Woolaa 4:22 - Yálá laawoo hɛɓɛ (dc)

²² Siɔn nɛ̨ɛ̨kpɛla, ə́ wɔ hɔn ɲɔ̨n, aa kpɛɛ, di hvo kɛa pai ə́ həɠəi ə́ heei. Edɔmə hee ɓo nuą, ka wɔ hɔn mə Yai-Laa kaa pai ɉutɔɔi, ə́ kɛ nɛ̨ŋɛ̨n mə gaa pai kulɔi pono ɲą.

Yálá laawoo hɛɓɛ

²² Siɔn nɛ̨ɛ̨kpɛla, ə́ wɔ hɔn ɲɔ̨n, aa kpɛɛ, di hvo kɛa pai ə́ həɠəi ə́ heei. Edɔmə hee ɓo nuą, ka wɔ hɔn mə Yai-Laa kaa pai ɉutɔɔi, ə́ kɛ nɛ̨ŋɛ̨n mə gaa pai kulɔi pono ɲą.

Bible

²² Óo Zãiyɔŋ-ƃela, kâa nâa kásɔnyɔ̂ŋ fela fêi kɛ́. Káfe ŋɔ́nɔ pâi kɛ̂i luɛ lâa su a zu kôyaa. Kɛ́lɛ à kɛ̀ a káa óo Idɔŋ-ƃela, Yâwɛɛ a pâi ká kula maa kɛ̂i. Ká mɛni nyɔ́mɔɔ-ŋai a too pono ŋá.

Woolaa 4:22 Iomraidhean Croise

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Ɉeremi 32:40

Kwa diɛni kwa mįnɛ̨ həɠə, vá kpɛla nwɔ́ mɛ̨inɛ̨ɛ̨ kɛi diɛ. Ɛlɛɛ, ŋą́ gɛ, diɛ mą́ą́wiɛ a di kwəi tɔ̨nɔ̨ mɛ̨i. Di hva kɛa di mąą kwɛa mą́ą́ a yələ ta.

Ɉeremi 33:7

Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Ɉeremi 33:8

Mɛ̨nį ɲɔ̨nwɔ̨ɔ̨ɠaai kpɔ di gɛ mą́ą́ a di hɔn, gɛ́ gəlee waa diɛ. Nɛŋɛ̨nŋaai di ɉəɠə mą́ą́ a di hɔn, gɛ gəlee lɛɛ diɛ a kpɛli.

Ɉeremi 49:10

Ɲą́ą́ gbinįi ɓə pai Esau kpuwulu ɓoi, nwɔ hɛn gɔwɠaai aa di loo, gɛ́ di kulɔ di loo pələi. Hva pɛli nooi. Ɉuwuhu, gaayɔwɔɠaa, gwɛlɛ nuą, da gəlee hukala. Ɛlɛɛ, nu hva hɔlɔɓo, yɛ kɛ mą:

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Izikiɛ 37:28

Bələ ɓə hįį lɔi takpɛliɠaa da gili kɔ́lɔn na, diɛ kɛ ɲą́ą́ ɓə gáá a Yai-Laa, yai a Israɛlə kɛ a hɛn mąąhəɠɛɛ; a ɲələi gáá pai nwɔ́ pɛlɛ́ mąąhəɠɛɛi tɔɔi la di lɔwai, yɛ lɛɛ laa a yələ kəlee.»

Izikiɛ 6:12

Nui kwɛala gaa pai haai a lɔi kala ɲɔ̨n; nui kpuɔla, gaa pai tooi a kɔ́ kɔ́ ɓɔwa laa pɔɔ; ɛlɛɛ, gbəlii ti, a diɛi ti di pai gɔ́ heei diɛ, di kpəli a haa a pulu. Gáá pai nwą́ną́ kulɔi diɛ, vá gbɛla bələi.

Abdiasə 1:10

Edɔmə nuą, ka kaayɔwɔɠaa ŋɛ̨i a Ɉakɔbə huwuhu nuą, kaa ɓə di mąą kpoloon, kaa daɠaa paa. Yili ɓa, nwumɛ̨ kaa pai tɛi a kaa, ka laa hvo kɛa pai lɛɛi lɔi mɛ̨i

Malasi 1:3

ɛlɛɛ, ɲee ɓa lɔiɠaa ŋɛ̨i Edɔmə nuą kaa heeni ɉu, ŋą́ di kpɛ laa, kilitɔɔmąą hvo kɛa laa, ŋą́ą́ di wɔ lɔi kwɛlɛ nɔi pun ɉu lɔwɔ-yilɛɠaa diɛ.

Malasi 1:4

Nuą tii da pɛli di mo, diɛ mą: ‹Daa ku hee taaɠaa wolo kpɛli tii, ku kaa pənəi ku dɔ.› Ɲą́ą́ Yai-Laa Mɛ̨nį Kəlee ŋą Hééɓomun, nwóó li, gɛ́ diɛ: Da pənə da nąą tɔɔi, ŋą́ di kɛ kólo hu kala; ɛlɛɛ, laai da ɉee diɛ, ya ka, da kɛ diɛ: ‹Lɔi mɛ̨nį ɲɔ̨n gaa ɉu›, diɛ nwɔ̨nɔ̨ mą: ‹Lɔi Yálá nwɔ liiholi kaa mɛ̨i a yələ kəlee.›