Zɛnɛse 17:12 - Yálá laawoo hɛɓɛ (dc)

¹² Ə həɠə yiihu ɓa, ə lɛɛ la ɉu kɛa lɔwai kəlee, ka lon ɉulɔnu hɔlɔɓo, voló mɛ̨ihaaɓa yələ, ka ɉee kɛ́nɛ̨ ɓa, ə mą kɛ a luwɔ lon yii hɔlɔbo ka yee bɛlɛ́n, ə mą kɛ a yii ka ɲa, hvo a ka huwu ta, ka gəlee hee kɛ́nɛ̨ ɓa.

Yálá laawoo hɛɓɛ

¹² Ə həɠə yiihu ɓa, ə lɛɛ la ɉu kɛa lɔwai kəlee, ka lon ɉulɔnu hɔlɔɓo, voló mɛ̨ihaaɓa yələ, ka ɉee kɛ́nɛ̨ ɓa, ə mą kɛ a luwɔ lon yii hɔlɔbo ka yee bɛlɛ́n, ə mą kɛ a yii ka ɲa, hvo a ka huwu ta, ka gəlee hee kɛ́nɛ̨ ɓa.

Bible

¹² Surɔ̂ŋ-loo kélee da maa sɔlɔ ƃô kásuui sui fɛ̂ɛ dí zee kpono-mɛi tãi a kɛ̀ la a fólo lɔ́ɔlu mɛi saaƃa, maa sɔlɔ ƃoɔɔ pôlu mà. Kpaa máŋ a kɛ̀ dí ǹyá a sɛŋ-kao ŋɔ̃ya yêei nyii vé kásuui sui, fɛ̂ɛ nɔ́ dízee kpono-mɛi.

Zɛnɛse 17:12 Iomraidhean Croise

Zɛnɛse 17:23

Yili pulu, Abrahamə ə non Ismaɛlə həɠə, da nuwɔɠaai kpɔ hɔlɔɓo ɲəi bɛlɛ́n, ə mą kɛ yiiɠaai ə di ya a wali, diɛi kpɔ kɛ a hinąą ɲəi bɛlɛ́n, ə gəlee hee kɛ́nɛ̨ ɓa a volói tii, yɛ bələi Yálá ə mo la mą.

Zɛnɛse 21:4

Isaakə hɔlɔɓoɔ, lɔwɔ tɔ̨nɔ̨ tɛɛ pulu, Abrahamə ə ɉee kɛ́nɛ̨ ɓa, yɛ pələi Yálá ə mo la mą.

Lɛɛ gbɔwɔ ɓa 12:44

«‹Kɛlɛɛ, luwɔi ka ɲa a wali, ka ɉee kɛ́nɛ̨ ɓa a pɛli da mįi.

Lɛɛ gbɔwɔ ɓa 22:30

«‹Mąąnɛ̨ɛ̨, ka mąą ə həɠə mą́ą́ mɛ̨nį ɓa. Lɔwɔ huwɔ ta a wolo taatɛlɛɛ ta ɓa kpomói, ka hvo mįi, ka bili yilɛɠaa diɛ.

Levetekɔ 12:3

Voló mɛ̨ihaaɓa yələ, da nokolo hee kɛ́nɛ̨ ɓa.

Lukə 1:59

Ɓɛlɔwai nokoloi tii ə lɔwɔ tɔ̨nɔ̨ kɛ la, gaa nuą də li la di ɉee kɛ́nɛ̨ ɓa. Di kɛ bɔ di nąn Zakari laa hee mą.

Lukə 2:21

Lɔwɔ tɔ̨nɔ̨ tɛɛ pulu, di nokoloi tii hee kɛ́nɛ̨ ɓa, di naa hee a Jesus; yɛ pələi malaka ə mo la nee ɓa, gɛɛ hvo mąą goo həɠə.

Gɛlaɠaa 7:8

Yili pulu, Yálá da Abrahamə di mįnɛ̨ həɠə, mįnɛ̨i ti kɔlɔn ɉɛn maa kɛ́nɛ̨ mɛ̨nį. Yili ɓə gɛ, Abrahamə ə Isaakə hee kɛ́nɛ̨ ɓa a voló mɛ̨i haaɓa yələ. Isaakə yaa kpɛli, pələ lɔ ɓə ə gɛ la a Ɉakɔbə, Ɉakɔbə yaa, ə gɛ, ti a gu kalaɓɔlɔ pow kɔ́w hveelɛi.

Lomaŋ 2:28

Ɉuifə lɔ hvaa nui Ɉuifə laa kaa mą: Kɛ́nɛ̨ lon nɔ hvaa nui daa gɛ́nɛ kɛ gɔ́lɔ ɓa pələ.

Filipə 3:5

Hvo gaai, néé da ną́n di kaa a Hebreu di ɓo a Israɛlə lonni, Bɛnɉamɛn yəi bɛlɛ́n nuą. Di ɉéé kɛ́nɛ̨ ɓa a voló mɛ̨ihaaɓa yələ. Yii hvilɛn na tɔ́n gɔlɔn mɛ̨nį ɓa, gáá a dɔ́n galamɔ̨ɔ̨.