Zakari 2:1 - Yálá laawoo hɛɓɛ (dc)

¹ Ŋą́ ɲɛ̨́i muhəɠə, ŋį́ huwɔ mįnɛ̨ nąąn gaa,

Yálá laawoo hɛɓɛ

¹ Ŋą́ ɲɛ̨́i muhəɠə, ŋį́ huwɔ mįnɛ̨ nąąn gaa,

Bible

¹ Ŋá nalôŋ tɔ̀nɔ kàa ŋázĩ̂ai su sɛŋ-kɔ̂ɔŋ-ɣɛli kɛ́ ƃɔ̀ ǹyêei.

Zakari 2:1 Iomraidhean Croise

Azaya 54:16

Ə́ kili ə kɛ ɉu yɛ́, ɲą́ą́ ɓə yɛlɛ kɛ mun gulɔ, yai tii a kɛ hulɔ nwɔ̨n ɉeei, ɛlɛɛ, yɛ kwɛli hɛn bɛli, gɛ kóló ə ɓo mą; ɲą́ą́ lɔ ɓə nwɔ̨nɔ̨ ŋį́ kɛɛ kalamun gulɔ, kɛɛ kala mɛ̨nį pɛ̨ɛ̨ nwuɔ̨.

Ɉeremi 31:39

Da yɛli haŋą nwɔ̨nɔ̨ ə həli Garɛvə ɲee kpu kpu ɓa, yili pulu, di ɉaŋą a Goa pələ.

Ɉeremi 48:25

Hvaŋa lɔpee hvo kɛa Moabə hu, daa ɲee yali. Yai-Laa woo li.

Izikiɛ 40:3

Ə li a ɲą́ą́ gɛɛnąąi tii, ŋą́ nu ta kaa laa, gɛ pələ ə kɛ yɛ ɓala kwɛli; hɛn da ə kɛ ɲəi yɛ gɔtɔyɛli, da hɛn gɔɔn nwulu kpiɛn. Ə kɛ tɔɔni bɛlɛ́ laaləi.

Izikiɛ 40:5

Ŋą́ bɛlɛ́ nwąną ɲɛnɛ̨ɛ̨ pələ kaa, ə Yálá hee pɛlɛ́ mąątínɛ̨n ə doo gee hu. Wulu kpiɛn ə kɛ nui tii yəi hɛn gɔɔn mɛ̨nį ɓa; gwɛa kɛ a yee tɔɔɉu mɛ̨ida, da nu yee ɓa ŋą tɔ̨nɔ̨. Ə bɛlɛ́ kɔ́ɔn a nwulu kpiɛn dɔ̨nɔ̨, ə gwɛa pələ kɔ́ɔn a nwulu kpiɛn dɔ̨nɔ̨.

Izikiɛ 47:3

Ɉulənui ə kulɔ ɲɛ̨i hąŋąnŋąą voló ɓɛlai pələ, mąnįngɔw ə ɓo ɲəi; ə yee tɔɔɉu waa tɔ̨nɔ̨ kɔ́ɔn; yɛ mą́ą́: 'Ɲá teen! Ɲá ə kɛi ɉón a gɔ́wɔ́ kwąną.

Izikiɛ 47:4

Ə yee tɔɔɉu waa tɔ̨nɔ̨ kɔ́ɔn nwɔ̨nɔ̨; yɛ mą́ą́: 'Ɲá teen! Ɲá ə kɛi həli nwúngbə la; yili pulu ə yee tɔɔɉu waa tɔ̨nɔ̨ kɔ́ɔn; yɛ mą́ą́: 'Ɲá teen! Ɲá ə kɛi həli nə́ŋəi.

Danîa 7:7

Yili pulu, ɉįi tɔ̨nɔ̨i tii hu, ŋą́ ɉuwɔ naa gɛɛ naa kaa, maa ɲɔwɔ kpɔ kɛnɛ̨, ɉuwalawalaa ɲee tɛɛ mɛlaa diɛ, ɲin ə kɛ a kwɛli, gbɛa-kpɛa, ə kɛi naa mįi, yɛ hɛnŋaa huwɔɔ, yiiɠaai lɛɛ, ə tɛ gəlee mɛ̨i. Nwɔ kɛ pələi kulaa kɛ, mɛlaa haaɓai tii di wɛi mu, mįnɛ̨ yɛ ɓo nwuɔ̨ pow.

Zakari 1:16

«Yili ɓə gɛi, Yai-Laa yɛ kɛ diɛ: Gáá pənəi gɛ́ pa Ɉerusalɛmə pɔ a ɲɛ̨imąąwɛli kaa pələ. Nwɔ́ pɛlɛ́i a pənə ə tɔɔ laa, Yai-Laa Mɛ̨nį Kəlee ŋą Hééɓomun, woo li. Di kaa pai Ɉerusalɛmə kɔ́ɔn ɉi a mąąlən gɔw.

M̀ɛni-lɛɛi 11:1

Ya ɓə di hveen gbaɠa ta tɛɛ bɔ́, yɛ ɓo yɛ hɛnŋaa dɔɔ ɉu kɔɔn ɉɛn, ɛlɛɛ, diɛ mą́ą́: «'Ə́ muhəɠə ə́ li, ə́ Yálá hee pɛlɛ́ koloon ɉu kɔɔn, ɛlɛɛ, ɉaláá kulɔi, ɛlɛɛ, da nuąi da kwɛli hvilɛn nąą.

M̀ɛni-lɛɛi 21:15

Nui tii kɛli bələ ɓo mą́ą́, hɛnŋaa kɔɔn ɉɛn ə kɛ ɲee ɲą, yɛ ɓo a hɛni hveen gbaɠa, yii ə kɛli pa daa-lee tii kɔɔn ɉii la, bɛlɛ́ laaləiɠaa, da ɉįi nwąnąɠaa.