Woolaa 2:10 - Yálá laawoo hɛɓɛ (dc)

¹⁰ Siɔn halakpɛla nwɔ kalanɉonŋaa di kaa heeni pɔ́lɔ hu, di mɛ̨i haa tin. Daa muluun gbala pu di nwuɔ̨, daa ɓíi haɠa too di kwąną. Ɉerusalɛmə nɛ̨ɛ̨lɛa daa di nwun vilɛn a nwumɛ̨.

Yálá laawoo hɛɓɛ

¹⁰ Siɔn halakpɛla nwɔ kalanɉonŋaa di kaa heeni pɔ́lɔ hu, di mɛ̨i haa tin. Daa muluun gbala pu di nwuɔ̨, daa ɓíi haɠa too di kwąną. Ɉerusalɛmə nɛ̨ɛ̨lɛa daa di nwun vilɛn a nwumɛ̨.

Bible

¹⁰ Zãiyɔŋ nuu-pɔlɔ-ŋai dí maloŋ seɣe tòo dîa dí muluŋ pú díŋûa, dí sée ǹɔii ma dímɛi saá. Ǹɛnî-kpela-ŋai dí díŋuŋ pîlaŋ ǹɔii ma.

Woolaa 2:10 Iomraidhean Croise

Samia Veerɛi 13:19

Nąąlɔwai, ɉəɠə yee kwɛai ŋɛ̨i kɛ Tamarə ɓa ə ɉu ɓɛla, ə luwu pu nwuɔ̨, ə ɲee laa nwuɔ̨ yɛ wɔlɔ.

Azaya 15:3

Nuą daa di mąą yili a ɓíi haɠa gwəliɠaa pɔ, nu kəlee kaa nwoo laai bɛlɛ́ɠaa kwɛlɛ, da gwəli hąąiɠaa, di ɲɛ̨iyá yɛ pu wuuu.

Azaya 3:24

Wulɔ kun nɛ̨ɛ̨, mąą a hvalin a hɛn nulɔ kun, hɛ̨ą yili kɔ́lɔ mąą a hvalin a gɔtɔ yɛli, nwun naa lɛlɛɛ mąą a hvalin a nwun gbəlaan, həɠə lɛlɛɛ mąą a hvalin a mąąwɛli həɠə di wɔ lɛlɛ mąą a pənə a kwɛli kələn bɔɔ.

Azaya 3:26

Siɔn taa kaa pai ɲiŋɛ̨i, yɛ nwoo laa; a lɛɛ a ɲee howolo, ə ɓo heeni lɔi ɓa.

Azaya 36:22

Dɔɔ-pɛlɛ́ ɲąąwooɓomun Ɛliakimə yai kɛ a Hilkiyahu lon, da ɉɛɓɛ́ kɛmun Sɛvna, da Asafə lon Yoa, yai kɛ a noloɓomun, di pənə di pa tɔɔmun Ezekiasə pɔ di mąą həɠəɠaa huɓɛlaa, di gɔ́kuláái tii wooɠaa kəlee hu kulɔ mą.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Azaya 47:5

'Ə́ mąą yɛɛ! Woo tɔ̨nɔ̨ kpɛli hvo kulɔ ə́ la! 'Lɔ kpinį pɛlɛ́ mu, Kalde nɛ̨ɛ̨gbɛla! Mąąhɔlɔɓo, di hvo kɛa pai kɛi ə́ laa ɓa: «Tɔɔ lɔiɠaa ɲąąwooɓomun.»

Ɉeremi 8:14

Gu kaa ɓɛ tɔɔni kpɛli-kpɛli lə mɛ̨nį ɓa? Ka gu gu ɲąąkpɔn, ka gu lɔ daɠaa hįi kaa mą ɉu; ka gu lɛɛ laa gu haa mąąkpɔn. Hvo gaai guɔ Yálá a gu laakwɛlanmo haa ɓa; aa pilimąą tɔɔ gu la, gu haa mɛ̨nį ɓa. A tɛ̨ą, kwaa ku hɔn gɛ a Yai-Laa.

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 1:4

Siɔn daa pələɠaa kəlee daa kpɔlɔɔn. Nu ta hvo kɛa lii laa hɛli ɓa. Gwəli hɛ̨ąiɠaa kəlee daa kpɔlɔɔn. Ɉaláá laa həli nuą diɛ di woolaa. Siɔn halakpɛlaɠaa kwəi aa pili diɛ. Siɔn aa lɔ liikələn gwəi hu.

