Woolaa 2:17 - Yálá laawoo hɛɓɛ (dc)

¹⁷ Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Yálá laawoo hɛɓɛ

¹⁷ Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Bible

¹⁷ M̀ɛnii Yâwɛɛ è gbɛ̀tɛi, aâ gɛ́. Aâ ŋ̀óoi ŋ̀aa-see kɛ́ nyii è m̀aa kôno-tee kɛ̀ kóraŋ támaa tɛɛ pôlu mai. È ísu kàra, vé íŋɛi malôŋ káa ní. È gɛ̀ íkpɔara-ƃelai dí íyee mɛi ɣále, dí sée ímɛi.

Woolaa 2:17 Iomraidhean Croise

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Mąątɛ̨nɛ̨ 35:24

'Nwɔ́ tɛ̨ą mąąkɔ̨nwɔ̨, ə́ wɔ tələnmolaa hu, Yai-Laa, nwɔ́ Yálá, və́ kɛ di yəi lɔ, a di wɔ yɛlɛ kulɔ ɉu hɛn.

Mąątɛ̨nɛ̨ 35:26

Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Mąątɛ̨nɛ̨ 38:16

Yai-Laa! Yɛ́ lɔ ɓə gílitɔɔ yɛ́! Ną́mu Yálá! Yɛ́ lɔ ɓə pai nwóó mu hon ɉi!

Mąątɛ̨nɛ̨ 89:42

Tɛɛ pələi nuą kəlee diɛ too mɛ̨i, gwɛlɛ nuą diɛ di laa pu ɉu.

Mąątɛ̨nɛ̨ 89:43

Yáá ɲowoɠaa hvaŋą tɛ, nuąi da kɛ kɔ́ pɛlɛi mą, yáá di kwəinɛ̨ɛ̨;

Azaya 14:29

Filisti lɔi pilɛɛ gee mɛ̨i, 'hvó tɔɔ yɛ́ kɛ ə́ kaa kwəinɛ̨ɛ̨ kulɔi, gbɔn kɛi ə́ kɛlɛ, ɉuyali mɛ̨nį ɓa, mąąhɔlɔɓo, tumo kaa pai kulɔi kaalə kpuwɔ hu, gbaatow-gbono kaa pai kulɔi tumo hu yɛ koon.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Ɉeremi 4:28

Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.

Ɉeremi 40:3

Yai-Laa ɓə naa ti mą. Ɛlɛɛ, ə gɛ yɛ bələi ə kɛ la gwəi. Ka ka hɔn gɛ a Yai-Laa, ka hvo ka wəli tɔɔ li nwoo ɓa, ya ɓə gɛ mɛ̨nįi ŋɛ̨i yɛ kɛ.

Woolaa 1:5

Mɔ̨nɔ̨ ɓo nuą yee aa tɛɛ mą, ɲowoɠaa kwəi aa nɛ̨ɛ̨. Yai-Laa aa mɔ̨nɔ̨ laa mɛ̨i, nwɔ túwɔ́ pələ ɲɔ̨n damąą mąą mɛ̨ni ɓa. Ɲowoɠaa daa li a nonnii kəlee luwɔlaa hu.

Woolaa 2:8

Yai-Laa aa Siɔn lɛlɛɛ mąąkpɛ hįi pu kili tee gwəi; yɛ gaa nąą kəlee kalan ɉi, ə ɉee tin-tin, yɛ hva pɛli ɲee yalii bulu, hvo kɛli a nąą kəlee wolo; aa bɛlɛ́ nwąną hveelɛi kəlee kɛlɛ, aa woolaa too gəlee la.

Woolaa 3:43

Yáá lɔ ə́ wɔ liiɲąnwąną hu, yɛ́ ku kpɛ la, yɛ́ ku hukala a nwąnąlɔɔ pələ.

Woolaa 4:11

Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Izikiɛ 5:11

Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Mise 2:3

Yili mąą mɛ̨nį ɓa, Yai-Laa yɛ diɛ: «Gáá mɛ̨nį ɲąąnwąnąą ta kili ɓoi, gɛ́ naa nu huwu taaləi tii ɓa, ka hva pɛli ka nwun gulɔi ɉu, ka hva pɛli hiɛi a ka ɲɛ̨i pilɛɛ yələi, mąąhɔlɔɓo, a kɛ a hvóló ɲɔ̨nwɔ̨ɔ̨.»

Sofoni 1:2

Yai-Laa woo ka, yɛ diɛ: «Gáá pai nɔ̨ɔ̨-nɔ̨ɔ̨ hɛn gəlee nwun napilii lɔi mɛ̨i.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»