Wɛli 1:8 - Yálá laawoo hɛɓɛ (dc)

⁸ Nɛ̨ɛ̨nu lɛlɛɛ, Akɛ hvó gbaɠala kɔ́lɔn, hvilɛn nɔ mɛlaaɠaa pɔɔ ɓa, ə́ lɛɠɛ ɓɛlaa mɛ̨i kaa nuą di wɔ kpuwuluɠaa diɛ, a ə́ wɔ ɓolu haa pɛlɛɛɠaa.

Yálá laawoo hɛɓɛ

⁸ Nɛ̨ɛ̨nu lɛlɛɛ, Akɛ hvó gbaɠala kɔ́lɔn, hvilɛn nɔ mɛlaaɠaa pɔɔ ɓa, ə́ lɛɠɛ ɓɛlaa mɛ̨i kaa nuą di wɔ kpuwuluɠaa diɛ, a ə́ wɔ ɓolu haa pɛlɛɛɠaa.

Bible

⁸ Yá nɛ̂ni lɛ́lɛɛ ŋánaai ŋí nɛyâa sámai, à kɛ̀ ífe ǹaa kɔ́lɔŋ, lɛɛ nɔ́ m̀ála-ŋai kpárɔ ma m̀ála mɛi-kaa-nuui ŋɔƃûui kɔlɛ ma. M̀oli-ŋai kɔ̃́nɔŋ kɛ̂i kɔ́ri, m̀ála-mɛi káa-ƃelai díƃûu-ŋai kɔlɛ ma.

Wɛli 1:8 Iomraidhean Croise

Mąątɛ̨nɛ̨ 16:3

Ɓɛ yɛnɛ̨ɛ̨, ɉeeɓolaaɠaai kpɔ a Yálá nwɔɔ, di ɓɛlɛ kaa diɛ, gəlee wɛli kaa mą́ą́ kpɔ kɛnɛ̨.

Mąątɛ̨nɛ̨ 45:11

'Ə́ wəli tɔɔ nón nɛ̨ɛ̨non, 'ə́ ɲɛ̨i hee tai, ə́ ə́ wəli tɔɔ kpɔ a nɛlɛɛ; 'Lɛ̨ą ə́ nwɔ nuą diɛ, da ə́ wɔ pɛ́lɛ́i mu nuą.

Mąątɛ̨nɛ̨ 45:13

Akɛtii, Tirə nuą, a ɉɛn gɔw lɔi tii hu nuą, di kaa pai ə́ mąąpui a mɛ̨inɛ̨ɛ̨ kpɛa kpɛa.

Hanwon 8:34

Lúwɔ́ lon maa nui a nwəli tɔɔ nwóó ɓa, dɔɔ ɲə́i bɛlɛ́ laaləi a yələ kəlee, yɛ ɓo a ɲɛ̨i yɛ ɲɛ̨i kɛ ɲə́i bɛlɛ́ laaləi ɓa.

Wɛli 1:15

Ə́ lɛlɛɛ ɓə tai, nwɛ́likɛmąą nɛ̨ɛ̨nu guɔ ə́ lɛlɛɛ ɓə. Ə́ ɲɛ̨i kwɛlɛ laai yɛ tɔ́nwɔ̨nɔ̨n gbɔlun.

Wɛli 2:10

Nwɔ́ wɛlii kaa də́lii, Yɛ kɛ mą́ą́: «Nwɛ́likɛmąąmun, nííɓa nɛ̨ɛ̨nu! Ə́ muhəɠə kilɛ ɉa, ə́ pa ɓɛ.

Wɛli 4:1

Guɔ ə́ lɛlɛɛ ɓə! Nwɛlikɛmąą nɛ̨ɛ̨nu, ə́ lɛlɛɛ ɓə tai! Ə́ ɲɛ̨i kwɛlɛ laai yɛ tonwələn gbɔlun, ə́ wɔ ɓɔlɔi mu. Ə́ nwun nəɠa laa gee mɛ̨i, yɛ ɓolu kpulu a kɛ Galaadə yee ɓa.

Wɛli 4:10

Ə́ wɔ wɛlikɛmąą a nįilɔ, oo níiɓa nɛ̨ɛ̨non! Nwɔ́ wɛli, ə́ wɔ wɛlikɛmąą nɛ̨ɛ̨i dɛɛ lɔɔ ɓa, ə́ mąą kun nɛ̨ɛ̨ dɛɛ mąątí wulɔ kəlee ɓa.

