Zasua 7:9 - Yálá laawoo hɛɓɛ (dc)

⁹ Kanaan nuą, da nuąi kpɔ di heɛ kaa nɔi ŋɛ̨i hu, daa mɛ̨nįi ŋɛ̨i bələ mɛ̨n, di kaa pai tínɛ̨n ɉii kuɔ, di ku laa waa lɔi mɛ̨i. Akɛ tii, naa kɛnɛ̨i ŋɛ̨i gaa yɛ́, yá gɛ ləi?»

Yálá laawoo hɛɓɛ

⁹ Kanaan nuą, da nuąi kpɔ di heɛ kaa nɔi ŋɛ̨i hu, daa mɛ̨nįi ŋɛ̨i bələ mɛ̨n, di kaa pai tínɛ̨n ɉii kuɔ, di ku laa waa lɔi mɛ̨i. Akɛ tii, naa kɛnɛ̨i ŋɛ̨i gaa yɛ́, yá gɛ ləi?»

Bible

⁹ À kɛ̀ tí, Keena-ŋai da ǹûai kélee ǹɔii sui da pâi mɛnîi. Gɛ̀ ní da pâi tînanii kûa dí kúpaa. À kɛ̀ tí, gɛ̀ ní ílaa kɛ́tɛi ŋí fé pâi karâi?”

Zasua 7:9 Iomraidhean Croise

Mąątɛ̨nɛ̨ 115:1

Kuɔ hvəi, Yai-Laa, kuɔ hvəi mąąnɛ̨ɛ̨ ku mąąwiɛ hɔlɔɓo; kpələ́! Kuɔ hvəi, kɛlaa yili mąąnɛ̨ɛ̨i ə kɛ Ə́ laa mąąhəɠɛɛ ɓa, ə́ wɔ wɛlikɛmąąlaa, da ə́ wɔ tɛ̨ą mąą mɛ̨nį ɓa.

Mąątɛ̨nɛ̨ 48:10

Yálá, ku kilitɔɔi ə́ wɔ wɛlikɛmąąlaa ɓa, ə́ yəi bɛlɛ́n.

Mąątɛ̨nɛ̨ 79:9

'Kpɔnmąą tɛɛ ku pɔ, ku ɓalo Yálá, ə́ laa mąąwiaai mąą mɛ̨nį ɓa; 'ku nwun mąąɓo, ku wɔ nɛ̨ŋɛ̨nŋaai waa, ə́ laa mąąwiaai mąą mɛ̨nį ɓa.

Mąątɛ̨nɛ̨ 83:4

Di kaa nɔgilii kɛi a ə́ wɔ nu kanŋaai, diɛ ɲaɓa nwun dɔɔ kɛ ə́ wɔ hɛn gɔwi ɓa.

Mąątɛ̨nɛ̨ 83:5

Diɛ kɛ diɛ: «'Ka pa ka gu di huwu pu, gu di kpɛɛ lɔi mɛ̨i, di hvo kɛa Israɛlə laa mɛ̨n yɛnɛ̨ɛ̨ ɓɛ.»

Lɛɛ gbɔwɔ ɓa 32:12

Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Lonon mo 14:13

Moisə yɛ Yai-Laa ɓa: «Eziptə nuą di gɔlɔn diɛ, ə́ Israɛlə lonnii kulɔ di yee mu a ə́ wɔ huwalawalai hɛn da hva tɔɔ na.

Ɉaan 12:28

Ną́n, ə́ laa mąąwiɛ!» Nąąlɔwai woo ta ə kulɔ yələi, yɛ diɛ: «Ŋą́ą́ náá mąąwiɛ, gáá nwɔ̨nɔ̨ pai mąąwiɛi.»

Dutɛrɔnome 9:28

Mąą hvo nɛ̨ɛ̨li nɔi tii ə́ ku kulɔ ɉu, ɉu nuą di hvo pa mo diɛ kɛ diɛ: ‹Yai-Laa yee hva pɛli kɛ di lɔi, nɔi ə́ naakwɛlanmo diɛ ɉu; aa hvɛɠɛ di mu; di wɛli kpɛɛi kɛ mą, yili ɓə ə di kulɔ la yɛ li di nwun na pilii nɔi pun ɉu.›

Zasua 7:10

Yai-Laa yɛ Ɉosue ɓa: «Ə́ muhəɠə! Lə mɛ̨nį ɓa ə́ kaa pɛlɛ ni nɔi ɓa?

Zasua 7:8

Nɛ̨ɛ̨ yɛ́, nwɔ́ mɛ̨nį Nąmu! Mɛ̨nį a kɛ ŋɛ̨i, lə ɓə ŋą́ pɛli moi, ɓɛlɔwai kɛa Israɛlə lonnii daa di pulu tɔɔ la di yowoɠaa diɛ?

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.