Woolaa 4:11 - Yálá laawoo hɛɓɛ (dc)

¹¹ Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Yálá laawoo hɛɓɛ

¹¹ Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Bible

¹¹ Yâwɛɛ è ǹíi ŋwàna a ŋánaa, é ŋɔŋ tóo Zãiyɔŋ ma, ǹaa é kéreŋ.

Woolaa 4:11 Iomraidhean Croise

Azaya 51:20

Ə́ lonnii kaa puuni kwəli kəlee pɔ, daa kpɔlɔɔn yɛ lómą a kɔ́ a ɓaalə, Yai-Laa nwɔ liiholi, ə́ wɔ Yálái tómą pələ di mɛ̨i, aa di huwolo.

Ɉeremi 13:14

Gáá di nwun nwoloi gee ɓa; lon ɉulɔnu da nąn ŋį́ di wɛi kɛ a gee. Ɲą́ą́ Yai-Laa nwóóli. Və́ pai nui lɔpee ta mąąwɛli kaai, nɛɛmąą hva kulɔ, mąą hvaalɛɛ mɛ̨nį hva kɛ ɉu. Ŋą́ di hu kala.›»

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 21:14

Gáá heei ka hu, yɛ bələi ka wɔ túwɔ́ pələ ɲɔ̨n gaa la. Yai-Laa woo ka, yɛ diɛ: Gáá nwɔ̨n bilii nwɔ wəlai hu, nwɔ̨n ə gwɛlɛ hɛnŋaa kəlee kələn.»

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Woolaa 2:1

Ee kə! Yai-Laa liiɲąnwąną pələ ɓa, aa Siɔn halakpɛla mɛ̨i kpįnį, aa Israɛlə mąąɲįnɛ̨n tɛ yələi aa doo nɔi ɓa. Niiholi pələ, hvo kpɛli gili lɛɛ li gɔwɔ tɔɔ kpəlin ɉu.

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Woolaa 2:3

Nwɔ liiholo hu, aa Israɛlə nwɔ huwalawala hu kala. Ku yowoɠaa kɛɛ pai, hvo gɛ hvo kpɔmąą tɛɛ ku pɔ aa nwɔ̨n doo nwɔ nuą lɔwai aa gwɛlɛ hɛnŋaa kəlee kələn.

Woolaa 2:4

Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Woolaa 2:8

Yai-Laa aa Siɔn lɛlɛɛ mąąkpɛ hįi pu kili tee gwəi; yɛ gaa nąą kəlee kalan ɉi, ə ɉee tin-tin, yɛ hva pɛli ɲee yalii bulu, hvo kɛli a nąą kəlee wolo; aa bɛlɛ́ nwąną hveelɛi kəlee kɛlɛ, aa woolaa too gəlee la.

Woolaa 4:22

Siɔn nɛ̨ɛ̨kpɛla, ə́ wɔ hɔn ɲɔ̨n, aa kpɛɛ, di hvo kɛa pai ə́ həɠəi ə́ heei. Edɔmə hee ɓo nuą, ka wɔ hɔn mə Yai-Laa kaa pai ɉutɔɔi, ə́ kɛ nɛ̨ŋɛ̨n mə gaa pai kulɔi pono ɲą.

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

Izikiɛ 36:18

Ŋą́ nwɔ́ liiholii hee diɛ, ɲąmąi tii di bu nɔi hu, mąą mɛ̨nį ɓa; da ɉaliɠaai di nɔi mąąliɓi la, di mąą mɛ̨nį ɓa.

Izikiɛ 6:12

Nui kwɛala gaa pai haai a lɔi kala ɲɔ̨n; nui kpuɔla, gaa pai tooi a kɔ́ kɔ́ ɓɔwa laa pɔɔ; ɛlɛɛ, gbəlii ti, a diɛi ti di pai gɔ́ heei diɛ, di kpəli a haa a pulu. Gáá pai nwą́ną́ kulɔi diɛ, vá gbɛla bələi.

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Levetekɔ 26:28

ŋą́ tɔɔ ka la a liiholi kɛnɛ̨, ɲą́ą́ gbinįi gɛ́ ka hutɔɔ gee mɛ̨i mɛ̨ihveelɛ, ka wɔ nɛ̨ŋɛ̨nŋąąi mąą mɛ̨nį ɓa.

Sofoni 2:2

Gɛɛ mɛ̨nįi tii hvo pa kulɔ, di ka hutaɠa yɛ dɛ̨ɛ̨ kpalaan, a vóló tɔ̨nɔ̨i tii, gɛɛ Yai-Laa nwɔ liiɲąnwąną hvo yɛɛ a ka nwun, gɛɛ niiɲąnwąną hvólói tii hvo ɓɛla ka mɛ̨i, 'Ka ka nwun dɔɔ, ka ka kɔ́wɔ mąąnikɛ!

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Lukə 21:22

Volóɠaa tii hu ɓə Yálá kaa pai nwąną kulɔi la, əgɛ, mɛ̨nįɠaai Yálá laawoo hɛɓɛ́ ə mo nąą ə hvɛɛ.