Woolaa 2:9 - Yálá laawoo hɛɓɛ (dc)

⁹ Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Yálá laawoo hɛɓɛ

⁹ Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Bible

⁹ Zĩɣaŋ lá kpɔŋ da zɔ́ɔŋ-too-sãai kélee wólo-woloi búɔɔ naa. Ŋɔkâloŋ da ŋɔtíi kɛ́-ƃelai da kɛ́ a luɛ-ŋa lɔii da kpɛ́ni-ŋa su. Dífe ŋɔ́nɔ dɔ̂ŋ lɛ̂i dímɛi káa mɛni ma. Zĩ̂a fa ŋɔ́nɔ tɛ̀ɛ a Yâwɛɛ ŋɔlóno kɛ́-ƃelai a gɛɛ dí ǹá-woo ƃó ǹûai dîa.

Woolaa 2:9 Iomraidhean Croise

Tɔɔɓɛlaa veelɛ 25:7

Di Sedesiasə lonnii hinąą nwun dee di nąn ɲɛ̨i ɓa. Yili pulu, Nabukodonosorə ə Sedesiasə ɲɛ̨i wolo, ə yɔwɔɔn veelɛ kpulɔn mą, ə li la Babilonə.

Kɔlɔnikɔ Veerɛi 15:3

Israɛlə ə lamun, Yálá kpɔ-kpɔ hvo kɛ ɲəi, haláá laa həli mun və kɛ laa yɛ nuą mąąkwɛli, tɔ́n və kɛ laa.

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Mąątɛ̨nɛ̨ 74:9

Ku hvo kɛa ku kɔ́lɔn ɉɛnŋąą kaai, Yálá kwəi mɛ̨nį hu kulɔ mun da hvo kɛa laa, ə lɛɛ, ku ta hvo mɛ̨nįi ŋɛ̨i kpɛɛ yələ kɔ́lɔn.

Azaya 24:12

Mɔ̨nɔ̨ kɛnɛ̨ lɔ ɓə kɛa daa kwəi, daa kpon aa kala, yɛ too.

Ɉeremi 14:14

Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Ɉeremi 23:16

Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Ɉeremi 39:2

Sedesiasə nwɔ tɔɔlaa gwɛlan bow gɔw tanɔ̨n nąą, a ɲąnin nąąn nwɔ hvóló mɛ̨inąąn, di daa mąąkpɛ hįi wolo nąą ta;

Ɉeremi 39:8

Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Ɉeremi 51:30

Babilonə kɔ́kulááɠaa daa lənə gɔ́ ɓa, daa hee so-so, hoŋonŋaa hu, di hvaai aa kpɛɛ di yəi, daa kɛ yɛ nɛ̨ąą, di kaa nwɔ pɛlɛ́ɠaai kələn ɉii. Diɛ nwɔ kponŋaai ɓɛla.

Ɉeremi 52:14

Ɉerusalɛmə taa mąąkpɛɛ hįį nwɛi, Kalde kɔ́kulááɠaa di pu kpɔ nąą kəlee daa ɓa. Dɔɔmun kwɛlɛ kalanɉon tii ɓə di tí la.

Woolaa 1:3

Daa Ɉuda lɔi nwun gulɔ, daa mąąwɛli, daa li la luwɔlaa hu. Gaa kɛa hį́i takpɛliɠaa lɔwai, vįitɔɔi hvó ɲəi! Nuą kɛi gbɛ daa həli mą, ɓɛi bu pələ hvo laa ɲəi.

Woolaa 4:15

Daa kɛi di mąą lɛɠɛ nuą diɛ, nuą diɛ kɛ diɛ: «'Ká tɛ ka pulu! Nuą tii kɔ́hɔɓoɔi, 'ká hvo tunwɔ̨n diɛ.» Di mą kɛ pu, diɛ li ɓɛi di hvo nąą kɔ́lɔn, nąą nuą da kɛ diɛ: «Di hvo kɛ di kaa heei ɓɛ, ku wɔ nwɛ̨ąą hvaa diɛ.»

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Izikiɛ 12:13

Gáá pai hɛlɛn dɛi dɔwɔ, gaa pai kɔ́i a nwɔ́ hɛlɛn; gáá pai lííla Babilonə, Kalde lɔi hu. Gaa pai haai nɔi tii hu, ɛlɛɛ yaan hva kɛa pənə hvo ɲɛ̨i tɔɔi mą.

Izikiɛ 17:20

Gáá nwɔ́ hɛlɛn ɉeei dɔwɔ; gaa pai kɔ́i la. Gɛ́ li la Babilonə, gɛ́ giti tee laa, nwooi ti ə gwɛlɛ mą́ą́, yɛ nɛɛ laa, mąą mɛ̨nį ɓa.

Izikiɛ 7:26

Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Osia 11:6

Kɔ kɔ́ ɓɔwa kaa pai yamąn ɉii di wɔ taaɠaai hu, gaa pai di mąą kɔ̨nwɔ̨ hɛnŋąą pui, yɛ kɛɛ kala, di wɔ nwun dɔɔ ɲɔ̨nwɔ̨ɔ̨ɠaa mąą mɛ̨nį ɓa.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Amɔsə 1:5

Gwɛliɠaa ŋɛ̨i Damasə ɉįi laakpulɔɔ la, gáá pai di hu yalii. Gáá pai Bikeatə-Awɛn hee ɓo nuą nwun na pilii, da Bɛtə-Edɛn tɔɔmun. Yili pulu, Aramə nuą kaa pai li Kirə lɔi hu luwɔlaa hu. Yai-Laa woo li.

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Dutɛrɔnome 28:63

bələi lɔ tii Yai-Laa liiɓa mɛ̨nį ɓaa la kɛ, yɛ kɛ ə ka mɛ̨i kaa, yɛ ka nwun na nɛ̨ɛ̨, yɛ ka huwu ɓɛlɛ, bələ lɔ ɓə, gaa pai ɲɛ̨i heei la kaa yɛ ka kpɛɛ yɛnɛ̨ɛ̨, yɛ ka huwu pu, a gwəinɛ̨ɛ̨; nɔi ŋɛ̨i ka káá lii ɉu kaa hee laa, da ka kulɔ laa a ka nwun.

Samuɛlə dɔlɔɔ 28:6

Saulə ə Yai-Laa mąąnin gɛ, kɛlaa, Yai-Laa hvo nwoo pulu pənə, ə kɛ a hįi pələ, ə ma kpɛli kɛ a ɉaláá laa həli mun, ə kɛ a Yálá kwəi mɛ̨nį hukulɔ mun.