Woolaa 4:16 - Yálá laawoo hɛɓɛ (dc)

¹⁶ Yai-Laa yaa kpįnįi ɓə di hu taɠa taɠa, hvo kpɛli kɛa bɔ, hvo di kaa a ɲɛ̨ikɔw. Haláá laa həli nuą ɓɛlɛ hvo kɛa ku kwəi, ku hvo kɛa galanɉonŋaa pɔ.

Yálá laawoo hɛɓɛ

¹⁶ Yai-Laa yaa kpįnįi ɓə di hu taɠa taɠa, hvo kpɛli kɛa bɔ, hvo di kaa a ɲɛ̨ikɔw. Haláá laa həli nuą ɓɛlɛ hvo kɛa ku kwəi, ku hvo kɛa galanɉonŋaa pɔ.

Bible

¹⁶ Yâwɛɛ ǹyaa kpîŋ è dítàa-tàa, vé ŋɔ́nɔ kɛ́ ní a gbaaŋɔɔ dí ta mɛni ma. Ŋumɛ mâa fé kɛ́ ní ŋɔ́nɔ naa zâla láa soŋ-ƃelai mɛni ma, kpaa máŋ dínuu pɔ̂lɔ-ŋai.

Woolaa 4:16 Iomraidhean Croise

Zɛnɛse 49:7

Di wɔ liiholi yee ɉaɉaa mą, nɛ̨ŋɛ̨naa ɓə, ə mą kɛ di wɔ liikələn gwəi laa. Gáá di hukwɛlɛi Ɉakɔbə lonnii lɔwai, Ŋą́ di hu taɠa taɠa Israɛlə nąą kəlee.

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Mąątɛ̨nɛ̨ 106:27

Yɛ di hu taɠa taɠa lɔiɠaa hu, yɛ di hu kala lɔi takpɛliɠaa hu.

Mąątɛ̨nɛ̨ 106:44

Ə di wɔ mɔ̨nɔ̨i kaa, a ɓɛlɔwai ə di tómą woo mąn na.

Azaya 24:2

Ɉaláá laa həli nuą, da nɔi lonnii, luwɔ nąmu, da nwɔ luwɔi, luwɔ leenɛ̨ą, da nwɔ luwɔ nɛ̨ɛ̨nu, lɔwɔtɔɔmun, da lɔwɔtíɲɛ̨ yamun, hiɲɛ̨n gɛmun, da hɛn nąmu, kwələ tɔɔmun, da kwələ həɠəmun.

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Ɉeremi 15:4

Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 52:24

Dɔɔmun mąąkpɛɛ kulaa nwun nąmu ə ɉaláá laa həli mun Seraya hon, da Sefania yai kɛ a ɉaláá laa həli mun, da nu haaɓai di ɲɛ̨i ə kɛ Yálá hee pɛlɛ́ ɓa.

Woolaa 2:20

Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Woolaa 2:6

Aa nɔw yɛa da gələ di kala, ɓɛi kwa ku kee kaa laa bɛlɛ́ mąąhəɠɛɛ mu, aa nąą wolo. Yai-Laa aa hɛli mɛ̨ni da túwɔ́ yələ mąą mɛ̨ni pili ɉu Siɔn, nwɔ liiholi hu kɛnɛ̨ pələ, aa dɔɔɓɛlaa da ɉaláá laa həli nuą ɓɛlɛ too.

Woolaa 5:12

Daa galanɉonŋaa hɛlɛn di hvo kpɛli ɓɛlɛ kɛ li ɉulɔgoloɠaa diɛ.

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Dutɛrɔnome 32:26

Ɲą́ą́ ɓə mo; gáá di hu teeteei a gbuwɔ kpuwɔ, gáá di laa kpɛɛi nuą lɔwai.

Hebreu 8:9

Yili hvo pai kɛi yɛ bələi ə kɛ la kwa di nąnni ku lɔwai, a ɲələi ŋą́ di hon na a di yee, gɛ́ di kulɔ Eziptə lɔi hu, mąąhɔlɔɓo, diɛi tii, di hvo lɛɛ di woo pulu, Ɲą́ą́n, ŋą́ ɓo di yee ɓa, Ną́mu woo li.