Wɛli 5:2 - Yálá laawoo hɛɓɛ (dc)

² Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.

Yálá laawoo hɛɓɛ

² Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.

Bible

² Ŋá kɛ̀ nyiî, kɛ́lɛ ŋ́gili è kɛ̀ banaŋ ma. Tɔɔ tí, ŋáwɛli tíŋ ká tí. Bɛ́rɛi lá ƃó mî ŋá wɛ́lii, ŋátoloŋ, ŋáwɛli kɛ́-maa nuu sɔŋ kpɛɛ mai. Ǹɛŋ aâ ńyɔɔ, kpíni a pɛlɛ mâ.

Wɛli 5:2 Iomraidhean Croise

Zɛnɛse 29:20

Ɉakɔbə ə Rasɛlə mąą kóló ɓo Laban pɔ, a kwɛlan mɛ̨ihveelɛ. Kɛlaa gwɛlan mɛ̨ihveelɛi tii ə kɛ Ɉakɔbə ɲɛ̨i ɓa a ɉu kpua, yɛ hvóló hveelɛ, mąąhɔlɔɓo, nɛ̨ɛ̨nu wɛli ə kɛ mą.

Mąątɛ̨nɛ̨ 119:1

Nuąi di yíi pələ mąąkulɔi hvo mą, di nwun na nɛ̨ɛ̨i, a diɛi da hiɛ a Yai-Laa nwɔ tɔn nwooi.

Mąątɛ̨nɛ̨ 81:10

Yálá ta kpɛli hvo kɛ ə́ yəi, 'hvo kwɛli hvilɛn yálá takpɛli ɓa.

Hanwon 23:26

Nón, ə́ kilitɔɔ mą́ą́, ə́ ɉíɛ pələ pɔɔ həɠə.

Wɛli 1:16

Yɛ́ kpɛli nwɛ́likɛmąąmun, ə́ lɛlɛɛi tai, ə́ lɛlɛ kpɔ-kpɔɔ ɓoɔi gu kaa laani kala tiliin nɔ̨nwɔ̨-nɔ̨nwɔ̨ mɛ̨i.

Wɛli 2:10

Nwɔ́ wɛlii kaa də́lii, Yɛ kɛ mą́ą́: «Nwɛ́likɛmąąmun, nííɓa nɛ̨ɛ̨nu! Ə́ muhəɠə kilɛ ɉa, ə́ pa ɓɛ.

Wɛli 2:14

Nwɔ́ tonwələn gbɔlun yɛ́i ə́ kaa kwɛni wolo hu, ə́ loɔ gwɛniɠaa lɔwai, ə́ nwun gulɔ, ŋį́ ə́ ɲɛ̨ilai kaa; 'hvaa, ə́ woo ə too nwə́lii. Mąąhɔlɔɓo, ə́ woo nɛ̨ɛ̨i, ə́ ɲɛ̨ilaa mąąhəɠɛɛ.»

Wɛli 2:8

'Ka ka wəli tɔɔ tai! Nwɔ́ wɛlii woo ka tii! Ya ka tii pai! Yɛ laɠin yeeɠaa mɛ̨i, yɛ hvilɛn yeekpu kpuɠaa nwuɔ̨.

Wɛli 3:1

Kpinii, ŋą́ kɛ laani ɲə́i gbinŋą, ŋą́ ɲéé hiɛ gwɛlɛ, və́ nwɛ̨́likɛmąąmun gaa, ŋą́ gwɛli kpɔ və́ gaa.

Wɛli 4:7

Ə́ nąą kəlee lɛlɛɛi tai. Níiɓa nɛ̨ɛ̨nu! Guɔ, ə́ mąą kulɔi hvo yɛ́.

Wɛli 4:9

Nwɛli! Ə́ ɲɛ̨i heei mą́ą́ tanɔ̨n a níi ɓɛla mą́ą́, ŋą́ ɲɛ̨i hee lɔ ə́ kɔ́n mįnįin ma, va gbɔ́wɔ́ hɔlɔɓo.

Wɛli 5:11

Nwun galən gaa a hɛni kpuwulu hu waa və-və, nwun nəɠa kwɛa buɔ gɔnbulu, dɛɠiɛ yɛ gwoą-gwoą.

Wɛli 5:6

Ŋą́ą́ bɛlɛ́ laa ɓo nwɔ́ wɛlii tɔwɔ, Kɛlaa, nwɔ́ wɛlii ə tɛɛ lɔ ɲɛ̨́i hvili, lii tii aa mo, nwooɠaa di kɛi níi kulɔ mą́ą́; ya hvə, ŋą́ą́ gwɛli! Ŋą́ą́ dəli lɔ kpali-kpali! Hvo hvaa li ɲə́i.

Wɛli 6:9

Nwɛ́i! Yɛ́ lɔ ɓə a nwɔ́ tonwələn gbɔlun, yá ɓə a mɛ̨nį laahvɛɛ kəlee Yaa tanɔ̨n nɔ ɓə nee ə gaa, ɛlɛɛ nwɛli kaa gaa lee ɓa kpɔ kɛnɛ̨. Nɛ̨ąą takpɛliɠaa da gaa, diɛ nwɔ nwun na nɛ̨ɛ̨ mąątɛ̨nɛ̨. Tɔɔmun nɛ̨ąni, da nwɔ wɛliɠaa, diɛ mąątɛ̨nɛ̨.

