Wɛli 8:5 - Yálá laawoo hɛɓɛ (dc)

⁵ Nɛ̨ɛ̨non nɛlɛ ɓə ŋɛ̨i həɠəi nɔi pun ɉu pələi, ɲee ə ɓo nwɛlikɛmąąmun ɲəi? Gu həliɛ mangolon nwulu mu, ɓɛi ə́ lee əí mąą koo həɠə laa, ɓɛi ə́ lee əí hɔlɔɓo laa, ŋą́ ə́ nwun naa.

Yálá laawoo hɛɓɛ

⁵ Nɛ̨ɛ̨non nɛlɛ ɓə ŋɛ̨i həɠəi nɔi pun ɉu pələi, ɲee ə ɓo nwɛlikɛmąąmun ɲəi? Gu həliɛ mangolon nwulu mu, ɓɛi ə́ lee əí mąą koo həɠə laa, ɓɛi ə́ lee əí hɔlɔɓo laa, ŋą́ ə́ nwun naa.

Bible

⁵ Gbɛ̂ɛ ƃé ŋí kulâi vɛ̃ɛ-kpâlaŋ su, gɛ́ pà díɣîŋɔɔ ŋɔwɛ́lii mai? Ŋá íŋɛi lá ƃò âpɔ wurui mu, ƃɛ́i ílee è ímaa sɔlɔ ƃô naai.

Wɛli 8:5 Iomraidhean Croise

Kɔlɔnikɔ Veerɛi 32:8

Asiri tɔɔmun nwɛi, nu kanŋaa ɓə ɲəi, kɛlaa gu wɛi, gu wɔɔ Yálái Yai-Laa kaa gu pɔ. Yaa ɓə a kpɔnmąą tɛɛ gu pɔ, yɛ gu wɔɔ kɔ́i kɔ́.» Ɉuda tɔɔmun Ezekiasə woo tii ə nɔi lonnii liilaa ə di hvaŋąlɔ.

Mąątɛ̨nɛ̨ 63:8

Mąąhɔlɔɓo, yɛ́ ɓə yá mą́ą́kpɔnmąąɓo, ŋą kɛ ə́ koon nįnįn mu, ŋą tómą a kwəinɛ̨ɛ̨.

Mąątɛ̨nɛ̨ 63:9

Ŋą kanąn yɛ́ a níi kəlee, Yɛ́n, yáá ə́ ɓa-mįi-yee too ɉú.

Wɛli 2:3

Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Wɛli 3:11

Ɉerusalɛmə nɛ̨ɛ̨lɛa, 'ka pa! 'Ka pa ka tɔɔmun Salomɔn kaa. Vúlulɔ ɓɔlɔi nee ə bɛli mą a nwɔ hvúlulɔ yələ laa, Ka gaa, a gwəinɛ̨ɛ̨ hvólói ŋɛ̨i.

Wɛli 3:4

Ŋą́ lɛɛ kpɔlɔ tɛɛi diɛ, nui mąą mɛ̨nį lɔɔ níí mu, gɛ́ gaa; ŋą́ą́ mą wolo mą, ŋą́ą́ ɉon a ɲee. Vá kpɔ ɓo mą, yii kpɔ və́ ni lɔ li la néé yəi bɛlɛ́n, ɓɛi ŋɛ̨i di mą́ą́ kóó həɠə laai.

Wɛli 3:6

Gbɛɛ ɓə tii həɠəi nɔi pun ɉu pələi, ə ɓo yɛ nwɔ̨n nulu, yɛ hąmą da lansan di wəleen, ə ɓo yɛ mąątí wulɔ kun nɛ̨ɛ̨?

Wɛli 4:8

Oo! Nwɔ́ wɛlii! Pa bɔ́, həɠə Liban yee nwuɔ̨, ə́ pa bɔ́, həɠə Amana yee nwuɔ̨, həɠə Senirə yee nwuɔ̨ da Hɛrmɔn həɠə ɲala woloɠaa tii la, da gwɛli woloɠaa tii la, ə́ pa!

Wɛli 6:10

Yili mąą nɛ̨ɛ̨nui ɓaa gbɛɛ? Mąąhəɠɛɛ yɛ yələɓɔi kɛɛ pɔ̨nɔ̨, nɛlɛɛ yɛ ɲąnin vələ, yɛ lən yɛ hvóló tɛɛ nwun ma. Mąą ɲɔwuɔ yɛ kɔlaɠa a kɛ ɲəi ɉilɛyili mu.

Wɛli 8:1

Ee! Ŋą́ kɛ kpɔ bɔ ə́ kɛ a mą́ą́hulɔnu, a mą́ą́hulɔnui kwa yaa ku ɲįnį tɔ̨nɔ̨ kpələ! Gwa yɛ́ gwa kwiɛn gɛ, ŋą́ ə́ nɛ̨nɛ̨ɓo kɛ, nui lɔpee ta hva kɛ náá ɲɔ̨n mo.

Azaya 36:6

Ə́ kili hvo tii yáá dɔɔ Eziptə ɓai, a veen gbaɠa hu yali laa nɛ̨ɛ̨ tii! Nui lɔpee a tunwɔ̨n mą, a lɔ ɲee hu, yɛ ɉaɠa; bələ ɓə Faraɔn Eziptə tɔɔmun a gɛ la, a nui lɔpee a gilitɔɔmą.

Azaya 40:3

Woo ta kaa tɔɔi yɛ kɛ diɛ: 'Ka Yai-Laa nwɔ pələi pɛli, nɔi pun ɉu, 'ka bələ pɛlɛɛɠaa kəlee haŋą;

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Osia 12:4

Ɉakɔbə ə laa niɛ tɔwɔ di lee kwəi, ɛlɛɛ, gɛɛ a kpakolo, da Yálá di gɔ́.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Ɉaan 13:23

Jesus nwɔ kalan non dɔ̨nɔ̨, yii kpɔ nwɛli ə kɛ mą, ə kɛ heeni gwɛlɛ.

Lomaŋ 7:4

Káá kpɛli mąn, ną́n nonnii, káá haa tɔ́n ma Kristə kpįnį hu, ə gɛ, ka kɛ a nu takpɛli nwɔɔ, a yai kulɔ haa yəi, əgɛ, guɔ pɛli ɓái, gu ɓá yɛ kɛ a Yálá nwɔɔ.

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

M̀ɛni-lɛɛi 12:6

Ya ɓə, nɛ̨ɛ̨nui tii ə pu, ə li nɔi pun ɉu, ɓɛi Yálá ə nąą pɛli mąą mɛ̨nį ɓa, əgɛ, ə lɛɛ laa, diɛ gɔ̨nɔ̨n gɛ, hvóló waa tɔ̨nɔ̨ pulu nwun veelɛ-ɲee-mɛ̨ida yee mu.