Biblia Todo Logo
Bìoball air-loidhne

- Sanasan -




Zasua 8:2 - Yálá laawoo hɛɓɛ (dc)

2 Bələi ə́ gɛ la a Ɉeriko taa da nwɔ tɔɔmun, bələ ɓə yá gɛ la a Ai taa da nwɔ tɔɔmun. Kɛlaa yaamun, hɛn kpɔ ka ɉɔlɔɓo laa, ə mą kɛ daatɛlɛɛɠaa, ka gəlee həɠə a ka wɔɔ, yɛ kɔ́ pulu hɛn. Ka bələ ɲąątɛ di tɔwɔ ɉįi la di pulu pələ.»

Faic an caibideil Dèan lethbhreac

Yálá laawoo hɛɓɛ

2 Bələi ə́ gɛ la a Ɉeriko taa da nwɔ tɔɔmun, bələ ɓə yá gɛ la a Ai taa da nwɔ tɔɔmun. Kɛlaa yaamun, hɛn kpɔ ka ɉɔlɔɓo laa, ə mą kɛ daatɛlɛɛɠaa, ka gəlee həɠə a ka wɔɔ, yɛ kɔ́ pulu hɛn. Ka bələ ɲąątɛ di tɔwɔ ɉįi la di pulu pələ.»

Faic an caibideil Dèan lethbhreac

Bible

2 Ǹyaŋ ya pâi naa su-karâi í ǹaa kaloŋ páa yɛ̂ɛ berei í gɛ̀ la a Zɛleko da ǹaa kaloŋ. Zãa lɛ́lɛɛ-ŋai da daa-tûlɛ-ŋai nɔ́ ƃé ka pâi ziɣêi a kápɔɔ. Ka gbã tée naa-ƃelai dîa daai pôlu pere.”

Faic an caibideil Dèan lethbhreac




Zasua 8:2
27 Iomraidhean Croise  

Nąąlɔwai, Ɉeroboamə ə kɔ́kúlaa taɠaa tɛɛ di pulu pələ, di di loo, Ɉuda nuą di lɛɛ kɛa gɔ́ laɠa lɔwai.


Ɓɛlɔwai di kɛi Yai-Laa laa tɛ wələ too la, Yai-Laa ə wulu-wulu too Amɔn nuą, Moabə nuą da Seirə ɲee hu nuą lɔwai, diɛi tii həɠə diɛ pa pɛlɛi Ɉuda ɓa. Diɛ kɛa di kee paa.


Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.


Nu lɛlɛɛ hɔlɔɓo hɛn, a həli nonnii di wɔ lonnii diɛ. Kɛlaa, nɛ̨ŋɛ̨n ɉəɠəmun ɲəi hɛn gɔw, yɛ lɛɛ a tələnmomun nwɔɔ.


Nui dələnmoɔ, a lúwɔ́ hɔlɔɓo. Kɛlaa, nui gaa bɔ ə hɛn ɉɔlɔɓo a yee mąąhulɔ, hvo pai hvɛɠɛi hutɔɔ hu.


Nui a hɛn ɉɔlɔɓo a hulu, gaa yɛ háɉalii a mɛlan gbɛ ɲąnįn mɛ̨i, ə pɛlɛ laa. Mąą nu nwɔ yɛnɛ̨ɛ̨ hva kpɛli həli ɉąąi, nwɔ hɛn gɔw yɛ kpɛɛ ɲəi; A nwɔ yɛnɛ̨ɛ̨ laa kulɔ nu kpoloon naa hu.


'Ka gɔ́ təli Babilonə hįį ɓa, 'Ka daa mąąkpɛ nuą ta pɛlɛ mą, 'ka nuą hee di tɔwɔ lɔwɔi. Gaa tii, mɛ̨nįi Yai-Laa ə mo yɛ hvilɛn Babilonə nuą diɛ, ə gbɛa giliŋąhiɛ mą, gaa kɛa gɛi.


Daatɛlɛɛɠaa lɔ ɓə gu di həɠə a kɔ́ honŋąą, da ɉɛngɔwɠaai kɛ daaɠaa gu di hon di hu.


Kɛlaa, nɛ̨ąą da nɛapɛlɛɛ, daatɛlɛɛɠaa da hɛn lɔpee a kɛ laa daai, ka gəlee həɠə a kɔ́ honŋąą. Ka yowoɠaa yəi hɛnŋąą di kɛ a ka kɔ̨nɔ̨n, a ɉɛn Yai-Laa ka wɔ Yálái kaa pai dɛɛi ka pɔ.


Yai-Laa yɛ mą́ą́: «Hvo ɲɔw mą! Mąąhɔlɔɓo, ŋą́ą́ doo ə́ yee ŋą, da nwɔ lɔi hu nuą kəlee, bɛlɛɛ nwɔ lɔi ɓa. Naa mą yɛ bələi ə́ naa la Amɔrə nuą di wɔ tɔɔmun Sihɔn ɓa, yai kɛ heeni Hɛsbɔn daai.»


