Woolaa 1:6 - Yálá laawoo hɛɓɛ (dc)

⁶ Siɔn nwɔ lɛlɛ mɛlɛ aa kpɛɛ mą. Nwɔ kalanɉonŋaa kaa laɠin ɉii yɛ lomąɠaa, di laa mįi hvo di yəi. Diɛ gilɛ həɠə, di hvįi aa kpɛɛ, di kpɛ nuą tɔwɔ.

Yálá laawoo hɛɓɛ

⁶ Siɔn nwɔ lɛlɛ mɛlɛ aa kpɛɛ mą. Nwɔ kalanɉonŋaa kaa laɠin ɉii yɛ lomąɠaa, di laa mįi hvo di yəi. Diɛ gilɛ həɠə, di hvįi aa kpɛɛ, di kpɛ nuą tɔwɔ.

Bible

⁶ Zãiyɔŋ ŋɔkɛ́tɛ-laai a kùla ǹyêei. Ŋɔnúu láa túɛ-ƃelai da kɛ́ yɛ̂ɛ pîlaŋ sua-ŋa ƃé dílaa mii kwaa ma fé ma. Da lɛɛ pûi díkpɔara-ƃelai yêei kɔlɔ a kpɛɛ dîa.

Woolaa 1:6 Iomraidhean Croise

Tɔɔɓɛlaa veelɛ 19:21

Nwooi Yai-Laa ə mo yɛ hvilɛn na mą, ya ka: «Siɔn nɛ̨ɛ̨gbɛla kaa yɛlɛ kulɔi ə́ hu, yɛ ə́ hviiɓo Ɉerusalɛmə nɛ̨ɛ̨gbɛla ɲɛ̨i heɛi ə́ kpowola, yɛ nwun gbɛŋɛn.

Tɔɔɓɛlaa veelɛ 25:4

Kalde nuą di nɛɛ mą, di wolo tee daa mąąkpɛ hį́i ɓa. Kwii hąą, Ɉuda kɔkulaaɠaa di pu. Bələi mąn Kalde kɔkulaaɠaa daa kɛ Ɉerusalɛmə taa mąątinɛn na, ɉį́i naaləi ɲii ŋɛ̨i kɛ a tɔɔmun yəi nɔw yɛa pələ, nąą bələ ɓə di tɛɛ la, ɉį́i hveelɛi ti lɔwai. Da tɔɔmun ni di ɉaŋą a Ɉurdɛn ɲa-ɓoloon bɔ pələ.

Tɔɔɓɛlaa veelɛ 25:5

Kɛlaa Kalde kɔkulaaɠaa di hvilɛn tɔɔmun bulu di ɉon Ɉeriko ɲɛa kɔ́wɔ hu. Nwɔɔ kɔ́ kɔ́ nuą kəlee daa kɛ pu gɔ́ ɓa, daa taɠa mą.

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Mąątɛ̨nɛ̨ 96:9

'Ka kwɛli hvilɛn Yai-Laa ɓa! Ɓɛlɔwai nwɔ mąąhəɠəlaa a kɛ lələn ɉii la, lɔi pilɛɛ gee mɛ̨i ə kpɛlin dɔwɔ!

Azaya 1:21

Ə kɛ pələ kɛ ləi yai, daai ŋɛ̨i kɛ nwoo pulu, mąą aa pənə a wɛlikɛ taa? Mąąwiɛ ə kɛ laa, mɛ̨nį haŋąą yɛ ɓo laa daai, tələnmolaa mąąkilɛ taa, Kɛlaa, yiihu kɛa, nu paa nuą daa lɛɛ a daa nąmįną.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 4:5

Siɔn yee nwuɔ̨ nąą kəlee, da ɲąąkpɔnŋąą kəlee mɛ̨i, Yai-Laa kaa pai tulɔ kpinįn bɛlɛi di mɛ̨i hvóló ŋą, ə kɛ a nwɔ̨n nən di mɛ̨i kpinįi. Yai-Laa nwɔ mąąwiɛ a gbąnąn bili gəlee mɛ̨i,

Ɉeremi 13:18

'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Ɉeremi 29:4

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá ɓə mɛ̨nįi ŋɛ̨i ɓoi, nuąi kpɔ ə di kulɔ Ɉerusalɛmə daai, yɛ li a diɛ Babilonə diɛ, yɛ diɛ:

Ɉeremi 47:3

Mąąhɔlɔɓo, di kaa nwɔ hooɠaa kɔ́wɔ mu tin mɛ̨n ɉii, da gɔ́ kɔ́ wotoloɠaa tii, da nwotolo kɔwɔɠaa hiɛ tin. Lon gaa nuą yee hu aa haa, di lonnii mąą mɛ̨nį niihɛlɛn hvo kpɛli kɛa diɛ

Ɉeremi 48:41

Daa Keriyotə hon, daa lɔ Mesadotə. Moabə kɔ́kulááɠaa lii aa kɛ di kwɛi yɛ yɛ̨ɛ̨nui kwəi nwąną kɛi a volói tii.

Ɉeremi 52:11

Yili pulu, ə Sedesiasə ɲɛ̨i wolo, ə ɲili a ɓala kwɛli yɔwɔn veelɛ. Ə ɉəɠə ə li la Babilonə daai, ə doo laa gaho ŋą, ə lɛɛ laa, ə haa.

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Izikiɛ 24:21

'Mo Israɛlə nwɔ pɛlɛ́i ɓa, yɛ mą: ‹Mɛ̨ni kəlee ŋą Hééɓomun Yálá woo ka, yɛ, gáá pai nwɔ pɛlɛ́i pui, yai gaa a ka ɲɛ̨i pɔ̨nɔ̨ hɛn, ka wɔ ɲąąwooɓo laai hu; yai gaa a ka ɲɛ̨i kɔ́w nwɔ kwəinɛ̨ɛ̨; yai ka ka kilitɔɔi mą ka wɔ yɛnɛ̨ɛ̨ hu. Ka lon ɉinąą da ka lon nɛ̨ąąi tii ka di lɛɛ Ɉerusalɛmə, di kaa pai tooi ɓɔwa kwɛa yee ŋą.

Izikiɛ 24:25

«Hulɔnu lon ə́ wəli tɔɔ, ɲələi gáá pai di hvaŋą kulɔi la di yəi, da di wɔ yɛnɛ̨ɛ̨ ɲąąnɛ̨ɛ̨ hɛnŋaai, da di mąąyili hɛnŋaa, ɉɛn da di ɲɛ̨i hee mą yɛ di kwəinɛ̨ɛ̨; ɉɛn a di wɔ yɛnɛ̨ɛ̨ ɲąąnɛ̨ɛ̨ diɛ, di lon ɉinąą da di lon nɛ̨ąą;

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.