Zɛnɛse 18:8 - Yálá laawoo hɛɓɛ (dc)

⁸ Ɓɛlɔwai kɛa ɉuwɔ ə mɔn na, Abrahamə ə ɉuwɔi tii həɠə ə bɛlɛ nįŋɛ̨ ɲįnįya kpona ɓa da nįŋɛ̨ ɲįnįya kulaa nįnɛ̨, ə paa la nwɛ̨ąi tii pɔ. Abrahamə ə lɛɛ tɔɔ ni di kwɛlɛ nwulu mu, nwɛ̨ą diɛ di laa mį́i.

Yálá laawoo hɛɓɛ

⁸ Ɓɛlɔwai kɛa ɉuwɔ ə mɔn na, Abrahamə ə ɉuwɔi tii həɠə ə bɛlɛ nįŋɛ̨ ɲįnįya kpona ɓa da nįŋɛ̨ ɲįnįya kulaa nįnɛ̨, ə paa la nwɛ̨ąi tii pɔ. Abrahamə ə lɛɛ tɔɔ ni di kwɛlɛ nwulu mu, nwɛ̨ą diɛ di laa mį́i.

Bible

⁸ Nya ƃe Eberaɣɛ̃ɛ è pà a niŋa ŋíni-ya kpona da niŋa ŋíni-ya é pɛ́lɛ niŋa sua ma è gbɛtɛ dímɛni mai, é zee díŋɛi. È tɔ̀ɔ díkɔlɛ ŋ̀úrii mu díkɛ dílaa mìi.

Zɛnɛse 18:8 Iomraidhean Croise

Zɛnɛse 18:7

Yili pulu, Abrahamə ə gilɛ həɠə, ə li, nwɔ taatɛlɛɛɠaai kpulu hu, ə nįŋɛ̨ gbɔn dɔ̨nɔ̨ hon, ə dɛɛ nwɔ luwɔ tɔ̨nɔ̨ pɔ, yili ə nɛɛmą, ə niŋɛ̨i tii paa, ə bɛli.

Zɛnɛse 18:9

Nwɛ̨ąąi tii di Abrahamə mąąnikɛ, diɛ mą: «Ə́ nɛ̨ą Sara kaa mį?» Abrahamə yɛ mą: «Gaa bɛlɛ́n.»

Zɛnɛse 19:3

Kɛlaa, Lɔtə ə kanąn diɛ, ŋąąkpɛɛi, di hvaa mą, da diɛni di li ɲəi bɛlɛ́ laaləi. Lɔtə ə nɛɛ mą ə di nwɛ̨ą kɔ̨nɔ̨n gɛ, ə nwɔmi kɛ yii ləvɛin hvo kɛ ɉu, di mį́i.

Nehemi 12:44

Volói tii ɓə di nuą taɠaa yɛɠɛ la ɉu, ə gɛ, ɉihɛn nįnɛ̨ɠaa da ɉɛn bow nąąɠaai di pai kɛi gulɔi da bu mu, diɛ mɛ̨i kaa. Ɉɛnŋąąi tii da paa la diɛ həɠə la daaɠaa hu, nuąi tii ɓə da haláá laa həli nuą da Levi huwuhu nuą di wɛi kulɔ ɉu, pələi tɔ́n ə mo la. Ɉuda nɔi nuą kəlee kwəinɛ̨ɛ̨i kɛ ɉaláá laahəli nuą da Levi huwuhu nuą di kɛ koló hu.

Azaya 7:15

Nokoloi tii kɔ̨nɔ̨n ma pai kɛi a nįŋɛ̨ ɲįnįya da kwɛ̨i nwulɔ, ə lɛɛ ɉu yɛ pɛli lənəi mɛ̨nį ɲɔ̨n ma, yɛ nɛlɛɛ kɛ.

Azaya 7:22

Daatɛlɛɛ ɲįnįya kɛnɛ̨ pələi tii, ɲįnįya ŋą wulɔ ɓə da kɛ mįi; A tɛ̨ą, nuąi pai lɛɛi nɔi, ɲįnįya ŋą wulɔ da kwɛ̨i nwulɔ, ya ɓə pai kɛi a di kɔ̨nɔ̨n.

Lukə 12:37

Góló kɛ nuąi tii di nąmu a pa, ə di kaa a di ɲɛ̨i, nwun na nɛ̨ɛ̨ nuą ɓaa diɛ. A tɛ̨ą kpɔ-kpɔ gáá moi kaa, di nąmu a koló kɛ həɠə too gwaną, ə nwɔ koló kɛ nuąi hee, ə kɔ̨nɔ̨n dɛɛ di pɔ.

Lukə 17:8

Kpaa-o! Kɛlaa yaamun, a kɛ mą: ‹'Gɔ́nɔ̨n ɲili! 'Ə́ hąą yili, 'mą́ą́ mɛ̨nį ɲɛ̨i kulɔ nįį, ŋą kɔ̨nɔ̨n mį́i kɛa, ŋą gbə́lə; yili pulu, yá kɔ̨nɔ̨n mį́i, ə́ ə́ kpələ.›

Lukə 24:30

Di kɛɛ yələ wilii laa mį́į́ kɛi da Jesus ni, Jesus ə Yáláhɛɠɛɛɓo nɛɠɛ tii mąą mɛ̨nį ɓa, ə ɉu tee ə nu kəlee nwɛi tɛɛ pɔ.

Lukə 24:43

Ə mį́į́ di ɲɛ̨i ɓa.

Ɉaan 12:2

Di Jesus nwɛalaa kɛ laa. Martə ɓə kɛi nuą kɔ̨nɔ̨n gɛ, Lazarə da Jesus ni kəlee ɓə kɛ laa.

Gɛlaɠaa 10:41

hvo kɛ gbɔwɔ lɛ li nɔi nuą kəlee diɛ, kɛlaa, gɛlaɠaai Yálá ə gbɛa di həɠə ɉu diɛ ɓə, a kuɔi ŋɛ̨i, nwunŋąa pulu kwa diɛni ku kɔ̨nɔ̨n mįi gee ɓa, ku ku kpələ.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Dutɛrɔnome 32:14

Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.

Nwun mąąɓo 13:15

Manoa yɛ Yai-Laa nwɔ malaka ɓa: «Kuɔ ku Ə́ nwɛ̨ąlaa kɛ a ɓolu lon, Ə́ hvaa mą?»

Nwun mąąɓo 5:25

Sisera ə ya hvɛli Yaɛlə ɓa, Nɛ̨ɛ̨nui tii ə nįŋɛ̨ ɲįnįyá tɛɛ bɔ, nįŋɛ̨ ɲįnįyá nwulɔ pɛlɛɛ ni ŋą, kpələ kɔ́wɔ lɛlɛɛ hu.