Zɛnɛse 12:6 - Yálá laawoo hɛɓɛ (dc)

⁶ Abramə ə nɔi tii hu ɓɔ, ə li ɓɛi ŋɛ̨i a More ɲeeɠaa ɓa, Sisɛmə daai. Kanaan nuą ɓə ni kɛ heeni nɔi tii hu.

Yálá laawoo hɛɓɛ

⁶ Abramə ə nɔi tii hu ɓɔ, ə li ɓɛi ŋɛ̨i a More ɲeeɠaa ɓa, Sisɛmə daai. Kanaan nuą ɓə ni kɛ heeni nɔi tii hu.

Bible

⁶ Eberaŋ è sìa-sia ǹɔii su é lɛ́ɛ la zu é seri Morɛ wuru maa wáai mu Sɛkɛŋ kɔlɛ ma. (Tãi tí su Keena lɔii lonii dí kɛ̀ naa.)

Zɛnɛse 12:6 Iomraidhean Croise

Zɛnɛse 10:15

Kanaan ɓə kɛ a Sidɔn nąn, yai kɛ a non dɔlɔɔ, da Hɛtə,

Zɛnɛse 13:7

Hvóló ta, hvaa ə too Abramə nwɔ taatɛlɛɛ mɛ̨i kaa nuąi da Lɔtə nwɛiɠaai di lɔwai. Gɛɛnąą tɔ̨nɔ̨i tii di kɛ laa, Kanaan nuą da Perizi nuą di kɛ lɔ gɛɛnąą tɔ̨nɔ̨i tii.

Zɛnɛse 33:18

Həɠəi Ɉakɔbə ə mo Aramə, ə pa a gɔlɔi pɔ̨nɔ̨ɔ̨, ə hee Sisɛmə daai, Kanaan lɔi hu. Hvo hee daai leelee, ə hee nąą kwɛlɛ.

Zɛnɛse 34:2

Hivi mun Hamɔrə yai a nɔi nąmu, non Sisɛmə ə Dina kaa, ə wolo mą, ə gɛ, a nɛ̨ą.

Zɛnɛse 34:30

Ɉakɔbə yɛ Simeɔn da Levi diɛ: «Kaa mɛ̨nį laa mą́ą́, kaa gɛ́ a hɛn ɲɔ̨n nɔi ŋɛ̨i hu nuą ɲɛ̨i ɓa. Diɛ ɓaa: Kanaan nuą da Perizi nuą. Di kaa pai kpɔn ɉii di kee ɓa, di kɔ́ pɛlɛ mą́ą́, ɲą́ą́ ka nu kpulu hvo ɲə́i, di yee kaa pai tɛɛi mą́ą́, di ku huwu pu kwa ɲə́i bɛlɛ́n nuą.»

Zɛnɛse 35:4

Nu kəlee di di yee kulɔ di wɔ haliɠaai hu, di dɛɛ Ɉakɔbə pɔ, da di wəlii kwɛliɠaai kəlee. Ɉakɔbə ə ɉɛnŋąąi tii kəlee loo wulu kɛnɛ̨ ta mu Sisɛmə daa kpala.

Tɔɔɓɛlaa dɔlɔɔ 12:1

Roboamə ə li Sisɛmə, mąąhɔlɔɓo, Sisɛmə ɓə Israɛlə nuą kəlee di pa laa, ə gɛ, di ɉee a tɔɔmun.

Tɔɔɓɛlaa dɔlɔɔ 12:25

Ɉeroboamə ə Sisɛmə mąątinɛ̨n a hįi, daai tii kaa Ɛfraimə yee hu, ə hee laa. Yili pulu, ə həɠə laa ə Penuɛlə mąątinɛ̨n a hįi.

Mąątɛ̨nɛ̨ 60:6

Yáá ɉilɛyilí tɛɛ nuąi da ɲɔw yɛ́ di pɔ, əgɛ di tɔɔ tɛ̨ą mɛ̨i kpąą, di yowoɠaa di wɔ mɛ̨ɛ̨kɔw tɔwɔ.

Osia 6:9

Ɉaláá laa həli nuą kaa nuą paai Sisɛmə pələi pɔ, yɛ nu kpulu a hee dɔwɔ kɛ, mɛ̨nį ɲɔ̨n gɛnɛ̨i di yee kaa ɉu, ya ka tii.

Ɉaan 4:5

Ɉəliɛ Samari lɔi hu, ə li taa ta hu diɛ kɛ nąą laa ɓa: Sikarə, daai tii ə kɛ Ɉosɛfə yəi ɲɛa kwɛlɛ, ɓɛi nąn Ɉakɔbə ə nąą tɛɛ bɔ.

Gɛlaɠaa 7:16

Di di powa həɠə di paa diɛ Sisɛmə daai di di loo gámąi ti Abrahamə ə ɲá a wali, Ɛmɔrə lonnii yəi, Ɛmɔrə Sisɛmə nąn.

Dutɛrɔnome 11:30

Ɲeeɠaa tii kaa Ɉurdɛn yá pulu, voló tooi pələ Kanaan nuą di wɔ lɔi hu, diɛi tii heeni Ɉurdɛn ɲa-ɓoloon bɔ, Gilgalə tənən ma, More wəla kwɛlɛ.

Hebreu 11:9

Laa na laa háálai, ə pa, ə hee nwɛ̨ą lɔi hu, ɓɛi di nąą laakwɛlanmo mą; di kɛ lɔ həɠə-kələɠaa mu, yaa da Isaakə, ɛlɛɛ Ɉakɔbə, a diɛi tii kɛ a mɛ̨nį laakwɛlanmoɔ ŋą kwɛlin ɉəɠə nuą.

Zasua 20:7

Israɛlə lonnii di Kɛdɛsə taa həɠə ɉu, Galile lɔi hu, Nɛftali yee ɓa, da Sisɛmə, Ɛfraimə yee ɓa, da Kiriatə-Arba yai a Hebrɔn laa ta, Ɉuda yee ɓa.

Zasua 24:32

Ɉosɛfə kɔ́wɠaa tii Israɛlə lonnii di həɠə la Eziptə lɔi hu, di gɔwɠaa tii loo, díi tii wɔlɔ Ɉakɔbə ə ɲa Hamɔrə lonnii yəi a wali kwələ nwundɔ̨nɔ̨, nąą ɓə di noo laa. Hamɔrə ə kɛ a Sisɛmə nąn. Ɉosɛfə lonnii di gɛɛnąą tii hɔlɔɓo, a di kwɛlin da.

Nwun mąąɓo 7:1

Yələwala piinɛ̨ɛ̨, Zedeɔn, yai naa mɛ̨i hee ɓaa Yerubaalə, da nwɔ nu kpului di di muhəɠə, də li di di wɔ kɔ́ ɓuwui pɛlɛ Ein-Harɔdə ɲá ton na. Madian nuą di wɔ kɔ́ ɓuwui ə kɛ pɛlɛ́ni ɲələi pələ, nɛ̨ŋɛ̨ lɔi hu, More ɲee kwɛlɛ pələ.

Nwun mąąɓo 9:1

Yerubbaalə lon ɉulɔnu Abimelɛkə, ə li Sisɛmə daai, nee mąąhinąą pɔ; yɛ nee nąn ɲəi bɛlɛ́n nuą diɛ: