Woolaa 4:9 - Yálá laawoo hɛɓɛ (dc)

⁹ Nuąi ɓɔwa ə di paa, di wɛi hviɛla aa ɓo, aa tɛɛ nuąi pulu aa di paa diɛ; di nwun na yɛ pili kɔ̨nɔ̨n bulu kolo ɓa.

Yálá laawoo hɛɓɛ

⁹ Nuąi ɓɔwa ə di paa, di wɛi hviɛla aa ɓo, aa tɛɛ nuąi pulu aa di paa diɛ; di nwun na yɛ pili kɔ̨nɔ̨n bulu kolo ɓa.

Bible

⁹ Diai dí dípàa a ƃóa-sɔkpɔ-ŋai, dímaa nɛ̃ɛ̂i é tɛ́ɛ diai dîa puru ŋánaa è dípàai. Dílɛ̂wo é kɛ̀ kpɛɛ̂i díkponôi, mii-sɛŋ da fé naa dí mii.

Woolaa 4:9 Iomraidhean Croise

Tɔɔɓɛlaa veelɛ 25:3

Ɲąnin nwɔ hvóló mɛ̨inąąn ɲələ, pulu aa kpɔlu kɛa kɛ daa kwəi, kɔ̨nɔ̨n və kɛa kɛ nuą yəi,

Lɛɛ gbɔwɔ ɓa 16:3

Israɛlə lonnii diɛ diɛ: «Yai-Laa ə li kpɛli kɛ ku paa Eziptə lɔi hu, ɓɛlɔwai ku kɛ la heeni ləɠiɠaa kwɛlɛ, naahvɛɛ a huwɔ, kuɔ kɔ̨nɔ̨n mįi a ku liiɓa! Ka pa a kuɔ nɔi pun ŋɛ̨i hu, nu kpului ŋɛ̨i kəlee haa mɛ̨nį ɓa a pulu!»

Azaya 22:2

Kaa daa kwəi tin gulɔ lɔ, nu kəlee yɛ gɛ lɔ ɲɛnɛ̨ɛ̨ ɉuwu-ɉuwu, daa kəlee ə ɓo kwəinɛ̨ɛ̨ hu, lə ɓə kɛ? Ə́ wɔ nuąi daa haa, di hvo haa li a kɔ-kɔ-ɓɔwa laa pɔɔ, di hvo di paa li kɔ́ hu.

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Izikiɛ 24:23

Ka wɔ ɓɔlɔɠaai da kɛ ka nwuɔ̨, ka wɔ kɔ́lɔɠaai di ɓo ka kɔ́wɔ ŋą, ka hvo pai túwɔi yɛ haa a too kaa; ka hvo pai wɔlɔi, kɛlaa ka káá pai kpalai ka wɔ nɛ̨ŋɛ̨nŋaai mąą mɛ̨nį ɓa, kaa ɲiŋɛ ka kee ni mąą mɛ̨nį ɓa.

Izikiɛ 33:10

«'Ə́ wəli tɔɔ, hulɔnu lon, 'mo Israɛlə nwɔ pɛlɛ́i ɓa, yɛ́ mą: Ka kɛ kɛi diɛ; ku wɔ nɛ̨ŋɛ̨nŋaa da ku wɔ kulɔ nwoo mu laa kaa ku nwuɔ̨ yili mąą mɛ̨nį ka ŋɛ̨i ku kaa luwun ɉii la, ku kaa pai ɓalo pələ kɛi ləi?

Izikiɛ 4:16

Yɛ mą́ą́: «Hulɔnu lon, kɔ̨nɔ̨n nuą daa ɉee di yee pulu Ɉerusalɛmə, gáá pai gəlee kpɛɛi laa; di kaa pai lɛɠɛ kɔ́ɔn ɉi a lii hɛlɛn, diɛ mįi; diɛ ya kɔ́ɔn a ɲɔw kɛnɛ̨, diɛ gbələ.

Izikiɛ 7:15

Gɔ kɔ́ ɓɔwa kaa pai kɛi bələ mɛ̨i, ɲɔ̨n da pulu di ɓo bɛlɛ́n bələ. Nui yɛa, gaa pai haai a kɔ́ kɔ́ ɓɔwa laa pɔɔ; nui tai, pulu da ɲɔ̨n mə pai ɉu kalai.

Levetekɔ 26:39

Nuąi pai kulɔi ɉu ka lɔwai, di kaa pai kulɔi di wului, di yowoɠaa di wɔ lɔi hu, di wɔ nɛ̨ŋɛ̨nŋąąi mąą mɛ̨nį ɓa, kɛlaa di nąnni di wɔ nɛ̨ŋɛ̨nŋąąi da di kpɔwɔ nɛ̨ŋɛ̨nŋąą ɓə pai di kulɔi di wului.

Dutɛrɔnome 28:51

Diɛ ɓə pai ka wɔ taatɛlɛɛɠaa lonnii mįi, da ka wɔ hihɛnŋąąi ɓá; ə lɛɛ ɉu ka huwu ə pu, di hvo pai ka wɔ mɔ̨nun ta lɛɛi ka yəi, ə mą kɛ da lɔɔ nįnɛ̨, da nwulɔ, da ka wɔ nįŋɛ̨ koonɛ̨aɠaa, da ka wɔ ɓɛlaa kɔ̨nwɔ̨leeɠaa, ə lɛɛ ɉu di ka kpɛɛ nɔi.