Zɛnɛse 15:1 - Yálá laawoo hɛɓɛ (dc)

¹ Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Yálá laawoo hɛɓɛ

¹ Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Bible

¹ Mɛni-ŋai ŋí kélee pôlu ma, Yâwɛɛ è lòno Eberaŋ pɔ́ zĩ̂a su ǹyɛɛ mai, “Eberaŋ, ífe yào. Ŋa pâi ímaa kɔ̃ɔ̂i. Ífela-fei a pâi kɛ̂i a gɛ́tɛ.”

Zɛnɛse 15:1 Iomraidhean Croise

Zɛnɛse 15:2

Abramə ə́ mo mą yɛ mą: «Ną́mu Yálá, lə ɓə ə́ kaa pai dɛɛi bɔ́? Ɲą́ą́ ka ŋɛ̨i hvo kɛ lon dɛɛ li bɔ́, lon və mą́ą́ yai pai gwɛ́lin ɉəɠəi. Akɛtii Eliezɛrə ŋɛ̨i a Damasə mun, yii gaa a nwɔ́ luwɔ, ya ɓə pai gwɛ́lin ɉəɠəi?»

Zɛnɛse 15:4

Yai-Laa yɛ mą: «Kpaa! Hvo mo tii, nui tii hvəi pai ə́ kwɛ́lin ɉəɠəi. Ə́ kaa gwəi lon gbɔ-kpɔɔ ɓə pai ə́ kwɛ́lin ɉəɠəi.»

Zɛnɛse 21:17

Yálá ə lɛɛ yələi ə nokoloi tii wɔlɔ woo mɛ̨n ə nwɔ malaka tɔ̨nɔ̨ tɔɔ, yili ə Hagarə təli, yɛ mą: «Hagarə, lə ɓə kɛ yɛ́? Hvo ɲɔw, Yálá aa nokoloi ŋɛ̨i wɔlɔ woo mɛ̨n.

Zɛnɛse 22:1

Ɓɛlɔwai Isaakə ə kɛnɛ̨ la, Yálá ə Abrahamə hukɔɔn. Nąąlɔwai, Yálá ə Abrahamə təli, yɛ mą: «Abrahamə!» Abrahamə ə nwoo ŋąąpənə, yɛ mą: «Ną́mu, ɲą́ą́ kaa, nwɛ́li tɔɔi.»

Zɛnɛse 22:20

Mɛ̨nįɠaai tii kəlee tɛɛ pulu, Abrahamə ə bələ mɛ̨n, diɛ mą: «Ə́ ləɠə hulɔnu Nahɔrə da nɛ̨ą Milka daa lon ɉinąą hɔlɔɓo.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 31:7

Kɛlaa, aa mówo, yii kɛ mąąnɛ̨ɛ̨ ə dɛɛ bɔ́ a ɉálá, aa mąąhvalin geemɛ̨i pow, ə mą kɛ tii, Yálá hvo hvaa li mą hvo mɛ̨nį ɲɔ̨n gɛ a ɲą́ą́.

Samia Veerɛi 22:3

Nwɔ́ Yálá kaa a kwɛnii ŋą́ mą́ą́kilɛ bulu. Gaa a nwɔ́ hə́mə́, yɛ ɓo a nwɔ́ yee tɛɛ mąą kwɛli hɛn. Gaa a nwɔ́ taa walawala yii ŋą́ mą́ą́kilɛ ɉu. Málomun ni, nwún mąąɓomun ni. Ya ɓə a gúlɔ toomɛ̨i kɛ nuą yee mu.

Tɔɔɓɛlaa veelɛ 1:15

Yálá nwɔ malaka yɛ Eli ɓa nąąlɔwai: «'Ə́ muhəɠə ka nui tii ka li, hvó ɲɔw.» Eli ə muhəɠə da gɔ́laɠa nwun nąmui tii di ɲee yɛɛ, di li tɔɔmun bɔ.

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Mąątɛ̨nɛ̨ 115:10

Aarɔn yəi bɛlɛ́n nuą! 'Ka ka kilitɔɔ Yai-Laa ɓa, Yaa ɓə a di mąąkpɔmąą ɓomun da di mąą kpɛ kpanąn.

Mąątɛ̨nɛ̨ 119:114

Mą́ą́ kilɛi da mą́ą́kpɛ kpanąn maa a yɛ́, ə́ woo ə gílitɔɔi mą.

