Woolaa 2:19 - Yálá laawoo hɛɓɛ (dc)

¹⁹ 'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Yálá laawoo hɛɓɛ

¹⁹ 'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Bible

¹⁹ Ímu-siɣe a kpíni í wɔ́lɔ mà. Wɔ́lɔ mà a ɣele ƃɔ̂i kpini. Íkili kɛ́ mà í gbera fé. Íyee tɛ́ ɣelei í vɛli ínîa-pɛlɛɛi mɛni ma. Ǹîa-pɛlɛɛi díkaa saâi a puru bere lêe-ŋai ma.

Woolaa 2:19 Iomraidhean Croise

Zôo 3:24

Gɔ́nɔn mąą mɔ̨nɔ̨, nwɔ́ woo laa wooɠaa diɛ tɛɛ yɛ ya lee.

Mąątɛ̨nɛ̨ 119:55

Ŋą́ gíliŋąhiɛ ə́ laa ɓa a kpinį, Yai-Laa, əgɛ, ŋį́ ɲéé kanąn ə́ wɔ tɔn ma.

Mąątɛ̨nɛ̨ 134:2

'Ka ká yee haŋą nwɔ pɛlɛ́i pɔ pələ, 'ka Yai-Laa mąąwiɛ!

Mąątɛ̨nɛ̨ 141:2

Nwɔ́ hvɛli wooi ə kɛ ə́ lííla yɛ lansan, Ɛlɛɛ, ŋą́ ɲééɠaa hąŋąn, ə ɓo yɛ yələ wilii haláá.

Mąątɛ̨nɛ̨ 142:2

Gáá tómąi kpɔ a nwóó kɛnɛ̨ Yai-Laa pɔ pələ, gáá Yai-Laa mąąnɛ̨ɛ̨i a nwóó kɛnɛ̨.

Mąątɛ̨nɛ̨ 142:3

Gáá nwóólaai níila, gɛ́ gbáán mɛ̨nį hukulɔ mą.

Mąątɛ̨nɛ̨ 28:2

Ə́ mąąnɛ̨ɛ̨i gáá moi, ə́ wəli tɔɔ nwóó ɓa, ɓɛlɔwai gáá tomąi la ə́ pɔ pələ, gɛ́ ɲéé tɛ ə́ pɔ pələ, ɓɛi ə́ kaa laa ə́ wɔ pɛlɛ́ mąąhəɠɛɛi mui.

Mąątɛ̨nɛ̨ 42:3

Yálá ə́ mąą pulu aa ɉón, Yɛ́i a Yálá hvulúmąą. Lə yələ ɓə ŋą́ pai lɔi la, gɛ́ tɔɔ Yálá lííla?

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 42:8

Ɓoloon ɉu yá hvuluunɠaa kaa di gee təlii mɛ̨́i, diɛ kɛlɛ di kee hu! Ɲáhvɛɛ yɛ kulɔ gələn ɉu, mɛ̨́i.

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Mąątɛ̨nɛ̨ 63:4

A tɛ̨ą, ə́ wɔ wɛlikɛmąąlaa hviɛla ɓoɔi yɛnɛ̨ɛ̨ ɓa, yili ɓə a gɛ, gɛ́ pa kɛi ə́ laa tɛi la a wələ.

Azaya 26:9

Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Azaya 51:20

Ə́ lonnii kaa puuni kwəli kəlee pɔ, daa kpɔlɔɔn yɛ lómą a kɔ́ a ɓaalə, Yai-Laa nwɔ liiholi, ə́ wɔ Yálái tómą pələ di mɛ̨i, aa di huwolo.

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Ɉeremi 9:20

nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Izikiɛ 5:16

Ɓɛlɔwai gáá pai pulu tɛɛi la kaa, yɛ tonwą ɓaɠaa, a ka nwun na pili tonwąɠaa gáá pai di tɛɛi ka hu kala mɛ̨nį ɓa; gɔ̨nɔ̨nŋąąi ɉəɛ ka yee pulu, ŋį́ gəlee hu kalaɠala.

Mise 1:16

'Ə́ nwun bu, 'ə́ nwun galaan, ə́ wɛlikɛmąą lonnii mąą mɛ̨nį ɓa. 'Ə nwun gbəlaan mo, mąąhɔlɔɓo, daa di kulɔ yɛ́, diɛ li a diɛ kwɛaala luwɔlaa hu.

Nahumə 3:10

Yaa kpɛli mɛ̨n, də li la lɔi takpɛli hu, di ɉon, diɛ li la luwɔlaa hu, di nwɔ lon dalaɠaai diɛ kpɛli di nwun nwolo kwəli hɛ̨ąi kəlee ɓa. Di nwɔ kalanɉonŋąą kɔ́ a kpɛɛn; di ɉu nuą kpɛa kpɛa kəlee yili a yɔwɔn.

Maafîu 14:25

Yələ ɓɔi kpinį mu, Jesus ə hvilɛn ɲa ŋą yɛ pa nwɔ kalan nɛai pɔ.

Markə 1:35

Mąą yələ laaɓoɔ, yələ ɓoi kpinį mu, Jesus ə kulɔ bɛlɛ́n ə li daa pulu pələ yɛ Yálá hvɛli dɔ̨nɔ̨ kɛɛnąą.

Markə 13:35

Yili ɓa tii, ka hvo yii. Mąąhɔlɔɓo, ka hvo bɛlɛ nąmu pai lɔwai kɔ́lɔn; kɛ a pa a yələ wulii, kɛ a pa a kwihąą, a wala kɛ tii, tɛ́ɛ́ tɔlɔɔ hvaai lɔwai, a wala kɛ tii, yələ wala pɔ.

Lukə 6:12

Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Timote dɔlɔɔ 2:8

Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.

Nwun mąąɓo 7:19

Gɛɛ kwii hąą hvo mɛlaɓo, Zedeɔn da nwɔ nu nwun-dɔnɔi di həli gɔ́ ɓuwu kpɛlai, daa kɛ kɛa gɔ́ ɓuwu mąąkpɛ nuą mąą hvalin. Di dúlúɠaa hvɛɛ, di múlúúnŋaa wolo.

Samuɛlə dɔlɔɔ 1:15

Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.

Samuɛlə dɔlɔɔ 7:6

Di di ŋąąkpɔn Mispa daai, di ɲálaɠi laa da Yai-Laa ni di lɔwai, di hinnɔ a volói tii, di mo gɛɛnąą tii, diɛ kɛ diɛ: Kwaa nɛ̨ŋɛ̨n ɉəɠə Yai-Laa ɓa. Di Samuɛlə hee a Israɛlə ɲąąwooɓomun Mispa.