Zasua 2:9 - Yálá laawoo hɛɓɛ (dc)

⁹ Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.

Yálá laawoo hɛɓɛ

⁹ Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.

Bible

⁹ ǹyɛɛ dîai, “Ŋá gɔ́lɔŋ a gɛ́ɛ Yâwɛɛ a ǹɔii ŋí tɛ́ɛ kápɔ. Kámaa tûŋ a seri kûa ǹyaŋ kúkelee kúkaa nâa yaôi kâa,

Zasua 2:9 Iomraidhean Croise

Zɛnɛse 35:5

Ɓɛlɔwai Ɉakɔbə da nwɔ nuąi di di tiɛ̨ həɠə la, diɛ li, Yálá ə ɲɔw kɛnɛ̨ too nɔi tii hu nuą hu, nu tɔ̨nɔ̨ kpɛli hvo hvilɛn di pulu.

Samia Veerɛi 17:10

Nąąlɔwai, ə mą kɛ nui nii kpəlɛɛ yɛ yala hilɛ, ɲɔw a too ɉu, mąąhɔlɔɓo, Israɛlə nuą kəlee di gɔlɔn diɛ ə́ nąn gaa a kulaa, bɔ nuą kəlee huwalawalaa.

Tɔɔɓɛlaa veelɛ 5:15

Ə nɛɛ ɲąąɓa, ə pənə da bɔ nuą kəlee, diɛ li Yálá nwɔ nui pɔ. Naaman ə li ə too Yálá nwɔ nui lííla, yɛ mą: «Yiihui, ŋą́ą́ gɔlɔn gɛ́ Yálá hvo lɔi mɛ̨i nąą takpɛli ɓa, hvo kɛli Israɛlə lɔi hu. Yili ɓa gáá ə́ mąąnɛ̨ɛ̨i gɛ́ ə́ ə́ yee hee ə́ wɔɔ luwɔi nwɔ towələ mu, yai yɛ ə bu ə́ yəi.»

Tɔɔɓɛlaa veelɛ 7:6

Yai-Laa ə kɔ́ kɔ́ wotoloɠaa da hooɠaa tín dɔɔ Aramə nuą di wɔ kɔ́ɓuwui la, da kɔlaɠa kɛnɛ̨ tín. A ya ɓə, Aramə nuą da kɛ di kee ɓa: «Israɛlə tɔɔmun aa Hɛtə tɔɔmun, da Eziptə tɔɔmun di həɠə, diɛ pa pɛlɛi guɔ a kɔ́.»

Nehemi 6:16

Bələ mɛ̨n ku yowoɠaa kəlee di mo, nɔiɠaai kpɔ kɛ ku kwɛlɛ, gəlee di ɲɔw, ɛlɛɛ, di nwunmɛ̨ di kpɔɔ yəi. Di gbaɠala kaa, diɛ kɛ golói tii ə kɛ, mąąhɔlɔɓo, ku wɔ Yálái ɓə kɛ bɔ́.

Zôo 19:25

Nwɛ́i, gíli kaa ɉu gɛ́ nwún mąąɓomun gaa a vulú, ya ɓə pai kɛi a nu gbəli, ə həɠə lɔi mɛ̨i.

Mąątɛ̨nɛ̨ 112:10

Wea mun a nąą kaa, yili yɛ lɔ mą kɛnɛ̨, yɛ naa hvaną, yɛ kpala; nuąi di hvo Yálá pɔ, di líiɓaɠaa da lɛɛ a kpɛli.

Mąątɛ̨nɛ̨ 115:16

Yələ kɔ́lɔn gaa a Yai-Laa nwɔɔ, lɔi nwɛi, ə dɛɛ nu kanŋaa pɔ.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Lɛɛ gbɔwɔ ɓa 23:27

«‹Gáá ka mąą tin dooi, nɔi ŋɛ̨i ka káá pai lii ɉu, nąą nuą hu ə pu diɛ, ka yowoɠaa da pu ka tɔwɔ.

Ikilisiati 8:12

Nɛ̨ŋɛ̨n ɉəɠəmun danɔ̨n gbən a pɛli ə mɛ̨nį ɲɔ̨n damąą bələ kulɔ, Kɛlaa yaamun, yɛ lamun yɛnɛ̨ɛ̨. Ɲą́ą́ gbį́nįi gílí kaa ɉu, gɛ diɛ: «Nuąi da ɲɔw Yálá ɓa, diɛ ɓə di kaa a lúwɔ́ lonnii, mąąhɔlɔɓo, diɛ ɓə Yálá nwɔ Heeɓolaa kɔ́lɔn.

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Azaya 23:5

Eziptə a pa Tirə mąą mɛ̨nįɠaai tii mɛ̨n ɉii, mąą kaa pai kpɛlin ɉi

Ɉeremi 27:5

Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Nahumə 2:10

Ka nwali həɠə, ka ɉɛni həɠə, ɉɛn laa, kpɛɛ hvo mą; hɛn nɛlɛɛ huwu kəlee puɔi laa gee mɛ̨i.