Wɛli 7:9

Gɛ́ diɛ: «Hvo kɛli ŋą́ tɛ dowui ŋɛ̨i hu, ŋą́ ɲéé pɛlɛ nwun ma gɔnwɔn ɉu.» Ə́ ɲįnį ə kɛ ɲə́i yɛ viɲə ɓá. Ə́ nɔ̨ɔ̨ mąą kun nɛ̨ɛ̨ ə pu mą́ą́, yɛ mąątí wulɔ.

Wɛli 8:7

Yá ta lɔpee hva pɛli wɛlikɛmąą nwɔ̨n nuwun ɉii, ə mą kɛ yá kpɛa kpɛaɠaa daa hvuluun mą. Gbɛɛ ɓə a pɛli ɲəi bɛlɛ́n ɉɛnŋaa kəlee lɔwɔ́tɔɔi, yɛ wɛlikɛmąą ya la! Yaamun, wɛli kpɛɛ mąąlaa lɔ ɓə da gulɔ la.

Azaya 50:6

Nuąi kɛi gɛ́lɛ ŋą́ ɉeą lɛ diɛ, Nuąi kɛi gbɛ́lɛ kulɔ a ɉamu, ŋį́ nɛ̨́ŋɛ̨n nɛɛ di yəi, nuąi kɛi nálan, diɛ di laayá pili ɲɛ̨́i, və́ ɲɛ̨́i kulɔ di laa mu.

Azaya 52:14

Gɛ pələ ə nuą mąąɲɔw, mąąhɔlɔɓo, ɲɛ̨ilai hvo kɛa kɛ kulɔ li nu ɓa, ɲɛ̨ilai ɉee pələ ɲɔ̨nwɔ̨ pələ ɓa.

Danîa 8:18

Ɓɛlɔwai tii ə kɛi hvaa la bɔ́, ŋą́ kɛ pɛlɛ ni nɔi ɓa, gwə́i pilɛɛ mą́ą́. Nąąlɔwai, ə ɲee too ɉú, ə muhəɠə ə dɔɔ ɓɛi tii ŋą́ kɛ laa.

Zakari 4:1

Malakai tii kɛi bələ ɓo mą́ą́, ə pənə ə pa, ə mą́ą́ kɛlɛ, yɛ da kɛi yíimun nwun.

Maafîu 7:8

Mąąhɔlɔɓo, nui lɔpee a hvɛliɓo kɛ, da gɔ́; nui a hɛn gwɛli, a ɉɔlɔɓo; əlɛɛ, da pɛlɛ laaɓo naa kɛlɛ mun dɔwɔ.

Maafîu 8:17

Yili ə kɛ tii, ə gɛ, mɛ̨nį Yálá kwəi mɛ̨nį hukulɔ mun Esai ə mo mąą ə hvɛɛ, yai ə kɛ mą: «Yaa ɓə ku kpɛɠiɠaa həɠə kuɔ, ə ku wɔ ɲɔ̨nŋąai həɠə a nwuɔ̨ tiɛ̨.»

Markə 1:35

Mąą yələ laaɓoɔ, yələ ɓoi kpinį mu, Jesus ə kulɔ bɛlɛ́n ə li daa pulu pələ yɛ Yálá hvɛli dɔ̨nɔ̨ kɛɛnąą.

Lukə 22:44

Ə kɛ yɛ nu a kɛ ɉaa kɔ́wɔ ŋą, yɛ Yálá hvɛli kpɔ a mɔlɔɔ. Hvɛnɛ̨ yɛ kulɔ mą yɛ ŋąmą, yɛ hvilɛn nɔi ɓa.

Lukə 6:12

Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Lukə 9:32

Piɛrə da mɛlaa di kɛi yii kpɔ kɛnɛ̨. Kɛlaa, ɓɛlɔwai di di ɲɛ̨ilaa ɓo la, di Jesus nwɔ mąąwiɛ kɛnɛ̨i tii kaa, ə lɛɛ da nu hveelɛi tii kɛ tɔɔ ni gwɛlɛ.

Ɉaan 10:4

Ɓɛlɔwai da kulɔ la ɲɛnɛ̨ɛ̨, a tɔɔ di ɲɛ̨i tɔwɔ, ə lɛɛ, mɛlaaɠaa di hvilɛn bulu. Mąąhɔlɔɓo, di yaa tii nwoo kɔ́lɔn.

Galatə 2:20

ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.

M̀ɛni-lɛɛi 3:4

Kɛlaa, ə mą kɛ tii, Sardɛsə ɓɛ li, nu tɛi-tɛiɠaa kaa laa, di hvo di wɔ həɠəɠaai kɔhɔɓo li. Di kaa pai kɛi bɔ́ həɠə kwələ hu, mąąhɔlɔɓo, mąąlaa kaa di yəi.