Mąątɛ̨nɛ̨ 142:5

Ə́ ɲɛ̨i hee ɓa-mįi-yee hu pələ, gɛɛ kaa, nu ta hvo kɛa gɔ́lɔn! Ɓɛi kpɔ ŋį́ noo laa, nąą hvo mą, mą́ą́ kiliŋąhiɛ hvo nu ta lɔpee ɓa!

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 3:3

Nuąi mɛ̨nį ɓoi a náá, di tamąą ɓə, diɛ kɛ: «Malo mɛ̨nį hva pɛli həɠəi Yálá pɔ!»

Mąątɛ̨nɛ̨ 3:4

Kɛlaa, Yai-Laa, yɛ́ ɓə a nwɔ́ kɔ́ kɔ́-gbala, yɛ́ ɓə a nwɔ́ ɲɛ̨i pɔ̨nɔ̨, yai a nwún mįhəɠə.

Mąątɛ̨nɛ̨ 5:12

Nuąi kpɔ ya di lɔ ə́ nįnįn mui, 'di kɛ kwəinɛ̨ɛ̨ hu, a yələ kəlee kwəinɛ̨ɛ̨. Nuąi ə́ laa wɛli kaa diɛi, yá di mąąkpɛ, di kaa pai kɛi tómąi a kwəinɛ̨ɛ̨.

Mąątɛ̨nɛ̨ 58:11

Tələnmolon, a nwąną kulɔi kaa, gaa pai kɛi kwəinɛ̨ɛ̨ kulɔi, gaa pai gɔwɔ mąą waai nu ɲɔ̨nŋaa ɲąmą hu.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Mąątɛ̨nɛ̨ 84:9

Yai-Laa Mɛ̨nį Kəlee ŋą Hééɓomun Yálá, Ə́ hvɛlii gáá moi, 'Ə́ wəli tɔɔ mą. Ɉakɔbə nwɔ Yálá, 'Ə́ wəli tɔɔ kpɔ a nɛlɛɛ.

Mąątɛ̨nɛ̨ 91:4

Goon ɉu hvoloonŋąąi ə́ mɛ̨i, yɛ́ ə́ loo laa, vaŋąn mu ɓə yá ə́ mąąkilɛ laa. Nwɔ kulɔwooɓalaa kaa a kuláá-hə́ɠə́, da nu mąąkpɛ kwɛli hɛn.

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Hanwon 11:18

Nwɔ túwɔ́ pələ ɲɔ̨n tii a nwɔ pɛ́lɛ́i hɛŋɛnɛn haa pɔ pələ, yɛ nwun na pili.

Hanwon 30:5

Yálá hvaa wooɠaa kəlee kaa a tɛ̨ą. Nuąi da di mąą kilɛ vaa woo hu, gaa a di mąąkpɛmun.

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Azaya 40:10

Ną́mu Yái-Laa ka! Gaa pai a hvaŋą, yeetɛɛmąą laa kaa ɲəi, nwɔ hvɛla kulɔ kɛ hɛn kaa ɲəi, nwɔ ɲąąkɛlɛ hɛn ə ɓo ɲəi.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 43:5

Hvo ɲɔw, gáá ə́ pɔ, gáá pai ə́ lonnii kulɔi hvóló kulɔi pələ, gɛ́ pənə gɛ́ pa a diɛ, gɛ́ di həɠə hvóló tooi pələ, gɛ́ di ɲąąkpɔn.

Azaya 44:2

Mɛ̨nįi Yai-Laa ə mo, ya ka, yai a ə́ pɛlimun, yai ə́ pɛli ə́ too ə́ lee kwəi, yɛ kpɔnmąą tɛɛ ə́ pɔ, Ɉakɔbə, 'hvó ɲɔw, yɛ́i a nwɔ tímun, yɛ́i ə́ hutɔɔ, yɛ́i ŋį́ ə́ həɠə ɉu a nííɓa.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Ɉeremi 39:17

Nąąlɔwai, ŋą́ ə́ hvólóon na ɓo, hvo pai tooi nuąi tii ə́ kaa ɲɔwi diɛ, di yee ŋą; Yai-Laa woo li.

Woolaa 3:24

Gɛ́ diɛ: Yai-Laa ɓə gaa a nwɔ́ hɛn gɔw. Mɛ̨nii gɛi, gilitɔɔ la mą, yaa li.

Izikiɛ 1:1

Gwɛlan bow haaɓa ɲąnin nąąn naa nwɔ hvóló nɔɔli yələ, ŋą́ kɛ gɔ́ luwɔɠaa lɔwai; Kebarə yá kwɛlɛ, yələkɔlɔn naa ə ɓo, ɛlɛɛ, ŋą́ kpalo mɛ̨nį kaa yɛ həɠə Yálá pɔ.

