Wɛli 1:5 - Yálá laawoo hɛɓɛ (dc)

⁵ Gáá kpɛli ŋɛ̨i a hvɛliɓamun, nɛ́lɛɛi, ə həli kaa Ɉerusalɛmə nɛ̨ɛ̨lɛa. Nɛ́lɛɛi yɛ nini kɔ́lɔ həɠə. Yɛ Salomɔn nwɔ gąną-həɠə.

Yálá laawoo hɛɓɛ

⁵ Gáá kpɛli ŋɛ̨i a hvɛliɓamun, nɛ́lɛɛi, ə həli kaa Ɉerusalɛmə nɛ̨ɛ̨lɛa. Nɛ́lɛɛi yɛ nini kɔ́lɔ həɠə. Yɛ Salomɔn nwɔ gąną-həɠə.

Bible

⁵ Óo Zerusâlɛŋ-nɛyaa, ńgɔlɔ tɛiîɛi, kɛ́lɛ ńɛ̂lɛi. Berei máŋ ńgɔlɔ tɛɣîɛi la yɛ̂ɛ Keda ŋɔƃûui lá-seɣe-ŋai, kɛ́lɛ ńɛ̂lɛi yɛ̂ɛ Saloma ŋɔpɛ́rɛi lá-seɣei.

Wɛli 1:5 Iomraidhean Croise

Mąątɛ̨nɛ̨ 120:5

Ee kə néé gboo! Kpalo aa gáá! Ɲą́ą́ ka Mɛsɛkə lɔi hu, gɛ́ ɓo heeni Kedarə lɔi hu.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Mąątɛ̨nɛ̨ 45:9

Ə́ mąąhəɠəɠaa kaa lɔ a mirə wulɔ, a alowɛsə wulɔ da kanɛlə wulu kɔlɔ. Wələ nɛ̨ɛ̨ɠaa kaa kulɔi dɔɔ pɛlɛ́ mun, a dɔɔ pɛ́lɛ́i dɔɔ a hə́lə́ ɲįn.

Mąątɛ̨nɛ̨ 90:17

Nwɔ́ mɛ̨nį Nąmu ku wɔ Yálá, ku hon a liinɛ̨ɛ̨ gwəilaa! Ku kɛ kolóɠaa dɔlɔ kɛ mą ku yəi! Nɛ̨ɛ̨ yɛ́ ną́n! Ku kɛ kolóɠaa dɔlɔ kɛ mą, yɛ pɛli lamui ku yəi.

Wɛli 2:14

Nwɔ́ tonwələn gbɔlun yɛ́i ə́ kaa kwɛni wolo hu, ə́ loɔ gwɛniɠaa lɔwai, ə́ nwun gulɔ, ŋį́ ə́ ɲɛ̨ilai kaa; 'hvaa, ə́ woo ə too nwə́lii. Mąąhɔlɔɓo, ə́ woo nɛ̨ɛ̨i, ə́ ɲɛ̨ilaa mąąhəɠɛɛ.»

Wɛli 2:7

Ka ka gwɛla, Ɉerusalɛmə nɛ̨ɛ̨lɛa, ka ka kwɛla a palai-lomąɠaa, kpɔ a kpalan mɛlaɠaa laa, kaa ka hvo pai yíi tee wɛlikɛmąą ɲɛ̨i, ka hvo wɛlikɛmąą nwun; gwəinɛ̨ɛ̨ mɛ̨nį hvo pa tee mɛ̨i.

Wɛli 3:10

Ə gbəli gɔwɔ kɛ a wali, ə dunwɔ̨n ɉɛn gɛ a hɛni, ə ɉu pɛlɛ a nini kɔ́lɔ həɠə kpɔluɔ mu tɛɠiɛ. Ɉerusalɛmə nɛ̨ąą di ɉu pɛli kpɔ a wɛlikɛmąąlaa.

Wɛli 3:5

Ka ka gwɛla, Ɉerusalɛmə nɛ̨ɛ̨lɛa, ka ka kwɛla a palai-lomąɠaa, kpɔ a kpalan mɛlaɠaa laa, kaa ka hvo pai yíi tee wɛlikɛmąą ɲɛ̨i, ka hvo wɛlikɛmąą nwun; gwəinɛ̨ɛ̨ mɛ̨nį hvo pa tee mɛ̨i.

