Zɛnɛse 15:5 - Yálá laawoo hɛɓɛ (dc)

⁵ Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Yálá laawoo hɛɓɛ

⁵ Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Bible

⁵ Nya ƃe Ɣâla è kùla la ŋ̀énii ŋá ǹyɛɛ mai, “Ŋ̀élei su káa à kɛ̀ ƃà pɔ̂ri bɛ̂mɛlɛŋ-káo-ŋai lônoi, í dílono. Bere ƃé ísuui a pâi tâmai la.”

Zɛnɛse 15:5 Iomraidhean Croise

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 13:16

Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Zɛnɛse 16:10

Yai-Laa kaa pai ə́ huwuhu tamai. Nu hva pɛli nonoi.

Zɛnɛse 17:2

Gáá nwoo kwɛlɛi yɛ́, gáá ə́ huwuhu ɓɛlɛi.»

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 26:4

Gáá pai ə́ huwuhu kɛnɛ̨i yɛ yələkɔlɔn ɉu pɛmɛ̨nɛ̨n gɔw. Gáá Nɔi ŋɛ̨i kəlee tɛɛi ə́ tɛɛi ə́ huwu pɔ, diɛi tii di haalai ɓə gáá pai lúwɔ́ tooi la hį́i kəlee ɓa.

Zɛnɛse 28:14

Ə́ huwu kaa pai tamąi yɛ muluun gbala. Ə́ huwu a ɓɛlɛ yɛnɛ̨ɛ̨ nąą kəlee. Yɛ́ ka ə́ huwu ka haalai ɓə, gáá pai lúwɔ́ tooi la yɛnɛ̨ɛ̨ nuą kəlee diɛ.

Zɛnɛse 32:13

Ną́n nwɔ Yálá! Kɛlɛ́i Yɛ́ ɓə kɛ mą́ą́: ‹Gáá pai ɲɛ̨́i lɛlɛɛ heei yɛ́; ŋį́ ə́ huwu tamą yɛ gboloyá kwɛlɛ ɲɛ̨ąkɔw, yai nu hva pɛli nonon ɉii.›»

Tɔɔɓɛlaa dɔlɔɔ 3:8

Ə́ wɔ luwɔi ka ə́ wɔɔ nu kpulu kɛnɛ̨i nwun na, diɛi wɔlɔ ə́ di həɠə ɉu, diɛi di kpulu hu kɛnɛ̨, nu hva pɛli di lonoi.

Kɔlɔnikɔ Maa-ŋuŋ 27:23

Nuąi di kaa kwɛlan ə kɛ pow hveelɛ, da yiiɠaai kɛ di wɛi toɔ mu, Davidə hvó yiliɠaa lonon. Mąąhɔlɔɓo, Yai-Laa aa ta kɛ diɛi: Gaa pai Israɛlə nu huwu tamąi yɛ yələi pɛmɛ̨lɛ̨n-gɔwɠaa.

Nehemi 9:23

Ə́ lɔiɠaa tɛɛ di pɔ, yɛ́ yələkɔlɔn ɉu pɛmɛ̨lɛ̨n gɔwɠaa, nɔi ə́ kɛ di nąnni diɛ də li di hee ɉu, də li di hee mąą lɔi hu.

Zôo 35:5

Ə́ ɲɛ̨i hee yələkɔlɔn ma, ə́ gaa, bələi tulɔ kpinįnŋąą da tɛɛ la ə́ nwun mɛ̨i, bələ kaa.

Mąątɛ̨nɛ̨ 147:4

A pɛmɛ̨lɛ̨n-gɔwɠaa lonon, yɛ di tɛi tɛi di təli a di laa.

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Azaya 51:2

'Ka ka nąn Abrahamə kaa, da ka lee Sara, yai ka káá, yɛnɛ̨ɛ̨; hvo gaai tii, yaa tanɔ̨n gbən nɔ ɓə kɛ laa, gɛ́ dəli; yili kɛɛ tii, ŋi luɠo too mą, ŋi ɉuwu hu kɛnɛ̨!

Ɉeremi 33:22

Bələi lɔ nu hva pɛli yələkɔlɔn ɉu kɔlaɠa lonoi la, bələi lɔ gboloyá kwɛlɛ ɲɛa kaa la, lono hvo mą, bələ lɔ ɓə gáá pai nwɔ́ tii mun Davidə huwu tamai la, da Lévi lonnii a nwɔ́ kóló kɛ nuą.»

Lomaŋ 4:18

Abrahamə ə laa Yálá la ə gilitɔɔ mą, mɛ̨nį kəlee hu, yili ɓə gɛ a nu huwu tamąą di nąn yɛ bələi di kɛ la mą. Ə́ lonnii kaa pai tamąi.

Dutɛrɔnome 1:10

Yai-Laa ka wɔ Yálái aa ka ɓuwuɓo, ka tamąąi háákələi, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 10:22

Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Hebreu 11:12

Yili ɓə gɛ, nu tanɔ̨n gbən, yai haa ə kɛ bulu, ə lon gbulu tamąą kaa, di kpulu hu kɛnɛ̨ɛ̨ ə ɓo yɛ, yələkɔlɔn ɉu pɛmɛ̨lɛ̨n-gɔw da gboloyá kwɛlɛ ɲɛ̨ą kɔw.

Zasua 24:3

Ŋį́ ka nąn Abrahamə həɠə ɲá lee pulu pələ, ŋį́ li ŋį́ ɉee Kanaan lɔi nąą kəlee, ŋį́ ɉuwuhu ɓɛɛlɛ, ŋį́ Isaakə tɛɛ bɔ.