Izikiɛ 11:24

Yálá nwɔ Kilii ə gbə́ŋə́ nwɔ̨nɔ̨, ə li a ɲą́ą́ Kalde, gɔ́luwɔɠaa pɔɔli, yili kəlee ə kɛ kwɛlɛɛn gɛɛkaa hu, a Yálá nwɔ Kilii kɛ mɛ̨nį. Yili pulu, gwɛlɛɛn gɛɛ tii ŋį́ kɛli gaa, ə həɠə ɲɛ̨́i.

Izikiɛ 3:4

Yɛ mą́ą́: «Hulɔnu lon, 'li ə́ həli Israɛlə nwɔ pɛlɛ́i mu nuą diɛ, ə́ nwóóɠaa laa həli diɛ.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Lonon mo 18:20

Yai-Laa yɛ nwɔ̨nɔ̨ Aarɔn ɓa: «Lɔi hvo pai kɛi ə́ yəi nɔi ɲąąkwɛlɛi lɔwai. Hɛn və pai kɛi ə́ yəi di lɔwai, Ɲą́ą́ ɓə pai kɛi ə́ yə́i a ə́ yə́i hɛn, a ə́ kwɛlin Israɛlə lonnii lɔwai.

Lonon mo 24:4

Nui Yálá wooɠaa da too nwəlii nwoo ka, Mɛ̨nįɠaai Huwalawala Kəlee Nąmu Yálá a kɛ nɛi mą, gwɛlɛɛn gɛɛ kaa hu, hvo gbɔwɔ yee kɔ́n mą, a ɲɛ̨i laa ɓo yɛ di kaa, diɛ ka:

Maafîu 28:5

Malakai tii ə mo nɛ̨ą tii diɛ yɛ diɛ: «Ka hvo ɲɔ̨w. Gíli kaa ɉu gɛ́ diɛ Jesus ŋɛ̨i di gbanwo kolɔwa ɓa ya ɓə ka káá gwɛli.

Maafîu 8:26

Jesus ə ɲįnąąɓo, ə di woo ŋąąpənə yɛ diɛ: «Ee kə! Ka wɔ laa na laa tiikpə ɓə ee! Lə mɛ̨nį ɓa ka káá ɲɔ̨wi?» Ŋąąɓa, ə muhəɠə, ə haŋą vaŋą ɓa da ɲa, yɛ diɛ: 'Ka kpəla ma! Vaŋą da ɲa di kpəla kpɔlɔɔ tii ma, kɛɛ mąą ə haa kpɔ tin.

Lukə 1:13

Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Lukə 1:30

Malaka ə mo mą, yɛ mą: «Mari hvo ɲɔw, mąąhɔlɔɓo, Yálá aa ɲɛ̨i lɛlɛɛ hee yɛ́.

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Korɛntə dɔlɔɔ 3:22

yɛ ə kɛ a Polə, Apɔlɔsə ə mą kɛ a Sefasə; yɛ ə kɛ a yɛnɛ̨ɛ̨, yɛ ə kɛ a kɛ yɛnɛ̨ɛ̨, awala kɛ tii, haa; yɛ ə kɛ a háákələi awala kɛ tii, tínąą; gəlee kaa a ká wɔɔ.

Dutɛrɔnome 18:2

Lɔi hvo pai kɛi Levi yəi nąn nonnii lɔwai. Yai-Laa ɓə pai kɛi a gwɛlin, yɛ bələi ə naa kwɛlan mo la mą.

Dutɛrɔnome 31:6

Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

Rutə 2:12

Gɛ́ Yai-Laa a Israɛlə nwɔ Yálá, yai ə́ pa ə́ mąąkilɛi vaŋąn mu, ə ə́ túwɔ́ pələi tii hvɛla kulɔ.»

Samuɛlə dɔlɔɔ 15:10

Yai-Laa ə mo Samuɛlə ɓa, yɛ mą:

Samuɛlə dɔlɔɔ 9:9

Di kɛi wɔlɔ mo diɛ kɛ Israɛlə lɔi hu, nuą da kɛi li Yálá mąąnin gɛ, da kɛ diɛ: «Ka pa, ka gwə li gɛɛkaamun bɔ», mąąhɔlɔɓo Yálá kwəi mɛ̨nį hukulɔ mun mə di kɛi kɛ mą wɔlɔ kɛɛkaamun.