Wɛli 4:15 - Yálá laawoo hɛɓɛ (dc)

¹⁵ Gaa a nɔw yɛa yáton, a tɛɛ yá lon nwun gulɔi, yii a həɠə Liban.

Yálá laawoo hɛɓɛ

¹⁵ Gaa a nɔw yɛa yáton, a tɛɛ yá lon nwun gulɔi, yii a həɠə Liban.

Bible

¹⁵ Ǹyá tôŋ ma yai a zûai ŋí su yɔɔ, ǹya-ɣɛ̂li-ŋa da bóa-ŋai nyii-ŋai da kûla Lɛƃanɔŋ.

Wɛli 4:15 Iomraidhean Croise

Mąątɛ̨nɛ̨ 46:4

Yáɠaa diɛ huluun, di hvili yɛ tɔɔ di ŋą, yeeɠaa diɛ kpɛlin di wulu ŋą.

Hanwon 5:16

'Hvó nɛɛ laa ə́ yəi ɲáləɠi hu yá gboloon hvo laa ɲɛnɛ̨ɛ̨, ɲá yɛ taɠa taɠa gwəliɠaa lɔwai.

Hanwon 5:18

Lúwɔ́ ə kɛ ə́ wɔ yáton ma. Ə́ ɲąąnɛ̨ɛ̨ kulɔ ka ə́ laŋa nɛ̨ą.

Ikilisiati 2:6

Ŋą́ yálɔwaɠaa tee, diɛ ɲá pu nwulu, da ɉin ŋąą nįnɛ̨ɠaa diɛ.

Wɛli 4:12

Ə́ Kaa a nɔw yɛa mąąkwənąnŋąą, oo níiɓa nɛ̨ɛ̨nu! Nwɔ́ wɛli! Ə́ kaa a yáton mąąkwənąnŋąą, yá nwun gulɔi nąmu kɔ́lɔn ɉi kaa mą.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Zakari 14:8

Mąą yələi tii, yá nwun gulɔiɠaa kaa pai kɛi Ɉerusalɛmə, bələ tɔ̨nɔ̨ yɛ li voló kulɔi bələ gboloyá hu, bələ tɔ̨nɔ̨ yɛ li voló tooi bələ gboloyá hu; gaa pai kɛi lɔ tii a hvóló laa teɛ, da hamą lɔɔ.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 7:38

Nui a laa ná yɛ bələi Yálá laawoo ə mo la a kɛ a yɛnɛ̨ɛ̨ hva kpɛɛ yalee nwun gulɔi.»

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.