Zɛnɛse 11:7 - Yálá laawoo hɛɓɛ (dc)

⁷ Yili ɓa, ka gu yɛɛ, ka gu di hvaa woo humo di la, ə gɛ, di hvo di kee hvaa woo ŋąą kaa.»

Yálá laawoo hɛɓɛ

⁷ Yili ɓa, ka gu yɛɛ, ka gu di hvaa woo humo di la, ə gɛ, di hvo di kee hvaa woo ŋąą kaa.»

Bible

⁷ Tɔɔ kú lí naa kú dísîi-wooi sumo a gɛɛ dífe díkîe-ni lá-woo mɛni ŋɔ́nɔ.”

Zɛnɛse 11:7 Iomraidhean Croise

Zɛnɛse 1:26

Yálá yɛ nwɔ̨nɔ̨ diɛ: «Ka gu nu pɛli, ka gu mąą nįnįn ɉu, ə kɛ a gu kulɔmąą, ə tɔɔlaa kɛ gboloyá hu hɔwɔleeɠaa mɛ̨i, yələi nwɛ̨niɠaa da taatɛlɛɛɠaa, ə mą kɛ, lɔwɔ huwɔɠaa da tala huwɔɠaa; ə tɔɔlaa kɛ gəlee mɛ̨i.»

Zɛnɛse 10:20

Pələ ɓə Kamə huwuhu nuą di hee kpəlin na ə kɛ la, yɛ pələi di lawoo ə kɛ la, da di wɔ lɔiɠaa.

Zɛnɛse 10:32

Pələ ɓə nu huwuɠaai kulɔ Noe lonnii hu, di hee kpəlin na ə kɛ la, da di wɔ lɔiɠaa. Diɛi tii ɓə di lonnii di lɔi laahvɛɛ ɲánwąną tɛɛ pulu.

Zɛnɛse 10:5

Nu huwui tii ɓə di taɠa taɠaa gahinŋąą ɓa. Hį́í wooi da mo, ya ɓə di ɉee di wɔ lɔi ɓa a nɔi laa.

Zɛnɛse 11:5

Yaan, Yai-Laa ə yɛɛ, ə gɛ, ə daai tii mąąkpɛɛ, ɛlɛɛ bɛlɛ́i ŋɛ̨i nuą kaa dɔɔi, ə gaa.

Zɛnɛse 3:22

Yili pulu, Yai-Laa yɛ gbɔwɔ ɓa: «Nu ka ŋɛ̨i aa kɛ kɛa yɛ gu ta, mɛ̨nį ɲɔ̨nwɔ̨ɔ̨ da mɛ̨nį lɛlɛɛ di kɔ́lɔn ŋąą hu. Yii hu kɛa, mąą hvo nɛ̨ɛ̨li kɛa, hvo ɲɛnɛ̨ɛ̨ kɛ wulu ɓa ta mį́i, akɛ a da mį́i, hva kɛa haa.»

Zɛnɛse 42:23

Ɉosɛfə niɛni kili kpɛli hvo kɛ ɉu, diɛ kɛ gaa di woo mɛ̨n ɉii. Mąąhɔlɔɓo, ɓɛlɔwai ə kɛi hvaa la niɛni pɔ, di kɛi nwoo laa tɛɛ.

Zôo 12:20

Nuąi di wəlɛɛ pələ ɓo, yɛ di woo tee mɛ̨i, yɛ hulɔgoloɠaa di wɔ mɛ̨nį ŋąą kaa kulɔ di yəi.

Mąątɛ̨nɛ̨ 2:4

Nui hɛn gəlee nwun mɛ̨i yələ kɔ́lɔn ɉu, gaa yɛ́lɛ́i diɛ, Yai-Laa kaa yɛlɛ kulɔi di hu.

Mąątɛ̨nɛ̨ 33:10

Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Mąątɛ̨nɛ̨ 55:9

Ŋą́ li kɛ li a mąąhulaa, gɛ́ pu laakala hvaŋą tɔwɔ.»

Lɛɛ gbɔwɔ ɓa 4:11

Yai-Laa yɛ mą: «Gbɛɛ ɓə laaləi kɛ nu ɓa? A wala kɛ ti, gbɛɛ ɓə a nu kɛ a muugbɛ, a wala kɛ ti wəli tínímun? Gbɛɛ ɓə a nu ɲɛ̨ilon gɛ ɉu, awala kɛ tii ə gɛ, a ɲɛ̨ipumun? Kɛlɛi Ɲą́ą́ Yai-Laa, ɲą́ą́ ɓə!

Azaya 33:19

Hvo kɛa pai gbɔwɔ ɲąą kɛnɛ̨ nuąi tii kaai, a nu huwui tii, naa woo mɛ̨n naa walaai, diɛi di hvaawoo a nu laa yɛlɛ, nu hva pɛli gulɔ ɉu kɛi.

Azaya 6:8

Ŋą́ Ną́mu woo mɛ̨n, yɛ kɛ diɛ: «Gbɛɛ ɓə ŋą́ dí? Gbɛɛ ɓə pai kɛi a nwɔ́ wɛlɛɛ ɓomun?» Gɛ́ mą: «Ɲą́ą́ ɓə, 'dí!»

Ɉeremi 5:15

Kaai ɓaa Israɛlə nuą, gáá pai nuą ɲąątɔɔi kaa diɛ həɠə kwɛa la. Da kɛ a nu huwu yii ka yee hva lɔ diɛ. A tɔwɔ-tɔwɔ nu huwuɠaa. Ka hvo kpɛli di lawoo kɔ́lɔn. Di woo hu kpinɛ̨ɛ̨ kaa. Ɲą́ą́ Yai-Laa nwóó li!

Korɛntə dɔlɔɔ 14:23

Akɛ, gbəli, ka ká ɲąąkpɔn Yálá hee pɛlɛ́i mu, hį́iwoo yii nu ta hvo gɔlɔn nu kəlee diɛ mo, nuąi di kaa ka woo mɛ̨n ɉi, a wala kɛti nuąi di hvo ka a kalan nɛa, da lɔ laa, di hva kɛ diɛ ka ɓowoi?

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.