Zɛnɛse 13:7 - Yálá laawoo hɛɓɛ (dc)

⁷ Hvóló ta, hvaa ə too Abramə nwɔ taatɛlɛɛ mɛ̨i kaa nuąi da Lɔtə nwɛiɠaai di lɔwai. Gɛɛnąą tɔ̨nɔ̨i tii di kɛ laa, Kanaan nuą da Perizi nuą di kɛ lɔ gɛɛnąą tɔ̨nɔ̨i tii.

Yálá laawoo hɛɓɛ

⁷ Hvóló ta, hvaa ə too Abramə nwɔ taatɛlɛɛ mɛ̨i kaa nuąi da Lɔtə nwɛiɠaai di lɔwai. Gɛɛnąą tɔ̨nɔ̨i tii di kɛ laa, Kanaan nuą da Perizi nuą di kɛ lɔ gɛɛnąą tɔ̨nɔ̨i tii.

Bible

⁷ Laa-saa è tòo Eberaŋ ŋɔtaa-tulɛ mɛi-kaa-ƃelai loai da La ŋɔŋai. (Tãi tí ma Keena-ŋai da Pɛriza-ŋai dí kɛ̀ ǹɔii tí su.)

Zɛnɛse 13:7 Iomraidhean Croise

Zɛnɛse 10:19

Kanaan lɔi ɲɛ̨n ma kɛ a Sidɔn lɔi, yɛ li la Gerarə lɔi ɓa, ə lɛɛ ɉu ə həli kpɔ Gaza lɔi ɓa, yili pulu, yɛ li la Sodomə taa da Gomorə taa, Adma taa da Sevoimə taa, yɛ li la Lɛsa daai.

Zɛnɛse 12:6

Abramə ə nɔi tii hu ɓɔ, ə li ɓɛi ŋɛ̨i a More ɲeeɠaa ɓa, Sisɛmə daai. Kanaan nuą ɓə ni kɛ heeni nɔi tii hu.

Zɛnɛse 21:25

Kɛlaa, ɲálɔwai ŋɛ̨i kɛ a Abrahamə nwɔɔ, yii Abimelɛkə nwɔ nuąi di di kanąn bili mɛ̨i, Abrahamə ə mąą mɛ̨nį ɓo Abimelɛkə ɓa.

Zɛnɛse 26:20

Gerarə daai ɓɛlaa mɛ̨i kaa nuą, di hvaa tee Isaakə nwɛiɠaa diɛ, diɛ kɛ yiliɠaai diɛ: «Ɲai ŋɛ̨i kaa a ku wɔɔ.» Yili ɓə gɛ, Isaakə ə nąą laa hee a: Esɛkə, mukulaa ɓaa: «hvaa». Mąąhɔlɔɓo, di hvaa tee laa diɛ.

Zɛnɛse 34:30

Ɉakɔbə yɛ Simeɔn da Levi diɛ: «Kaa mɛ̨nį laa mą́ą́, kaa gɛ́ a hɛn ɲɔ̨n nɔi ŋɛ̨i hu nuą ɲɛ̨i ɓa. Diɛ ɓaa: Kanaan nuą da Perizi nuą. Di kaa pai kpɔn ɉii di kee ɓa, di kɔ́ pɛlɛ mą́ą́, ɲą́ą́ ka nu kpulu hvo ɲə́i, di yee kaa pai tɛɛi mą́ą́, di ku huwu pu kwa ɲə́i bɛlɛ́n nuą.»

Zɛnɛse 46:34

'Ka kɛ mą: ‹Taatɛlɛɛ kóló ɓə ku yee kaa mą, ə həɠə ku lokolo yələ ɓa, ə həli la yiihu ɓa; yɛ pələi wɔlɔ ku kalaɓɔlɔni di kɛi gɛ la. Ka yili ɓo tii, gaa pai hvaai mą ka hee Gosɛn lɔi hu. Mąąhɔlɔɓo, taatɛlɛɛ tɔɔ nuą wɛli hvo Eziptə nuą diɛ.›»

Nehemi 5:9

Ɛlɛɛ, gɛ́ diɛ: «Yii ŋɛ̨i ka káá gɛi, hvo pɛli li ɉu. Kɛlaa, mąąnɛ̨ɛ̨ ka gu hiɛ gu wɔ Yálái nwɔ ɲɔw mąą laa hu, ə gɛ, gu hvo pa nwunmɛ̨ hį́i takpɛliɠaa ɲɛ̨i ɓa, diɛi di kaa a gu yowoɠaa.

Lɛɛ gbɔwɔ ɓa 2:17

Kɛlaa, taatɛlɛɛ mɛ̨i kaa nuą takpɛliɠaa, di kɛ a hinąą di pa, di nɛ̨ąąi ti kpɛ; ə kɛ lɔ tii, Moisə ə pa ə tɔɔ di pulu, ə yá tɛɛ nɛ̨ɛ̨lɛai ti di wɔ taatɛlɛɛɠaai pɔ, di di kpələ.

Hanwon 20:3

Nui a ɲee kulɔ hvaa mɛ̨nį hu, ɲɛ̨i a pɔ̨nɔ̨. Kɛlaa, kilikpɛɛgwəi nuą líiholi laa nɛ̨ɛ̨i.

Markə 3:25

Pɛlɛi lɔpee mu nuą daa kɛi gɔ́ a di kee ni, mąą pɛlɛi a pu.

Korɛntə dɔlɔɔ 3:3

Hvo gaai, ka káá ni nu kiliŋąhiɛ yee kɔnma. Mąąhɔlɔɓo, tolo da hvaa di kaa ni ka lɔwai; akɛtii nu kiliŋąhiɛ hva mɔ̨ɔ̨ a yili? Ɛlɛɛ, káá túwɔ́ la ti yɛ ɲɛ̨nɛ̨ɛ̨ ŋɛ̨i hu nuą?

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Tɛsalonikə dɔlɔɔ 4:12

əgɛ, ká túwɔ́ pələ mąą ə wiɛ yɛnɛ̨ɛ̨ nuą ɲɛ̨i ɓa, ɛlɛɛ, ká hvo pa nəi hɛlɛn nu ta ɓa.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Zĩi 3:16

Mąąhɔlɔɓo, ɓɛi tolo kaa laa da wɛlikpɛɛmąą laa, nąą ɓə woo taɠa-taɠa kaa laa da mɛ̨nį ɲɔ̨n gəlee.

Zĩi 4:1

Mį ɓə mɛ̨nį kpɛlaanŋąąɠaa da həɠə laa? Mį ɓə gbilɛn gɔɔ a həɠə laa ká lɔwai? Kɛlɛi, da kulɔ ká liiɓaɠaa hu, diɛi gɔ́i a di kee ká kɔ́lɔ hu?

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.