Ɉerusalɛmə tɔɔmun Adoni-Sedɛkə ə bələ mɛ̨n, diɛ Ɉosue aa kɛ Ai hon, ə lɛɛ aa nąą kala; diɛ kɛ ə Ai da nwɔ tɔɔmun di hon nɔ yɛ bələi di Ɉeriko da nwɔ tɔɔmun di hon na, diɛ nwɔ̨nɔ̨ kɛ mą Gabaɔn nuą da Israɛlə nuą daa kɛ too líílaa yɛnɛ̨ɛ̨ hu, ɛlɛɛ, Gabaɔn nuą kaa heeni Israɛlə lonnii lɔwai.


Voló tɔ̨nɔ̨i tii yeemu, Ɉosue ə lɔ Makeda daai, ə ɉu nuą kɛ a kɔ́ kɔ́ ɓɔwa kɔ̨nɔ̨n, ə mą kɛ nąą tɔɔmun; ə di kəlee di paa kpɔ tɛ̨ɛ̨tɛ̨ɛ̨, hvo hɛn da lɔpee lɛɛ a vulúmąą, ə mą kɛ nu tɔ̨nɔ̨ ɓə, hvo nɛɛ laa a vulú; ə Makeda tɔɔmun ɉon, yɛ bələi ə Ɉeriko tɔɔmun ɉon na.


Israɛlə nuą di daaɠaa tii hu hɛnŋąą, da daatɛlɛɛɠaa kəlee həɠə a kɔ́ pulu hɛn. Kɛlaa, di nu kanŋaa kəlee paa kpɔ tɛ̨ɛ̨-tɛ̨ɛ̨, di hvo kpɛli nu ta lɛɛ a vulú.


Hɛnŋąą kpɔ kɛ daai, di gəlee hu kala kpɔ tɛ̨ɛ̨tɛ̨ɛ̨?: Ɉinąą mąn, nɛ̨ąą mąn, nu nwunuɠaa, ə mą kɛ, nu pɔlɔ pɔlɔɠaa, Nįŋɛ̨, ɓɛlaa, ɉoohvaalənŋąą, di gəlee paa.


Ɉosue ə nu waa lɔɔli ɲɔ̨nwɔ̨mąn ɉəɠə ə di loo Betɛlə da Ai di lɔwai voló tooi pələ.


Yii kɛa Ai tɔɔmun ə yili nąą kaa tii, da nwɔ nuąi di kpuluun, diɛ pa pɛlɛi Israɛlə ɓa gɛɛnąą tɔ̨nɔ̨i lɔ hiɛ kɛ, Ɉurdɛn ɲá-ɓoloon dənən ma. Kɛlaa, di wɔ tɔɔmun gili hvo kɛ ɉu, yɛ kɛ bələ ɲąątɛ nuą daa di loo dɔwɔ, daa pulu pələ.


Yii lɔ ə ɲee haŋą, nuąi kɛ di loo pələi, di kulɔ a mąąhulaa, di gilɛ həɠə di tɛ taai, di daa hon, di nɛ̨ɛ̨ mą di nwɔ̨n nɔ daai.


Yii kɛa Ai nuą ŋɛ̨i kɛ ɲɛa kɔ́ɔɠaa hu, di yiliɠaa gəlee paa, di di hu tee tee a ɓɔwa, Israɛlə nuą di pənə di pa Ai daai, nu kpəli woloi lɛɛ, di yiliɠaa kəlee paa.


Ɉosue da nwɔ kɔ́kulááɠaai di di muhəɠə, diɛ li kɔ́ pɛlɛi Ai taa ɓa. Hinąą nu waa pow haaɓa, yiiɠaai kɛ a kɔ́kuláá walawalaɠaa, diɛ ɓə Ɉosue ə di həɠə, də li a kpinį.


Nąąlɔwai, ka kulɔ ka loo pələi, ka daa hon, Yai-Laa ka wɔ Yálá aa dɛɛ ka pɔ.


Ka yee a pɛli daa ɓa, ka nwɔ̨n bili daai, ka gɛ kpɔlɔɔ yɛ bələi Yai-Laa ə mo la. Yili ɓə gáá ka tí la.»


Ɉosue ə di tɔɔ, də li ɓɛi kɛ mąąnɛ̨ɛ̨ di di loo laa. Di hee Betɛlə da Ai di lɔwai, Ai voló tooi pələ. Mąą kpinįi tii, Ɉosue da nwɔ kulaa yiiɠaa tii ɓə yíi kɛɛnąą tɔ̨nɔ̨.


Mɛ̨nįi Ɉosue ə naa Ɉeriko taa da Ai taa diɛ, Gabaɔn nuą di bələ mɛ̨n.


Lean sinn:

Sanasan


Sanasan