Zakari 3:2 - Yálá laawoo hɛɓɛ (dc)

² Yai-Laa nwɔ malakai yɛ ɓilihi ɓa: «Yai-Laa ə nwumɛ̨ tɛ a yɛ́ ɓilihi; a tɛ̨ą, Yai-Laa ə ə́ laa kpulu, Ya ɓə Ɉerusalɛmə həɠə ɉu a nwɔɔ. Yii ɓaa a ɉulɔnui ŋɛ̨i nwɛi, hvo mɔ̨ɔ̨ yɛ kwɛi kpuwɔ kulaa nwɔ̨n ɲəi?»

Yálá laawoo hɛɓɛ

² Yai-Laa nwɔ malakai yɛ ɓilihi ɓa: «Yai-Laa ə nwumɛ̨ tɛ a yɛ́ ɓilihi; a tɛ̨ą, Yai-Laa ə ə́ laa kpulu, Ya ɓə Ɉerusalɛmə həɠə ɉu a nwɔɔ. Yii ɓaa a ɉulɔnui ŋɛ̨i nwɛi, hvo mɔ̨ɔ̨ yɛ kwɛi kpuwɔ kulaa nwɔ̨n ɲəi?»

Bible

² Ŋ̀âla-taa-kelai è mò Sêtɔŋ ma ǹyɛɛi, “Tɔɔ Yâwɛɛ é tɔ̂ŋ pú yâ! Tɔɔ Yâwɛɛ nyii è Zerusâlɛŋ wɛ́linii é tɔ̂ŋ pú yâ. Nalôŋ ŋí móloŋɔ̂ɔi kɔi-tuɔ kpua ma nyii da gula ŋɔŋ ŋái.”

Zakari 3:2 Iomraidhean Croise

Kɔlɔnikɔ Veerɛi 6:5

‹Ə həɠə ɲələi ŋį́ nwɔ́ nu huwui kulɔ la Eziptə lɔi hu mą, ə həli la yiihu ɓa, və́ taa ta həɠə ɉu Israɛlə lɔi ta lɔpee hu, gɛ́ pɛlɛ́ tɔɔ laa, náá yɛ pɛli kɛi laa; ɛlɛɛ, və́ nu ta həɠə, yɛ pɛli kɛi nwɔ́ nu huwui a Israɛlə nwun na.

Kɔlɔnikɔ Veerɛi 6:6

Kɛlaa, Ɉerusalɛmə ɓə ŋį́ ɉəɠə ɉu, náá yɛ kɛ laa, ɛlɛɛ, Davidə ɓə ŋį́ ɉu, a nwɔ́ nu huwui Israɛlə ɲąąwooɓomun.›

Mąątɛ̨nɛ̨ 109:31

Mąąhɔlɔɓo aa tɔɔ mąąwɛlimun mamįiyee hu, yɛ gulɔ kítí ɲɔ̨nwɔ̨ɔ̨ tee nuą yəi.

Azaya 7:4

ə́ mo mą, yɛ mą: «‹Ə́ líí laa yɛ́, hvo ɲɔw, ə́ líi hvo kulɔ yɛ́ gwɛi kpuwɔ hveelɛi ŋɛ̨i di mɛ̨i lulu kaa kulɔi mąą mɛ̨nį ɓa; diɛ ɓaa, Aramə tɔɔmun Resin da Remaliahu lon di wɔ liiholi kɛnɛ̨ɛ̨i.

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Zakari 1:17

'Mɛ̨nįi ɲɛ̨i noloɓo, yɛ́ diɛ: Yai-Laa Mɛ̨nį Kəlee ŋą Hééɓomun, woo ka: Nwɔ́ taaɠaai kaa pai kɛi nwunnąnɛ̨ɛ̨ hu. Yai-Laa kaa pai pənəi ə Siɔn liilaa; Ə pənə nwɔ̨nɔ̨, ə Ɉerusalɛmə kɛ a nwɔ taa.»

Zakari 2:12

Yai-Laa Mɛ̨nį Kəlee ŋą Hééɓomun woo li, Ya ɓə dɔ́ɔ́ a nwɔ heeɓolaa, nɔiɠaai tii too ka mɛ̨i di mąą mɛ̨nį ɓa. Nui lɔpee a tunwɔ̨n kaa, aa tunwɔ̨n ɲɛ̨́ilon ma.

Markə 1:25

Jesus ə haŋą ɲinɛ̨n tii ɓa kpɔ kɛnɛ̨, yɛ mą: «'Ə mɛ̨i haa, ə́ həɠə nui ŋɛ̨i pulu.»

Markə 9:25

Jesus ə nu kpulu kaa diɛ pa mą, ə haŋą ɲįnɛ̨n tii ɓa, yɛ mą: «'Ɲįnɛ̨n! Yɛ́i ə kaa nokoloi ŋɛ̨i pulu, hva gɛ hvo hvaa, hvo mɛ̨nį mɛ̨n, gɛ́ ə həɠə bulu. 'Hvo kpɔ kɛa pənə hvo hvilɛn bulu.»

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»

Lukə 4:35

Jesus ə haŋą kpɔ ɲį́nɛ̨n tii ɓa a nwanąąi, yɛ mą: «Ə́ laa pilɛ, ə́ həɠə nui ŋɛ̨i pulu!» Ɲinɛ̨n tii ə ɉulɔnui tii hu kpɛlin, ə doo nu kəlee ɲɛ̨i ɓa, kɛlaa, hvo nąą ta kɛ mą; ə həɠə bulu.

Lukə 9:42

Yii kɛa nokoloi tii mąą ə kpuɔ Jesus ɓa, ɲįnɛ̨n ə nokoloi tii hu kpɛlin kpɔ a nwąną lɔɔ pələ. Kɛlaa, Jesus ə haŋą ɲįnɛ̨n tii ɓa a nwala-walaa, ə gbɛ nokoloi tii pulu, gɔlɔi ə pono, ə dɛɛ nąn bɔ.

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Lomaŋ 8:33

Nuąi Ə di həɠə ɉu, gbɛɛ ɓə a pɛli hɔn moi? Mąą nu hvo mą. Yálá ɓə di kɛ a tələnmo nuą.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Zûu 1:23

'Ka di kulɔ nwɔ̨n ɉu, di ɓalo. 'Ka ɲɔw daɠaa diɛ, ka di ɲɛ̨imąąwɛli kaa; di kwaną həɠəɠaai di kɔ́lɔ a mąąliɓi ka nwɛli kpɛɛ kaa.

Zûu 1:9

Bələi mąn kpɛli malakaɠaa nwun nąmu Mikaɛlə kaa la, hvo kɛ woo ɲɔ̨n mo li nąnį ɓa, ɓɛlɔwai da yaa di kɛi hɛa too la Moisə powa mɛ̨i. Hvo kɛ nalan ni, kɛlaa, ə kɛ mą: «Námu Yálá ɓə pai ə́ hutɔɔi.»

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»