Woolaa 4:3 - Yálá laawoo hɛɓɛ (dc)

³ Pələi mąn lɔwɔ huwɔ kaa la, non mąą liihlɛn gaa mą, yɛ ɲįnį tɔɔ non na. Kɛlaa nwɔ́ nuą kaa yɛ kɔ̨nwɔ̨lee yii non mąą liihlɛn və mą. Yɛ bələi hɔ̨nwɔ̨gɔlɔn gaa la lɔi pun ɉu.

Yálá laawoo hɛɓɛ

³ Pələi mąn lɔwɔ huwɔ kaa la, non mąą liihlɛn gaa mą, yɛ ɲįnį tɔɔ non na. Kɛlaa nwɔ́ nuą kaa yɛ kɔ̨nwɔ̨lee yii non mąą liihlɛn və mą. Yɛ bələi hɔ̨nwɔ̨gɔlɔn gaa la lɔi pun ɉu.

Bible

³ Lɔɔ-ɣîla-ŋa kpîŋ da ŋíni tɛ̀ɛ dílônii pɔ́. Kɛ́lɛ ŋánûai díkaa yɛ̂ɛ dua-too ŋɔ̂ni nyii gáa vɛ̃ɛ-kpâlaŋ sui. Dífe kpáani dílônii mɛni ma.

Woolaa 4:3 Iomraidhean Croise

Tɔɔɓɛlaa dɔlɔɔ 3:21

Yələɓɔɔ, ŋą́ muhəɠə, gɛ́ kɛ ŋą́ ɲįnį tɔɔ nón na, yɛ ɓo kɛa a bowa. Kɛɛ huponoɔ kɛa, ŋį́ mąąkpɛɛ, hvo kɛ a nón tii ŋį́ gaa.»

Azaya 13:22

Hvuluɠaa diɛ di kee woo mu hon, tɔɔ pɛlɛ́ɠaa mu, kwɛliɠaa di ɓo nu kpɛa-kpɛaaɠaa di wɔ pɛlɛ́ lɛlɛɛɠaai mu, nąąlɔwai kaa lɛɠɛi, Babilonə nwɔ hvóló tii hu hvo kɛa kwɛa li.

Azaya 34:13

Ɲąąlən gaa pai ɓɔn ɉii daaɠaa hu, tɛ̨ɛ̨tɛ̨ɛ̨ da didi-hɔ̨ɔ̨-hɔ̨ɔ̨ diɛ tiliin daa mąąkpɛ pɛlɛ́ɠaa mu, nąą a lɛɛ a goɓəɠaa pɛlɛi, haɉaliɠaa diɛ pɛlɛ laa.

Azaya 49:15

Nɛ̨ɛ̨nu a mɔ̨ɔ̨ pɛli lɛ̨ąi non dala ɓa? A mɔ̨ɔ̨ pɛli kpɛlai gwəi lon nwɛlila kɛɛ ɓa? Ə mą kɛ kɛ nɛ̨ąą da pɛli kɛ lɛ̨ąi, nwɛ́i və́ pai lɛ̨ąi yɛ́!

Ɉeremi 19:9

Ŋą́ di lon ɉinąą da di lon nɛ̨ąą huwɔ lɔ di la, diɛ di kee mįi. Di yowoɠaa ŋɛ̨i di hvilɛn ŋąą di wɔ yɛnɛ̨ɛ̨ pulu, mąąwɛli mɛ̨nįi da liikələn gwəi, di kaa pai naai Ɉuda da Ɉerusalɛmə taa diɛ, a hee di hu.

Woolaa 2:20

Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Woolaa 4:10

Kɔnwɔleeɠaa, di lii nɛ̨ɛ̨ di kwəi, kɔ̨nɔ̨n bulu kolo ɓa, diɛ di wɛlikɛmąą lonnii yili diɛ mįi; di lonnii ɓə kɛ a di kɔ̨nɔ̨n mɔ̨nɔ̨ kɛnɛ̨i tii hu; Mąąhɔlɔɓo, nwɔ́ nu huwui, a kpɛla lɛlɛɛi, ɉu aa kala.

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Levetekɔ 26:29

Ka káá pai kɛi ka lonnii hinąą da ka lonnii nɛ̨ą mįi.

Lomaŋ 1:31

Kiliŋąhiɛ hvo diɛ, di hva kulɔ di woo ɓa, yii da mo, di hva gɛ, di kili wala-walaa, ɛlɛɛ, di hva nu ta ɲɛ̨i mąą wɛli kaa.