Lonon mo 20:14

Di lɛɛ Kadɛsə, Moisə ə nuą tɔɔ Edɔmə tɔɔmun bɔ, yɛ mą: «Ə́ nąn non Israɛlə woo li, mɔ̨nɔ̨ɠaai kpɔ laa kuɔ, gbaɠala kaa yɛ́.

Lonon mo 20:24

«Aarɔn kaa pai kulɔi ka pɔ, yɛ laŋąn nąnni diɛ. Hva pɛli lɔi nɔi ŋą dɛɛ Israɛlə lonnii pɔ ɉu. Mąąhɔlɔɓo, ka kulɔ nwóó mu Meriba yá nwun gulɔi.

Maafîu 20:15

Akɛti, vá pɛli nííɓa kɛi mɔ̨ɔ̨ ɲə́i hɛn gɔw hu? Mɛ̨inɛ̨ɛ̨ ŋɛ̨i ŋį́ gɛ yili mąątóló ɓə ə́ kaa gulɔi?›»

Dutɛrɔnome 11:25

Nui lɔpee ta hvo pai tɔɔi ka la. Mąąhɔlɔɓo, Yai-Laa kaa pai gɛi nuą diɛ ɲɔw kaa kɛɛnąą kəlee ɓa, di mąą yɛ kpɛlin ka tɔwɔ yɛ bələi ə naakwɛlanmo la kaa.

Dutɛrɔnome 2:25

Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Dutɛrɔnome 28:10

Yɛnɛ̨ɛ̨ nąą kəlee nuą, di kaa pai kɛi diɛ: ka káá a Yálá nwɔ nu huwu.

Dutɛrɔnome 32:8

Ɓɛlɔwai Yai-Laa ə nu huwuɠaa kwɛlin dɛɛ la di pɔ, ə nu huwuɠaa hee lɔiɠaa ɲɛn dɔɔ, yɛ bələi nonnii tamąąi la, ə gəlee nwun mɛ̨imun gɛ mą;

Hebreu 11:31

Laa na laa háálai, Rahabə kɛ a wɛlikɛnɛ̨ɛ̨nu, da kwɛli tee nuąi di nwun na hvo pili a gee; mąąhɔlɔɓo, ə ɲee hee gɔ́ nɛ̨lɛ̨ɛ̨nŋaa mu a nɛlɛɛ.

Zasua 2:11

Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.

Zasua 2:24

Di mo Ɉosue ɓa, diɛ mą: «Kwaa gaa kpɔ kuɔ diɛ Yai-Laa aa nɔi tii tɛɛ gu pɔ, mąąhɔlɔɓo, gu mąą mɛ̨nį aa kpɛlin doo nɔi nuą kəlee hu.»

Zasua 2:8

Ɉosue nwɔ nu hveelɛi tii, di hvo kɛi yii, Rahabə ə tɛ di pɔ gbaan ɉu.

Zasua 5:1

Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.

Zasua 6:2

Yai-Laa yɛ Ɉosue ɓa: «Ə́ ɲɛ̨i hee laa, gáá Ɉeriko taa tɛɛi ə́ pɔ, yaa, da nwɔ tɔɔmun, ə mą kɛ, ɉu kulaaɠaa.

Zasua 9:10

Ɛlɛɛ mɛ̨nįi ə naa Amɔrə tɔɔɓɛlaa diɛ Ɉurdɛn pulu, ku bələ mɛ̨n; diɛ ɓaa: Hɛsbɔn tɔɔmun Sihɔn, da Basan tɔɔmun Ogə, yai kɛ Astarotə daai.

Zasua 9:24

Di Ɉosue woo ŋaapələ diɛ mą: «Mɛ̨nįi Yai-Laa ə́ wɔ Yálái ə mo nwɔ tímun Moisə ɓa, daa kɛ lamun ɉukulɔi ə́ wɔ nuąi diɛ, a nɔi ŋɛ̨i tɛɛ mɛ̨nį ka pɔ, da ɉu nuą kəlee paa mɛ̨nį, kaa pɛli heei laa. Ku ɲɔw kaa kɛnɛ̨, mɛ̨nįi ku dúwɔ́i tii ɓo la, nwun ni.

Zasua 9:9

Di nwoo ɲąąpənə diɛ mą: «Ə́ wɔ luwɔɠaa di həɠə kwɛa la lɔi hu, Yai-Laa ə́ wɔ Yálái mąą mɛ̨nį ɓa, mɛ̨nįi kpɔ ə gɛ Eziptə, ku bələ mɛ̨n;

Nwun mąąɓo 7:14

Mɛlan yɛ mą: «Yili mukulaa hvo a hɛn da kpɛli, Israɛlə mun ŋɛ̨i a Yoasə non Zedeɔn nwɔ ɓɔwa kwɛaai li. Yálá aa gu tɛɛ bɔ, da gu wɔ kɔ́ ɓuwui.»