Woolaa 4:20 - Yálá laawoo hɛɓɛ (dc)

²⁰ Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Yálá laawoo hɛɓɛ

²⁰ Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Bible

²⁰ Dí kúkâloŋ sôŋ nyii Yâwɛɛ è nɛ̀i, nyii kúkili è kɛ̀ ma a gɛɛ é kú maa kɔ̃ɔ kú kpɔara-ƃelai yêei.

Woolaa 4:20 Iomraidhean Croise

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Zɛnɛse 44:30

«Yii hu kɛa ŋɛ̨i, ną́n, nwɔ́ mɛ̨nį nąmu, ŋą pɛli búlu pənəi ləi, gɛ́ li ną́n bɔ, akɛ, nokoloi ŋɛ̨i a wala lɛɛ ku pɔ kwa diɛni ku hvə li? Ną́n ɲii hvóló kəlee laai lɔ nokoloi ŋɛ̨i mɛ̨i.

Samia Veerɛi 1:14

Davidə yɛ mą: «Ə́ həɠə ləi yaai, hvo ɲɔw li, yɛ́ li ə́ yee pɛlɛi nui Yai-Laa ə dɔɔ wulɔ hiɛ mą, yɛ́ baa?»

Samia Veerɛi 1:21

Gilboa yeeɠaa, ka hvo kɛa tulɔ hɔlɔɓo, ə mą kɛ luwuluwu; tíi hvo kɛa lɛlɛ ka mɛ̨i. Mąąhɔlɔɓo, naa ɓə gɔ́kulááɠaa di wɔ hə́mə ɓɛlɛ ə kpɛɛ laa mą. Saulə nwɔ hə́məi tii, yai mąą hvo kɛ tii li a wulɔ,

Samia Veerɛi 18:3

Nuą diɛ mą: «Mąą hvo nɛ̨ɛ̨li hvo li gɔ́ mɛ̨i, mąąhɔlɔɓo, kwa pu, yili hvo pai ku yowoɠaa lii kulɔi diɛ, ə ma kpɛli kɛ daa ku kpulu bələ tɔ̨nɔ̨ paa, yili hva kpɛli kɛ di ɲɛ̨i ɓa a mɛ̨nį ta. Kɛlaa, yɛ́ tɔ̨nɔ̨ gbən, ə́ mąąnɛ̨ɛ̨ ə lɛɛ ɓɛ daai, ə gɛ bələi a kɛ la, ə́ nuą tɔɔ di pa di ku yee kɔ́w kɛ ɉu.»

Samia Veerɛi 19:21

Mąąhɔlɔɓo, ə́ wɔ luwɔ kili kaa ɉu, aa nɛ̨ŋɛ̨n ɉəɠə. Kɛlaa, háákələi ŋɛ̨i, ŋą́ą́ tɔɔ Ɉosɛfə yəi bɛlɛ́n nuą ɲɛ̨i tɔwɔ, ə gɛ, ku pa, ku nwɔ́ mɛ̨nį nąmu laakwiɛn.»

Kɔlɔnikɔ Veerɛi 35:25

Ɉeremi ə wələ ta pɛli, ə doo Ɉosiasə mɛ̨i. Nwələ too hinąą da nwələ too nɛ̨ąą di Ɉosiasə laa too a wələ di wɔɔ wələ woo hu, háá ɓaa háá, yili ə lɔ Israɛlə nuą yii pələ hu. Di nwələɠaa tii too mąąwɛli wələɠaa lɔwai.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Ɉeremi 39:5

Kɛlaa, Kalde kɔ́kulááɠaa di hvilɛn di pulu, di Sedesiasə hon Ɉeriko yɛɛkɔwɔ hu, də li la Rivla, Hamatə lɔi hu, Babilonə tɔɔmun Nabukodonosorə pɔ. Yili ə giti tee.

Ɉeremi 52:8

Kalde kɔ́kulááɠaa di hvilɛn tɔɔmun Sedesiasə pulu, di ɉon Ɉeriko yɛɛ kɔwɔ hu, nwɔ kɔ́kulááɠaa kəlee daa kɛ taɠa, daa nɛɛ gbɔwɔ ɓa.

Ɉeremi 52:9

Kalde kɔ́kulááɠaa di Sedesiasə hon, di tɛ la Rivla daai, Hamatə lɔi hu, Babilonə tɔɔmun bɔ, yili ə Sedesiasə kiti tee.

