Zasua 7:1 - Yálá laawoo hɛɓɛ (dc)

¹ Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Yálá laawoo hɛɓɛ

¹ Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Bible

¹ Kɛ́lɛ Eezuɛ-ŋai dífe díwoli tɔ̀ɔ ní m̀ɛnii ma Yâwɛɛ è mò dîai. Dí zãai da sìɣe nyíi kɛ̀ a Yâwɛɛ pɔ́ɔi. Eekãŋ ƃé m̀ɛnii ŋí kɛ̀. Eekãŋ ǹâŋ láa ƃé kɛ̀ a Kamii. Kamii ǹyaŋ ǹâŋ láa ƃé kɛ̀ a Zadí, Zadí ǹáŋ láa kɛ́ ƃò a Zera. Ǹûai ŋí díkɛ̀ a Zuda ŋɔsuui su-ƃelai da. Yâwɛɛ è ǹíi ŋwàna Eezuɛ-ŋai dîa, kpɛ́ni fêi, Eekãŋ è zãai da sìɣe nyíi kɛ̀ a Ɣâwɛɛ pɔ́ɔi.

Zasua 7:1 Iomraidhean Croise

Zɛnɛse 34:27

Ɉakɔbə lon ɉinąą yiiɠaai tii, di li di too nu lɛɠɛɠaa mɛ̨i, di di mąą kpoloon, di daai hɛnŋąą kəlee həɠə. Mąąhɔlɔɓo, daa kɛ wolo di mąąhala ɓa daa gɛ a di nɛ̨ą.

Samia Veerɛi 24:1

Yai-Laa lii ə holi Israɛlə nuą pɔ nwɔ̨nɔ̨, ə Davidə lii muhəɠə di pɔ ə gɛ, yili ə Israɛlə nuą da Ɉuda nuą di lonon.

Tɔɔɓɛlaa veelɛ 5:24

Həlii di mo Ofɛlə, Gehazi ə mii hveelɛi tii həɠə nuą yəi, ə li ə ɉee ɲəi bɛlɛ́n. Nu hveelɛi tii di pənə də li.

Kɔlɔnikɔ Maa-ŋuŋ 21:7

Yili ə nwąną Yálá ɓa, ə Israɛlə kɛlɛ.

Kɔlɔnikɔ Veerɛi 24:18

Di di kili kulɔ Yai-Laa di nąnni di wɔɔ Yálái ŋą pɛlɛ́i hu, diɛ kwɛli hvilɛn wulu kpiyɛnŋąą diɛ da haliɠaa. Di túwɔ́ pələi tii mąą mɛ̨nį ɓa, Yálá nwɔ liiɲąnwąnąi ə ɓɛla Ɉuda nuą mɛ̨i da Ɉerusalɛmə nuą.

Ɛsdrasə 9:6

Ŋą́ Yálá hvɛli, gɛ́ mą: «Nwɔ́ Yálá, nwumɛ̨ kaa ɲɛ̨́i! Ɛlɛɛ, ɲɛ̨́i aa paa! Vá pɛli nwún muhəɠəi ə́ pɔ pələ, yɛ́i ə́ kaa ɓaa nwɔ́ Yálá. Mąąhɔlɔɓo, kuɔ nɛ̨ŋɛ̨nŋąą daa tamą, daa laŋin ku nwun mɛ̨i. Ku wɔ hɔn ɲɔ̨n, ɉu aa kɛnɛ̨, aa tɛ yələkɔlɔn ma.

Zôo 35:8

Ə́ ɓɛlaa lɔ ɓə, ə́ wɔ tuwɔ́ pələ ɲɔ̨n a həli diɛ, yá tələnmolaa kulɔ nwɔ̨nɔ̨, nuą lɔ ɓə a həli diɛ.

Ikilisiati 9:18

Kili hviɛlaɓoɔi, kɔ́ kɔ́ kwɛli hɛn ma. Kɛlaa, kilikpɛɛgwəi mun nwoo ɲąą tanɔ̨n gbən a mɛ̨nį lɛlɛɛ tamąą hukala.

Danîa 9:7

Ną́mu Yálá ə́ wɛi, hɔn və yɛ́, yii ɓaa ku wɛi, yii mąąnɛ̨ɛ̨ ku gɛ, ya ɓaa: Ku ku kpɔɔmąąyɛɛ, yɛ pələi háákələi hvólói kaa la, kuɔi kpɔ ku kaa a Ɉerusalɛmə daai nuą, Ɉuda lɔi hu nuą, ə mą kɛ Israɛlə lɔi hu nuą, di ma kɛ kwɛa la, ə mą kɛ kpuɔ la, diɛi ŋɛ̨i ə́ di taɠa di kee ɓa, gɛ mɛ̨nį di hvo lɛɛ li yɛ́ a woo tɔ̨nɔ̨ Nąmu, mąą mɛ̨nį ɓa.

Levetekɔ 10:6

Moisə yɛ Aarɔn da nonnii hinąą hveelɛi, Eleazarə da Itamarə diɛ: «Ka hvə ka nwuɔ̨ kɛ yɔhɔ-yɔhɔ, ka hvo ka mąąhəɠə huɓɛla; ə gɛ ka hvo pa haa, Yai-Laa hvo pa niiɲąnwąną nɔi nuą kəlee diɛ. Ka nɛ̨ɛ̨ laa ka kaayɔwɔɠaa Israɛlə nuą kəlee di nuąi Yai-Laa ə di paa a nwɔ̨n, di haa wɔlɔ ɓo.

Zôna 1:7

Gələn ɉiɛ nuą di mo di kee ɓa, diɛ mą: «Ka gu ɲee pulu kaa kɛ, ə gɛ, nui gɛi mɛ̨nįi ŋɛ̨i yɛ həli guɔ, gu kɛ a mąą nu kɔ́lɔn ŋąą.» Di ɲee pulu kaa kɛi, ə too Ɉonasə mɛ̨i.

Zasua 22:16

diɛ kɛ diɛ: «Yai-Laa nwɔ nu huwui kəlee woo ka: Lə ɓə kɛ yaai, ka káá kulɔi Israɛlə Yálá pulu, kaa ka mąąkwɛa Yai-Laa ɓa háákələi? Kaa haláá kulɔi tɔɔ a kaa kpinįi ka wɔɔ, ɛlɛɛ, kaa ka kwɛli tee la tii Yai-Laa ɓa háákələi?

Zasua 22:18

Ya ɓə kaa ŋɛ̨i ka káá həɠəi Yai-La nwɔ pələi mɛ̨i, kaa ka kwɛli tee Yai-Laa ɓa, yɛ pa nwɔ̨nɔ̨ tínąą niiholii Israɛlə nu kpulu kəlee pɔ.

Zasua 22:20

Ɲələi Zera lon Akan ə nɛ̨ŋɛ̨n ɉəɠə la ɉɛn kɛ nɛ̨ŋɛ̨n naa mąą mɛ̨nį hu, kɛlɛi Israɛlə lonnii kəlee ɓə níiholi ə yɛɛ di mɛ̨i-yee! Ɛlɛɛ, yaa tɔ̨nɔ̨ hvəi haa nwɔ nɛ̨ŋɛ̨n tii mąą mɛ̨nį hu.»