Wɛli 4:7

Ə́ nąą kəlee lɛlɛɛi tai. Níiɓa nɛ̨ɛ̨nu! Guɔ, ə́ mąą kulɔi hvo yɛ́.

Wɛli 5:9

Nɛ̨ɛ̨non nɛlɛɛ! Lə kpɔ ɓə ɉulɔnu tii yəi, lə ɓə ɲəi yɛ tɛɛ la mɛlaa diɛ? Lə kpɔ ɓə ɲəi yɛ tɛɛ la mɛlaa diɛ-o? Yai yá mąą kwɛla ɓo!

Wɛli 6:1

Nɛ̨ɛ̨nu lɛlɛɛ! Ə́ wɛlikɛmąąmun ə li mį? Mįnɛ̨ pələ ɓə ə ɉon na? Ə gɛ gu kəlee gwəli gu gwɛli.

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Ɉaan 21:15

Di kpɛɛ kɛa a di kɔ̨nɔ̨n mį́ɛ, Jesus yɛ mą Simɔn Piɛrə ɓa: «Simɔn Ɉaan lon, nwɛ́li kaa yɛ́ ə tɛɛ ə́ ɓɛlaa diɛ?» Ə nwoo pulu pənə yɛ mą: «Ną́mu, ə́ gɔlɔn yɛ́ ə́ wɛli kaa mą́ą́.» Jesus yɛ mą: «Nwɔ́ ɓɛlaa lonnii laahɔnmo.»

Korɛntə dɔlɔɔ 11:1

'Ká kɛ a bɔ́ɔ́ kɔ́ɔn nuą yɛ bələi gáá Kristə pɔɔ kɔ́ɔn ɉii la.

Ifisiɛŋ 5:27

Bələ ɓə ə kɛ la tii bɔ, ə dɔɔ gbɔwɔ kpinįi liila, mąąhəɠɛɛ, ɲɔ̨n ɉii da mąąkulɔi lɔpee ta hva kɛ mą ɲɛ̨i ɓa. Bələ ɓə ə kɛ la bɔ, nwɔ kpɔn ə kɛ a mąąhəɠɛɛ kiliin ɉii ɲɔ̨nwɔ̨ɔ̨ hva kɛ mą.

Hebreu 13:7

'Ká ká kili kɛ, nuąi Yálá laa woo laa həli káá, di hu; 'ká di wɔɔ yɛnɛ̨ɛ̨ ɲąąkpɛɛ pələ kaa, ɛlɛɛ, 'ká ká kɔɔn di wɔɔ laa na laa ɓa.

Hebreu 6:12

ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Zĩi 2:21

Kɛlɛi, gu nąn Abrahamə, ə kɛ a tələnmomun, dúwɔ́ pələ hu-e, a ɓɛlɔwai ə non Isaakə laa la ɉaláá kulɔi-e?

Zĩi 2:25

Bələ lɔ ɓə Rahabə, yai a nwɛlikɛ nɛ̨ɛ̨nui nwɛ̨i ə kɛ la, kɛlɛi dúwɔ́ pələ ɓə ə tələnmolaa hɔlɔɓo ɉu, a ɲee heei ə mo nwɛlɛɛ ɓo nuą mu, ɛlɛɛ, ə di tɛɛ a pələ takpɛli diɛ li-e?

Zĩi 5:10

Ną́n nonnii, Yálá kwəi mɛ̨nį hukulɔ nuąi kɛli hvaa gu Ną́mu laa hu, ká ká kɔɔn diɛ; di di liikpələ, di mɔ̨nɔ̨ mįi.

Piɛrə dɔlɔɔ 3:6

Yɛ bələi Sara kaa la, yai kɛ Abrahamə woo mu, ə kɛli lɔ dəli yɛ kɛ mą: nwɔ mɛ̨nį nąmu. Yaa tii ɓə ká káá a nonnii nɛ̨ąą mɛ̨nį lɛlɛɛ kɛɛ hu, 'ká hvo nɛɛlaa, mɛ̨nį ta ŋą ɲɔw hvo ká hupu káá.