Woolaa 3:28

Ə hee dɔ̨nɔ̨ konɉu ə mɛ̨ihaa ɓɛlɔwai Yai-Laa a yili laa la nwuɔ̨.

Woolaa 4:16

Yai-Laa yaa kpįnįi ɓə di hu taɠa taɠa, hvo kpɛli kɛa bɔ, hvo di kaa a ɲɛ̨ikɔw. Haláá laa həli nuą ɓɛlɛ hvo kɛa ku kwəi, ku hvo kɛa galanɉonŋaa pɔ.

Woolaa 4:5

Nuąi kɛi kɔ̨nɔ̨n nɛ̨ɛ̨-nɛ̨ɛ̨ mįi, diɛ ka pulu wɔlɔ ɓoi gwəliɠaa pɔ. Nuąi di muhəɠə yeelahvóloon bɛlɛ́ mu, diɛ ka kɔ̨nɔ̨n gwɛlii túlún ŋą.

Woolaa 5:12

Daa galanɉonŋaa hɛlɛn di hvo kpɛli ɓɛlɛ kɛ li ɉulɔgoloɠaa diɛ.

Woolaa 5:14

Ɉulɔgoloɠaa di hvo kɛa lii nwun dɔɔ hu, hilɛlɛa di hvo kɛa hvɛli kɛi.

Izikiɛ 27:30

Diɛ wɔlɔ ə́ mɛ̨i, diɛ tomą a naa mąąwɛliɛ, diɛ muluun gbala pu di nwuɔ̨, diɛ kiliɠilin luwu hu.

Izikiɛ 27:31

Diɛ di nwun galaan ə́ ma mɛ̨nį ɓa, diɛ mąąwɛli həɠəɠaa too di kwąną, diɛ wɔlɔ ə́ mɛ̨i a di lii kələnŋaa di kwəi, diɛ di woola a nąą mąąwɛliɛ.

Izikiɛ 7:18

Di kaa pai ɓíiɠaa kɛi diɛ, diɛ kpɛlin, nwumɛ̨ yɛ di kəlee di ɲɛ̨i paa, Da di nwun gəlee kalaan.

Zooɛ 1:8

Ə́ woolaa yɛ́ nɛ̨ɛ̨gbɛla a hilɛ həɠə a nįnɛ̨ a haa ɲəi.

Amɔsə 5:13

Yili ɓə a gɛ, lɔwai tamąą hu, yɛ pələi ka wɛi ŋɛ̨i kaa la, nui kili kaa mą, hva hvaa. Mąąhɔlɔɓo, ka wɔ lɔwai ŋɛ̨i hvo lɛlɛ li.

Amɔsə 8:13

Volói tii a həli, kpələ wɛli a nɛ̨ɛ̨lɛa lɛlɛɛɠaa da hilɛlɛaɠaa hɔwa.

Amɔsə 8:3

Ɲą́ą́ Yai-Laa, hɛn Gəlee Nąmu, gɛ́ diɛ: Volói gáá pai gɛ́ mɛ̨nį kɛi la mɛ̨nįi tii hu, nwələ too nɛ̨ąą ŋɛ̨i di kaa dɔɔ pɛlɛ́ mu, di kaa pai mąąwɛli wələ tooi, powa kaa pai kɛi pui gee mɛ̨i, diɛ di pili ɓɛi lɔpee nąą kəlee. Kɛɛ mąą a haa kɛɛnąą kəlee kpɔ tin.»

Zôna 3:6

Ɓɛlɔwai Ninivə tɔɔmun ə bələ mɛ̨n na, ə həɠə ɲəi dɔɔ kpəlin ɉu, ə nwɔ tɔɔ həɠəi kulɔ gwaną, di kəlee di mąąwɛli hee ɓo.

Zasua 7:6

Ɉosue ə gwaną həɠə huɓɛla a líiholi, ə pɛlɛ Yai-Laa lííla, ə lɛɛ la ɉu yələ ə wulu; yaa da nɔi kalanɉonŋąą, di muluun gbala pu di nwuɔ̨.

M̀ɛni-lɛɛi 18:19

Diɛ pɔ́lɔ́ pu di nwuɔ̨, diɛ tomą, diɛ di woolaa, diɛ kɛ: «Ee kə kpalo! Ə kə gbalo kɛnɛ̨ɛ̨! Daa-leei kɛ ɉu ɲąąnɛ̨ɛ̨ pələ, ə nuąi kpɔ di wɔɔ gələnŋaa di kɛ gboloyá ɲą, di yeela holoon, ya ka, lɛɛlɛ tanɔ̨n ɲee mu, aa hvɛɠɛ a ɉɛn tii kəlee.»