Zɛnɛse 18:6 - Yálá laawoo hɛɓɛ (dc)

⁶ Nąąlɔwai, Abrahamə ə pənə kpɔ a mąą hulaa, ə lɔ nɛ̨ą Sara pɔ, ɉəɠə pɛlɛ́ mu, yɛ mą: «Ə́ mąą hulɔ, lɛɠɛ hunwɔ gəgən ɉu haaɓa həɠə, ɲɔwɔ, ə́ gɛ a nwɔ̨mį.»

Yálá laawoo hɛɓɛ

⁶ Nąąlɔwai, Abrahamə ə pənə kpɔ a mąą hulaa, ə lɔ nɛ̨ą Sara pɔ, ɉəɠə pɛlɛ́ mu, yɛ mą: «Ə́ mąą hulɔ, lɛɠɛ hunwɔ gəgən ɉu haaɓa həɠə, ɲɔwɔ, ə́ gɛ a nwɔ̨mį.»

Bible

⁶ Nya ƃe Eberaɣɛ̃ɛ è lì zua kɔlɔ seɣe pɛrɛi mu a maa félaa Seera pɔ́ naa, é mó ma ǹyɛɛi, “Zɛŋ kɔ̂ɔŋ kɔpui síɣe í félaƃa kɔ̂ɔŋ zu saaƃa í kpólo kpua saaƃa kpɛ̀tɛ a maa félaa.”

Zɛnɛse 18:6 Iomraidhean Croise

Zɛnɛse 18:5

Ŋą́ li ŋą́ kɔ̨nɔ̨n da pɛli ŋą́ paa la ka pɔ, ka mį́i, ka hu ə walawala, kaa li ka wɔ hiɛi ɓa, ə gɛ, ka hvə pa tɛɛ ɓɛ bɔ́ɔ́li kpɛli-kpɛli.» Nwɛ̨ąąi tii di nwoo ɲąąpənə, diɛ mą: «Bələi tii ə mo la, gɛ tii, kwaa hvaa mą.»

Zɛnɛse 18:7

Yili pulu, Abrahamə ə gilɛ həɠə, ə li, nwɔ taatɛlɛɛɠaai kpulu hu, ə nįŋɛ̨ gbɔn dɔ̨nɔ̨ hon, ə dɛɛ nwɔ luwɔ tɔ̨nɔ̨ pɔ, yili ə nɛɛmą, ə niŋɛ̨i tii paa, ə bɛli.

Zɛnɛse 19:3

Kɛlaa, Lɔtə ə kanąn diɛ, ŋąąkpɛɛi, di hvaa mą, da diɛni di li ɲəi bɛlɛ́ laaləi. Lɔtə ə nɛɛ mą ə di nwɛ̨ą kɔ̨nɔ̨n gɛ, ə nwɔmi kɛ yii ləvɛin hvo kɛ ɉu, di mį́i.

Samia Veerɛi 13:6

Amnɔn ə́ laa, ə gbɔwɔ kɛ a ɲɔ̨n gɛ mun. Tɔɔmun ə pa nwoo pilii ma, yɛ tɔɔmun ma: «Gɛ́ ə́ hvaa mą mą́ą́hala Tamarə ə pa, ə nwɔ̨mįi hveelɛ kɛ ɓɛ ɲɛ̨i ɓa, ə və ŋą́ mįi.»

Mąątɛ̨nɛ̨ 119:60

Gáá mą́ą́hulɔi, vá nwų́ɔ̨ wɔlɔ, ə́ wɔ tiɓoɠaai kɛ mɛ̨nį hu.

Azaya 32:8

Kɛlaa, kaalon nwɛi, kaalon giliŋąhiɛ ɓə gaa mą, ɲɛ̨i pɔ̨nɔ̨ mɛ̨nįɠaa lɔ ɓə a ɲee lɔ ɉu.

Maafîu 13:33

Jesus ə hanwon dɔ̨nɔ̨ hɔɔ nwɔnɔ̨ diɛ yɛ diɛ: «Yálá-taa tɔɔlaa kaa yɛ lɛɠɛ tɛ hɛn yii nɛ̨ɛ̨nu ə bu nwɔ lɛɠɛ kpɔlɔ tea tɔ̨nɔ̨ hu. Ə tɛ ə dea laa hvɛɛ.»

Gɛlaɠaa 16:15

Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Lomaŋ 12:13

Ká kaayɔwɔɠaai kanąn gaa diɛ, ka di mąą kpɔnmąą ɓo; ka ka yee hee nwɛ̨ą mu a kwəinɛ̨ɛ̨.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Hebreu 13:2

'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.

Piɛrə dɔlɔɔ 4:9

'Ká ká yee hee nu kəlee mu a kwəi kwɛlɛ laa, 'ká hvo ɉaa.

Nwun mąąɓo 6:19

Zedeɔn ə li, ə ɓolu gbɔn da paa, ə bɛli, ə bɛlɛ, lɛɠɛ hunwɔ̨ kəgən ɉu pow haaɓa ɓa, lɛɠɛ tɛ hɛn və ɉu, ə paa la. Ə ɉuwɔi tii pu kpɔlɔ ta hu, ə ɉuwɔ yá lɛɛ nəɠii, ə paa la wulu kɛnɛ̨ ta mu, ə naa həli Yálá nwɔ malaka ɓa,

Samuɛlə dɔlɔɔ 28:24

Nįŋɛ̨ lon ə kɛ nɛ̨ɛ̨nui tii yəi, yɛ ɲąąkɔn baa mɛ̨nį ɓa, ə baa kpɔlɔɔ ɲąą ɓa, ə lɛɠɛ hunwɔ̨ həɠə, ə giin, ə ɲili, hvə lɛɠɛ tɛ hɛn bu ɉu.