Woolaa 1:16 - Yálá laawoo hɛɓɛ (dc)

¹⁶ Yili mąą mɛ̨ni ɓə gáá wɔlɔi la. Ɲɛ̨́ikɔw aa ɲąmą tee. Mąąhɔlɔɓo, níílaa mun mąą aa kwɛa mą́ą́. Yaai kɛ a pɛli níílaai, ə níí too ɉu. Ɲówó hvaŋą kɛnɛ̨ pələ ɓa, nónnii nwun na aa pili.

Yálá laawoo hɛɓɛ

¹⁶ Yili mąą mɛ̨ni ɓə gáá wɔlɔi la. Ɲɛ̨́ikɔw aa ɲąmą tee. Mąąhɔlɔɓo, níílaa mun mąą aa kwɛa mą́ą́. Yaai kɛ a pɛli níílaai, ə níí too ɉu. Ɲówó hvaŋą kɛnɛ̨ pələ ɓa, nónnii nwun na aa pili.

Bible

¹⁶ “M̀ɛnii ŋí ƃé ŋa wɔ̂lɔi la, ŋ́ɛi-ya kɛ́ yèŋ. Núu da fé naa é ŋ́aa nɛnɛ, é pá ḿbɔ a kili-kɛ zu. Ŋ́gbɔara-ƃelai da ńyee mɛi ɣále, ǹyaŋ ŋánûai da mɔ̃lɛ̂i.

Woolaa 1:16 Iomraidhean Croise

Mąątɛ̨nɛ̨ 106:42

Di yowo ə di mɔ̨nɔ̨ ɓo, di di mąą yɛɛ yili yee mu.

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 69:20

Ə́ kili kaa ɉu Yɛ́, da kɛ nálán ɉii, mɛ́lɛ́ aa kpɛɛ mą́ą́, ɲɛ̨́i mąą aa luwu, a nwumɛ̨, ɲówóɠaa kəlee kaa ə́ ɲɛ̨i ɓa.

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Azaya 54:11

Yɛ́i kɛ ə́ mąąwɛliɛ, diɛ ə́ hviɛ hviɛ tɔɔ, ə́ kpəlaɓomun və kɛi hɔlɔɓo, Gáá pai ə́ kɔ́wɔ vilɛn gwɛniɠaa kɛi a kwɛni mąąpɛ̨ɛ̨ɠaa, gɛ́ ə́ kɔ́wɔ hvilɛn Kúwɔ́-kwɛni mɛ̨i,

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 15:5

«Ɉerusalɛmə! Gbɛɛ ɓə pai ə́ mąąwɛli kaai? Gbɛɛ ə́ mąą liihɛlɛn gaa mą? Gbɛɛ wolo kpɔ ɓə tii nwoo laai ə́ mąą mɛ̨nį ɓai; yɛ tɔɔ, yɛ ə́ kɛ pələ gɛɛ mąąni kɛ?»

Ɉeremi 8:18

Gáá mɔ̨nɔ̨ hu, yii naai hvo mą, ɉú aa haa,

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Ɉeremi 9:21

Ɉeremi! Yai-Laa woo ka, naa həli; yɛ diɛ: Nu powaɠaa taɠa taɠai nɔi mɛ̨i yɛ tulun bɔlɔ, yɛ mɔ̨nun gɔnŋaa daa kɛi pu mɔ̨nun dee nuą pulu; ə lɛɛ nu hva hɔlɔɓo yɛ di yɛɠɛ.

Woolaa 1:2

A yíi lɔ wɔlɔi. Ɲɛ̨iyá hva kpɛɛ ɲɛ̨i. Nwɔ wɛliɠaa lɔwai naapilɛ mun və laa. Mɛlaa kəlee daa mowo, daa kɛ a ɲowoɠaa.

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Woolaa 2:18

Ɉerusalɛmə taa! Ə́ wɔlɔ woo, da ə́ ɲįŋɛ̨ woo aa tɛ Yai-Laa ɓa wɔlɔ kpɔ ə́ ɲɛ̨iyá ə gboloon naa yɛ yálon. Hvóló da kpįnį, 'hvó kpɛla mą 'hvó ə́ hvįitɔɔ, ə́ ɲɛ̨iləɠa hu hvo kpala.

Osia 9:12

Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.