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Izikiɛ 12:13

Gáá pai hɛlɛn dɛi dɔwɔ, gaa pai kɔ́i a nwɔ́ hɛlɛn; gáá pai lííla Babilonə, Kalde lɔi hu. Gaa pai haai nɔi tii hu, ɛlɛɛ yaan hva kɛa pənə hvo ɲɛ̨i tɔɔi mą.

Izikiɛ 17:18

Ə nwoo lɛɛ a mįnɛ̨ həɠə-woo hu kalai ə mo, yá pa, ə ɲee hee kpɔ mu; kɛlaa ə gɛɛ kala mɛ̨nįɠaai ti kəlee kɛ; yili ɉu hva pɛli kɛ nɛ̨ɛ̨i mą.

Izikiɛ 31:17

diɛ kpɛli mąn, da diɛ ni ɓə yɛɛ ɲąmuątaa, nuąi tii mowa kwɛa ə di paa, di pɔ. Diɛ ɓə kɛ a ɲeeɠaa, di ɓo a nįnįn lɔiɠaa lɔwai.

Danîa 4:12

Kɛlaa, ka nwun gbə lɛɛ laa da ɉamuɠaa, Ka di kpulɔn a kwɛli yɔwɔn, da ɓala kwɛli yɔwɔn, ka di kpulɔn lɔwɔi, kala hu, ə gɛ, luwuluwu tulɔ ə pu mą, da lɔwɔi huwɔɠaa di kɔ̨nɔ̨n ə kɛ a kala nwunu.

Osia 13:10

Ə́ wɔ tɔɔmun gaa mį, ə ə́ ɓalo ə́ wɔ taaɠaai kəlee hu, ə́ nwun mąąɓo nuą, a diɛi ə́ kɛli kɛ diɛ: «Tɔɔmun dɛɛ bɔ́ da ɲɛ̨itɔwɔ nuą»?

Nwun mąąɓo 9:15

«Ɲąąlən gbɔlɔ yɛ wuluɠaa diɛ: ‹Akɛ ka káá bɔ ka ɉéé a ka wɔ tɔɔmun, ka pa ka lɔ nínín mu; a wala kɛ tii, nwɔ̨n da kaa pai kulɔi ɲąąlən gbɔlɔ hu, yii gaa pai Liban kpitiliɠaa kələn ɉii.›

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Samuɛlə dɔlɔɔ 12:5

Samuɛlə yɛ diɛ: «Yai-Laa ɓə a ka gu lɔwai kɛla; da nui ə ɉee a tɔɔmun, háákələi, ka hvo hɛn da kaa li ɲə́i.» Di kəlee diɛ mą: «Ya kpɔ ɓə a gɛla.»

Samuɛlə dɔlɔɔ 16:6

Ɓɛlɔwai yililɠaa di kɛi paa la, Samuɛlə ə Eliavə kaa, ə mo gwəi pələ yɛ mą: «Nui Yai-Laa aa ɉəɠə, ya ka ŋɛ̨i kiɛ.»

Samuɛlə dɔlɔɔ 24:10

Yɛ Saulə ɓa: «Lə mɛ̨nį ɓa nuąi da kɛ kɛi yɛ́: ‹Davidə kaa ə́ kwɛlii a mɛ̨nį ɲɔ̨n, ɛlɛɛ,› yɛ́n, ə́ wəli tɔɔ di woo ɓa?

Samuɛlə dɔlɔɔ 24:6

Kɛlaa, yili pulu, Davidə lii ə kulɔ ma, mąąhɔlɔɓo, aa kɛ Saulə nwɔ həɠəi ta tee mą.

Samuɛlə dɔlɔɔ 26:16

Mɛ̨nįi tii yáá gɛ, hvo lɛlɛ li. Yɛ bələi Yai-Laa kaa la a vulú, mąąnɛ̨ɛ̨ kɛ di ka kəlee ka paa, mąąhɔlɔɓo, ka hvo ka ɲɛ̨i kɛ li ka wɔ tɔɔmun ma, yai Yai-Laa aa dɔɔ wulɔ hiɛ mą. Naa kaa tai, tɔɔmun nwɔ kpalai da nwɔ ya pu hɛn di kaa mį?»

Samuɛlə dɔlɔɔ 26:9

Davidə yɛ Avisai ɓa: «Hvo baa. Nui Yai-Laa ə tɔɔ wulɔ lɔ mą, gbɛɛ ɓə a pɛli ɲee tunwɔ̨n ɉii mą, nu a yili kɛ, hvo kɛ li di mąą nu hutɔɔ.»