Woolaa 1:7 - Yálá laawoo hɛɓɛ (dc)

⁷ Ɉerusalɛmə aa giliŋąhiɛ, nwɔ mɔ̨nɔ̨ mįi hvólóɠaa hu, tɔlɔɔ tɔlɔɔ yələ, mąąwiɛ ə kɛ mą! Ɓɛlɔwai di yowoɠaa di kɛi ɉu nuą paa la, nu ta hvo kɛi hɔlɔɓo hvo kpɔnmąą tɛɛ di pɔ, diɛ yɛlɛ mą.

Yálá laawoo hɛɓɛ

⁷ Ɉerusalɛmə aa giliŋąhiɛ, nwɔ mɔ̨nɔ̨ mįi hvólóɠaa hu, tɔlɔɔ tɔlɔɔ yələ, mąąwiɛ ə kɛ mą! Ɓɛlɔwai di yowoɠaa di kɛi ɉu nuą paa la, nu ta hvo kɛi hɔlɔɓo hvo kpɔnmąą tɛɛ di pɔ, diɛ yɛlɛ mą.

Bible

⁷ Zerusâlɛŋ kɛ́-pere pɔlɔi kíli è tòo ŋ̀á tãi è kɛ̀ la mɛni kpɔ̂lu da mɔ̃lɛ-laa sui. Tãi è tòo la ŋɔkpɔara-ƃelai yêei, núu da fé kɛ́ ní naa é kpɔŋ mâa tɛɛ bɔ́. Ŋɔkpɔara-ƃelai dí ɣɛ̀lɛ m̀a zu-kara perei ma.

Woolaa 1:7 Iomraidhean Croise

Zôo 29:2

Gbɛɛ ɓə a pɛli pənəi ə gɛ́ yɛ bələi ŋį́ kɛ la tɔlɔɔ? A ɲələɠaa tii Yálá ə kɛi mɛ̨́i kaa la.

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 77:3

Ɓɛlɔwai mą́ą́ a wɛli lai, Ną́mu Yálá ɓə ŋą́ ɲɛ̨ilaa kwɛli. Gɛ́ ɲéé hąŋąn bɔ pələ, kwiihɛ̨ą, ɛlɛɛ, vįi hva kpɛɛ, gɛ́ lənə gbɛla ɓo woo kəlee ɓa.

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Azaya 64:10

Ku wɔ pɛlɛ mąąhəɠɛɛ-ɲɛ̨i tɔɔi tii, a ɓɛi ku nąnni di kɛli ə́ mąą tɛnɛ̨ wələɠaa too laa, daa nwɔ̨n bili ɉu, aa gələn, ɛlɛɛ, ɉɛnŋąąi kpɔ kɛ ku kanąnŋąą diɛ, gəlee hu aa kala.

Azaya 64:11

Yá kɛli mɛ̨nįɠaai tii kəlee kaa, Yai-Laa, Yá pɛli mɔ̨ɔ̨ ə́ kpɔwɔ hu hon ɉi? Yɛ́ tɔɔ lɔ kpɛli kpɛli? Yɛ́ ku nwumɛ̨ la tii a gɔn bulu pələ?

Ɉeremi 37:7

yɛ mą; Yai-Laa Israɛlə nwɔ Yálái woo ka: «Ɉuda tɔɔmun ká tɔɔ mą́ą́nin kɛ mɛ̨nį ɓa, mɛ̨nįi ká líi moi mą, ya ka, ká kɛ mą: Eziptə tɔɔmun nwɔ kɔlaɠai tii həɠə Eziptə, yɛ pa ka mąąkpɔn mąąɓoi, gaa pai yalii bulu, yɛ pənə yɛ li Eziptə, ɓɛi ə həɠə laai.

Ɉeremi 48:27

Kɛlɛi ə́ kɛi lɔ yɛlɛ tii Israɛlə ɓa, gaa ɓə mɔ̨ɔ̨ ə́ mo nwuɔ̨ nuą lɔwai, yaai naa ɓo pələ tɛi tɛi kəlee hvo kɛli yá ə́ nwun gbɛŋɛn?

Woolaa 4:17

Ku ɲɛ̨iyá ə kɛi pu, nui pai kpɔn ɉii kuɔ, ku ɲɛ̨i yɛ ɓo dɔwɔ; ku hvo ta gaa li hvo pa. Ku kɛ ɉį́i mɛ̨i, kuɔ ku ɲɛ̨i laa a ku mąą kpɔnmąą ɓo lɔi, hvo pɛli ku kulɔi ɉu.

Izikiɛ 25:3

'Kɛ Amɔn lonnii diɛ; 'ka ka wəli tɔɔ Mɛ̨nį kəlee ŋą Hééɓomun Yálá woo ɓa; Mɛ̨nį kəlee ŋą Hééɓomun Yálá yɛ: Ə́ ə́ laa pu mą́ą́wiɛ lɔi hu, ɓɛlɔwai di mɛlɛ too la, a Israɛlə nwɔ lɔi di ɉu wolo, a Ɉuda nwɔ pɛlɛ́i, daa li a bələ tɔ̨nɔ̨ luwɔlaa hui.

Izikiɛ 25:6

«Mɛ̨ni kəlee ŋą Hééɓomun Yálá woo ka, yɛ: Ə́ kɛi ə́ yee lɔwa, yɛ́ ə́ kɔ́wɔ kɛlɛ lɔi ɓa, yɛ́ kwəinɛ̨ɛ̨ kulɔ a ə́ lii ɓa, ə́ kɛi tɛɠɛɓo Israɛlə lɔi hu a ə́ lii ɓa, mɛ̨nįɠaai kɛli laa mą, di mąą mɛ̨nį hu.

Osia 2:7

di lee kɛ mɛ̨nį a wɛlikɛ nɛ̨ɛ̨nu, nɛ̨ɛ̨nui di mąą koo həɠə, aa nwumɛ̨ tɛ a gbɔwɔ, a kɛi ə kɛi mo diɛ: «Gáá gilɛ həɠəi nwɔ́ wɛliɠaai pulu, diɛ ɓə da gɔ́ a kɔ̨nɔ̨n da yá; diɛ gɔ́ a həɠəɠaa, wulɔ da lɔɔ.»

Mise 4:11

Kɛlaa yiihu, lɔi tamąą daa di muhəɠə yɛ́ a kɔ́, di kaa kɛi diɛ: «Siɔn ɓɛlɛ ə too, ə too kpɔ, ku ɲɛ̨i kɔ́w ə nąą kaa!»

Lukə 15:17

Hvóló ta, ə hee, ə giliŋąhiɛ, yɛ mą: ‹Kóló kɛ nuą tamąą kaa ną́n ɲəi bɛlɛ́n, diɛ kɔ̨nɔ̨n mį́į́ diɛ gbəli lɛɛ! Kɛlaa, ɲą́ą́ mun, gɛ́ ɓo ɓɛ, gɛ́ haa a pulu!

Lukə 16:25

«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.