Wɛli 4:3 - Yálá laawoo hɛɓɛ (dc)

³ Ə́ laa wulun ɉu kaa yɛ həɠə ɓɛla kpɔlu, ə́ nɛn nɛlɛɛi ə́ la. Ə́ kumɔ ə ɓo yɛ gaani kpuwulu hu ɓɛlaa, ə́ wɔ ɓɔlɔi mu.

Yálá laawoo hɛɓɛ

³ Ə́ laa wulun ɉu kaa yɛ həɠə ɓɛla kpɔlu, ə́ nɛn nɛlɛɛi ə́ la. Ə́ kumɔ ə ɓo yɛ gaani kpuwulu hu ɓɛlaa, ə́ wɔ ɓɔlɔi mu.

Bible

³ Íla-gbɔ kpɔlɔ̂i a ǹɛ̂lɛɛi. Ílono-woo kélee káa a wɛli kɛ́-maa wôo-ŋa. Berei pɔmegurane kpoma kpɔlɔ̂i lai, bere ƃé íkoma kpɔlɔ̂i la íŋɛi mɛi pɛlɛ-sêɣei mu.

Wɛli 4:3 Iomraidhean Croise

Zɛnɛse 32:10

Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Ɛsdrasə 9:6

Ŋą́ Yálá hvɛli, gɛ́ mą: «Nwɔ́ Yálá, nwumɛ̨ kaa ɲɛ̨́i! Ɛlɛɛ, ɲɛ̨́i aa paa! Vá pɛli nwún muhəɠəi ə́ pɔ pələ, yɛ́i ə́ kaa ɓaa nwɔ́ Yálá. Mąąhɔlɔɓo, kuɔ nɛ̨ŋɛ̨nŋąą daa tamą, daa laŋin ku nwun mɛ̨i. Ku wɔ hɔn ɲɔ̨n, ɉu aa kɛnɛ̨, aa tɛ yələkɔlɔn ma.

Mąątɛ̨nɛ̨ 119:13

Mɛ̨nįɠaai kpɔ a kulɔ ə́ la, di kaa lɔ kɛa ná a wələ.

Mąątɛ̨nɛ̨ 37:30

Tələnmomun naaləi hva kpɛla kili mɛ̨nį ɓoɔ ɓa, tɛ̨ą mɛ̨nį lɔ ɓə a kulɔ na.

Mąątɛ̨nɛ̨ 45:2

Woonɛ̨ɛ̨ aa kulɔ góókpala, gáá nu pɔlɔ wələi tooi tɔɔmun ma. Nɛ̨́n ə kɛ ná yɛ, hɛɓɛ́ kɛmun nwəlɛɛ, nwɔ hɛɓɛ́ kpɔw!

Hanwon 10:13

Kilimąą mun vaa woo a kili tɛɛ nu pɔ, Kɛlaa, hvaɠa kaa kilikpɛɛgwəi mun bulu.

Hanwon 31:26

A pələ ɓo a gili, nwɔ lono kɛɛ yɛ nu kilaa pɔ̨nɔ̨.

Wɛli 1:5

Gáá kpɛli ŋɛ̨i a hvɛliɓamun, nɛ́lɛɛi, ə həli kaa Ɉerusalɛmə nɛ̨ɛ̨lɛa. Nɛ́lɛɛi yɛ nini kɔ́lɔ həɠə. Yɛ Salomɔn nwɔ gąną-həɠə.

Wɛli 4:11

Ə́ woo nɛ̨ɛ̨i ə́ la, yɛ kwɛi gban naa nįnɛ̨. Kwɛin nwulɔ da ɲįnįya di kaa ə́ nɛ̨n mu, ə́ mąą həɠə hu kun nɛ̨ɛ̨ yɛ Liban mąąti wulɔ.

Wɛli 5:13

Gumɔɠaa kaa yɛ wulu powa mąą kun nɛ̨ɛ̨, gun yɛ tɛ. Naawulun gaa yɛ yagbudɛn powa aa kɛi hvólón; yai gun a kulɔ a nɛ̨ɛ̨.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Wɛli 6:7

Ə́ kumɔ yɛ kpɔlu yɛ́, gaani kpuwulu huɓɛlaa ə́ wɔ ɓɔlɔi mu,

Wɛli 7:9

Gɛ́ diɛ: «Hvo kɛli ŋą́ tɛ dowui ŋɛ̨i hu, ŋą́ ɲéé pɛlɛ nwun ma gɔnwɔn ɉu.» Ə́ ɲįnį ə kɛ ɲə́i yɛ viɲə ɓá. Ə́ nɔ̨ɔ̨ mąą kun nɛ̨ɛ̨ ə pu mą́ą́, yɛ mąątí wulɔ.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Levetekɔ 14:4

nąąlɔwai, ɉaláá laa həli mun a mo di nwɛ̨ni húlu hveelɛ yii tɔ́n və diɛ di hon, di paa la nui tii mąąhəɠə mɛ̨nį ɓa, di bɛlɛ kpitili kwɛi ɓa, həɠə ɓɛla pɛ̨ɛ̨ a gbɔluɔ da isopə kpaɠa.

Levetekɔ 14:6

Yili pulu, ə nwɛ̨ni hulu həɠə ə bɛlɛ gwɛi, ɉəɠə kpɔlu da isopə kpaɠa ɓa, ə di lɔ nwɛ̨nii tii di nwun dee ŋą mɛ̨i, ɲąmą hu.

Lonon mo 19:6

Ɉaláá laa həli mun ə kpitili kwɛi həɠə da isopə kpaɠa da həɠə ɓɛla kpɔluɔ gbələ tətə, ə di pili nįŋɛ̨ kələn nwɔ̨n ɉu.

Lonon mo 4:8

Da həɠə ɓɛla kpɔluɔ pɛlɛ ɉɛnŋąąi tii kəlee mɛ̨i, da nini kɔ́lɔ paa. Yili pulu di daɓali kpəŋə hɛnŋąą laa mu.

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Lukə 4:22

Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Kolosə 4:6

'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.

Hebreu 9:19

Ɓɛlɔwai Moisə ə díɓoɠaa tɛɛ la nɔi lonnii pɔ, yɛ bələi dɔn ə mąą liɛwoo kɛ la, ə nɛ̨ŋɛ̨ lon ɲąmą da ɓolu ɲąmą həɠə, ə bɛlɛ yá ɓa, hə́ɠə ɓɛla kwɛlɛɛ, da ɲįnwų-ɲįnwųn, ɛlɛɛ, ə da taɠa ɉɛɓɛ́ kpinįi ɓa, da nɔi lonnii kəlee diɛ,

Zasua 2:18

Ɓɛlɔwai ku kaa pai lɔi la nɔi ŋɛ̨i hu, ɲee kali kpɔlui ŋɛ̨i ə́ gbulɔn ə́ wɔ finɛɛtɛlɛ ɓa, ɓɛi ə́ ku yɛɛ laa. Yili pulu, ə́ nąn, ə́ lee, ə́ lee lonnii ɉinąą mąn da nɛ̨ąą mąn, ə́ di lɔ ɓɛ ə́ yəi bɛlɛ́n.