Wɛli 4:16 - Yálá laawoo hɛɓɛ (dc)

¹⁶ Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.

Yálá laawoo hɛɓɛ

¹⁶ Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.

Bible

¹⁶ Yá-ŋûa da séɣai fãa, ká pá ká ŋásûai su fɛ́ɛ. Ka ǹaa fɛ́ɛ a gɛɛ zãâ kúŋ nɛ̃ɛ-ŋai kélee naai, díkuŋ é táa ǹaa gwaa kélee. Tɔɔ ŋáwɛli kɛ́-maa nuui é pá ŋɔsûai su é ŋɔsí-sãai m̀bá ŋa-nɛ̃̂ɛ kula.

Wɛli 4:16 Iomraidhean Croise

Ikilisiati 1:6

Hvaŋą a tɛɛ ə yɛɛ hɛɠɛɛ, ə tɛɛ ə tɛ yánwuɔ̨ pələ, ə pənə ə tinɛ̨n; yili pulu, ɓɛ pələi ə həɠə la, ə pənə yɛ li nąą pələ.

Ikilisiati 2:5

Ŋą́ hihɛn ɲɛɛɠaa laa, wului a ɓa, ŋą́ ɉuwu kəlee ta hin ɉu.

Wɛli 1:13

Nwɛ́likɛmąąmun kaa ɲə́i yɛ hąmą ɓíi mąąkun nɛ̨ɛ̨ naa ɲíni lɔwai yɛ vįitɔɔ.

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Wɛli 2:3

Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Wɛli 2:8

'Ka ka wəli tɔɔ tai! Nwɔ́ wɛlii woo ka tii! Ya ka tii pai! Yɛ laɠin yeeɠaa mɛ̨i, yɛ hvilɛn yeekpu kpuɠaa nwuɔ̨.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Wɛli 6:2

Nwɛ́likɛmąąmun gaa yɛɛi ɲəi nɔw yɛa, nwulu powa kun nɛ̨ɛ̨ tii hu; Yɛ li nwɔ taatɛlɛɛɠaa kɔ̨nɔ̨n gɛi laa, ɛlɛɛ yɛ ɲagbudɛn bowa ta kulɔ.

Wɛli 8:12

Nwɔ́ viɲə yɛai kaa ɲə́i, Salomɔn! Ə́ wɛi ɓaa ə́ nwɔ wali kwələ waa tɔ̨nɔ̨, mɛ̨i kaamun nwɛi ɓaa wali kwələ nwun veelɛ.

Azaya 64:1

Yɛ nwɔ̨n gaa lɔwɔ kələn ɉi, yɛ nwɔ̨n a kɛli yáɠaa nɛ̨n, əgɛ ə́ yowoɠaa di pɛli ə́ laa kɔ́lɔn ɉi, lɔiɠaa hu a pu kɛ diɛ ə́ tɔwɔ.

Izikiɛ 37:9

Yai-Laa yɛ nwɔ̨nɔ̨ mą́ą́: «Hulɔnu lon! 'Mo nu nɔ̨ɔ̨ ɓa, 'mo mą, yɛ́ mą: ‹Nu nɔ̨ɔ̨! Mɛ̨nį kəlee ŋą Hééɓomun Yálá yɛ, ə́ həɠə lɔi wəlin na nąąn ɓa, 'ə́ pu nu powaɠaai ŋɛ̨i diɛ, di kaa pai kɛi a di hvulú.›»

Maafîu 26:10

Yii kɛa Jesus ə yili kpaɠala kaa tii di yəi, ə mo diɛ yɛ diɛ: «Lə mɛ̨nį ɓa ka káá giliŋąhiɛ yili kɛi? Mɛ̨nįi ŋɛ̨i nɛ̨ɛ̨nu ŋɛ̨i aa gɛ mą́ą́, gaa a mɛ̨nį lɛlɛɛ.

Maafîu 26:12

Ə nwulɔ kun-nɛ̨ɛ̨ ŋɛ̨i pu mą́ą́, ə gɛ, mą́ą́ kun ə kɛ pai kɛi a nɛ̨ɛ̨ ɓɛlɔwai di kaa pai náái la kámą hu.

Ɉaan 3:8

Hvaŋą a kɛ tɛɛi ɓɛi gaa bɔ, yɛ́ din mɛ̨n, kɛlaa, ɓɛi ə həɠə laa, da ɓɛi gaa lii laa, hvə nąą kɔ́lɔn; pələ kpɔlɔ ɓə a kɛ la a Yálá nwɔ Kilii nwɔ nu hɔlɔɓo mɛ̨nį.»

Ɉaan 5:8

Jesus yɛ mą: «'Ə́ muhəɠə, ə́í laa haɠa kpinįn ə́ li.»

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Lomaŋ 15:28

Ɓɛlɔwai kwá hɛnŋąą ti kulɔ la, ŋą́ li ŋą́ naa həli diɛ. Ŋą́ kɛli kɛa li Ɛspaɲə, ŋą́ tɛɛ ká pɔɔli pələ.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!