Woolaa 1:15 - Yálá laawoo hɛɓɛ (dc)

¹⁵ Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Yálá laawoo hɛɓɛ

¹⁵ Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Bible

¹⁵ “Ǹuu-namui a ǹyée kúla ŋá kɔ́kɔ-ƃelai mû. A gɛ́ kɔ́ kɔ́-ƃela da tɔɔ ŋányaŋ-kpa-ŋai dîa a gɛɛ dí dísu kara. A ŋánûai Zuda-ƃelai lúaŋ yɛ̂ɛ da ŋwã̂ai lùŋ ŋwã̂ai lúaŋ kwaa ma.

Woolaa 1:15 Iomraidhean Croise

Tɔɔɓɛlaa veelɛ 9:33

Ɉehu yɛ nuą tii diɛ: «Ka nɛ̨ɛ̨nui tii kulɔ ka doo nɔi ɓa!» Di Ɉezabɛlə kulɔ di doo, ɲąmą ta ə taɠa ɉį́i nwąną ɓa, da ə taɠa ɉooɠaa diɛ. Ɉehu ə ɓɔlɔɔn Ɉezabɛlə mɛ̨i.

Mąątɛ̨nɛ̨ 119:118

Nuąi daa di mąą kwɛa ə́ laawoo ɓa, ə́ di pili, mąąhɔlɔɓo, di kɛ mɛ̨nįɠaa ə kɛ lɔ a lɛɛ.

Azaya 28:18

Mįnɛ̨i ka haa ni ka ɉəɠə, di kaa pai ɉukalai; mįnɛ̨i ka ɲąmuątaa ni ka ɉəɠə, hvo pai lɛɛi mą. Gɛɛ kala ɲɔ̨n tii a kɛi tɛɛ, gaa pai ka hukalai.

Azaya 41:2

Dələnmo mun həɠə hvóló kulɔi pələ, gbɛɛ ɓə ɲali bulu, yɛ bənə yɛ ba, yɛ lɔiɠaa pɛlɛ gɔwɔ mu, yɛ tɔɔɓɛlaa pɛlɛ lɔi ɓa, yɛ nwɔ kɔ́ kɔ́ nuą kpulu hu kɛnɛ̨ yɛ munuun gbala, yɛ nwɔ tonwąi tamą, yɛ tulɔ hvaŋą a kɛi dɛ̨ɛ̨ kpoloon daɠa taɠa.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Azaya 63:3

Ɲą́ą́ dɔ̨nɔ̨ ɓə doo gɔwɔ hu, nu kanŋaa lɔwai, nu ta lɔpee hvo kɛ bɔ́. Níí holi pələ, ŋį́ di hiɠɛ, gɛ́ ɓɔlɔn di mɛ̨i, níí holi pələ ɓa, di ɲąmą ə taɠa mą́ą́ həɠəɠaa ɓa, ŋį́ mą́ą́ həɠə kəlee kpɔlu.

Ɉeremi 13:24

Gáá pai ka hu taɠai yɛ dɛɛ kpoloon, yɛ bələi hvaŋą a gɛ la nɔi pun ɉu.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 37:10

Ə mą kɛ, káá Kalde kɔlaɠa kəlee hu nuą paa, a diɛi tii gɔ́ pɛlɛi kaa, ɛlɛɛ, nu tɛitɛi ə mą lɛɛ, tonwą kpanwɔɔ diɛ, da di muhəɠə, di wɔ kələɠaai mu, diɛ daai ŋɛ̨i kələn.»

Ɉeremi 50:26

'Ka həɠə lɔi kpon ɉeei ka pa, 'ka pa bɔ, 'ka nwɔ kɔ̨nɔ̨n gələɠaai laa ɓo, 'ka bu gee mɛ̨i, 'ka naa həli Yai-Laa ɓa. 'Ka hvo da lɔpee lɛɛ pulu.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Ɉeremi 6:11

Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Woolaa 3:34

Daa kɛi nɔi gaho nąmįną kiin a di kɔ́wɔ,

Danîa 3:13

Tɔɔmun Nabukodonosorə lii ə kələn gwəi kpɔ kɛnɛ̨, ə mo, yɛ di pa a: Sadrakə, Mesakə da Abɛdə-Nego ni, nííla. Di nɛɛmą di pa a diɛ.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.

Nwun mąąɓo 10:8

Mąą kwɛlan tii hu, di Israɛlə lonnii laanɔ̨nwɔ̨ ɓo kpɔ a mɔlɔ. Kwɛlan bow kɔ́w mɛ̨ihaaɓa yee mu, di Israɛlə lonnii kiin giin, diɛ kɛ Ɉurdɛn yá pulu pələ, Galaadə lɔi hu, Amɔrə nuą pɔɔli.