Wɛli 4:3

Ə́ laa wulun ɉu kaa yɛ həɠə ɓɛla kpɔlu, ə́ nɛn nɛlɛɛi ə́ la. Ə́ kumɔ ə ɓo yɛ gaani kpuwulu hu ɓɛlaa, ə́ wɔ ɓɔlɔi mu.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Wɛli 5:8

Ə həli kaa Ɉerusalɛmə nɛ̨ɛ̨lɛa! Nwą́nąi ka ŋɛ̨i gaa moi kaa-o; Ka li ka nwɔ́ wɛlii kaa, ka kɛ mą lə? Ka kɛ mą: Wɛlikɛmąą ka ŋɛ̨i aa ɲɔ̨n bɛlɛ mą́ą́. Ka gaa ka mo tii mą.

Wɛli 6:4

Nwɛ́li, ə́ lɛlɛɛi yɛ Tirsa taa yɛ Ɉerusalɛmə taa. Ə́ lɛlɛ pələ a nu hupu mą, yɛ kɔlaɠa a kɛ kɔ́ kpąnąn na.

Wɛli 8:4

Ka ka gwɛla, Ɉerusalɛmə nɛ̨ɛ̨lɛa, ka ka kwɛla a palai-lomąɠaa, kpɔ a kpalan mɛlaɠaa laa, kaa ka hvo pai yíi tee wɛlikɛmąą ɲɛ̨i, ka hvo wɛlikɛmąą nwun; gwəinɛ̨ɛ̨ mɛ̨nį hvo pa tee mɛ̨i.

Azaya 21:16

Mɛ̨nįi Yai-Laa ə mo mą́ą́, ya ka, yɛ: Aa lɛɛ a kwɛlan dɔ̨nɔ̨, kpɔlɔ a kwɛlan dɔ̨nɔ̨ ɲąąkpalaa Kedarə mąąɲįnɛ̨n, ɉu yɛ kala.

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Izikiɛ 16:14

Ə́ lɛlɛ pələ, bələ ə taɠa kɛa lɔiɠaa hu; hvo gaai ə́ mąą kulɔi hvo kɛa kɛ yɛ́, mąąwiɛi tii ŋį́ gɛ yɛ́ mąą mɛ̨nį ɓa. Yai-Laa gu wɔ Yálái woo li.»

Izikiɛ 27:21

Arabə lɔi da Kedarə tɔɔɓɛlaa kəlee, yɔw mɛ̨nį ə kɛ ka diɛni ka lɔwai; di kɛi hɛnŋaa ya ə́ yəi a ɓɛlaa lonnii, ɓɛlaa hilɛɠaa, da ɓolu hilɛɠaa.

Maafîu 10:25

Mąąnɛ̨ɛ̨ lɔ kalan non ə kɛ yɛ galamɔ̨ɔ̨. Luwɔ ə kɛ yɛ nuwɔ nąmu. Akɛ di kɛ pɛlɛ́ nąmu ɓa: Beɛlzebulə, gu hvo mun kɛ bɛlɛ́n nuą! Da di laa hee a ɲɔ̨nwɔ̨ɔ̨ ə tɛɛ la bɛlɛ nąmu ɓa.»

Maafîu 22:11

«Tɔɔmun ə lɔ yɛ nuąɠaa kaa, ə nu tɔ̨nɔ̨ kaa di lɔwai yii ɉɛli həɠə ta hvo kɛ gwąną.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Lukə 15:22

Kɛlaa, nąn ə mo nwɔ koló kɛ nuą diɛ, yɛ diɛ: ‹Ka pa a gbaawi lɛlɛɛ ɉa-ɉa ka doo gwaną, ka gbono too ɲee ɓa, ka kɔ́lɔ lɛlɛɛ lɔ gɔwɔ ŋą.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Galatə 4:26

Kɛlaa Ɉerusalɛmə, yii ɲələi pələ, gaa gbɔwɔ yee kɔnma, yili ɓə a gu lee;

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.