ, ɲą́ą́n gáá pai nwun ɉi a yɛnɛ̨ɛ̨ ŋąąkpɛɛ yələ.


Yili ɓa, nui Yálá kaa bɔ ə ɲɛ̨imąąwɛli kaa a ɲɛ̨imąąwɛli kaa. Nui a kɛ bɔ ə gili walawala, ə gili walawala.


Mąąwiɛ ə kɛ Yálá ɓa, yai a gu Nąmu Jesus Kristə Ną́n, a yai a ɲɛ̨imąąwɛli kaa Nąn, da liilaa Yálá;


Mąąhɔlɔɓo, Yai-Laa ka wɔ Yálái kaa a liinɛ̨ɛ̨ gwəi Yálá, hva gili kulɔ ka hu, hva ka huwu pu, ɛlɛɛ, mįnɛ̨i da ka nąnni di ɉəɠə, yɛ gwɛla ɉu, hva ɉəɠə mą.


Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.


Ka kɛ ka lonnii diɛ: «Ku kɛ a Eziptə tɔɔmun nwɔ luwɔɠaa Eziptə lɔi hu; kɛlaa, Yai-Laa ə ku kulɔ Eziptə lɔi hu a vaŋą kɛnɛ̨.


Kɛlaa, ka kulɔi ŋɛ̨i Yai-Laa ə mo luwɔ pɛlɛ́ mu, Eziptə tɔɔmun yəi, yɛ ka nwun mąąɓo, yili nwun mąą, ka wɛli kaa Yai-Laa ɓa, ɛlɛɛ, nwooi ə gwɛlɛ ka nąnni diɛ gaa bulu.


ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.


Nu hveelɛi ŋɛ̨i di di tɔɔ a gɔ́ nɛ̨lɛ̨ɛ̨n naa kɛ nuą, Ɉosue yɛ diɛ: «'Ka lɔ nwɛlikɛnɛ̨ɛ̨nui tii yəi bɛlɛ́n, hɛn kpɔ gaa a nɛ̨ɛ̨nui tii nwɔɔ, da gbinį lee, ka di kulɔ daai, yɛ bələi ka ka woo kwɛlɛ la mą.»


Ə lɛɛ, Lɔtə ŋɛ̨i kɛ a tələnmomun, yii nuą ti di wɔ túwɔ́ pələ ə kɛi nii kələn gwəi, Yálá ə nwun mąąɓo.


Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.


Lean sinn:

Sanasan


Sanasan