Wɛli 1:4 - Yálá laawoo hɛɓɛ (dc)

⁴ 'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Yálá laawoo hɛɓɛ

⁴ 'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Bible

⁴ Óo Gâloŋ, ńziɣe í lí a ńyãa a maa félaa. Lí a ńyãa ŋá kɛ́ ípɛrɛi mu. Kwa pâi kɛ̂i naa kú kɛ́ lii-nɛ̃̂ɛ kùla. Kwa pâi íwɛli kɛ́-maai ŋ̀aa nɛ̃̂ɛ kulâi é tɛ́ɛ ŋwã̂ai ma. Gáa a tɔ̃yâ mɛni a gɛɛ ǹɛnî-kpela-ŋai dí íwɛli.

Wɛli 1:4 Iomraidhean Croise

Mąątɛ̨nɛ̨ 111:4

Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Mąątɛ̨nɛ̨ 119:32

Gáá gilɛ həɠəi ə́ wɔ tɔn nwooi nwɔ pələɠaai mɛ̨i, mąąhɔlɔɓo, yaa ɲéé la hvoloon.

Mąątɛ̨nɛ̨ 119:60

Gáá mą́ą́hulɔi, vá nwų́ɔ̨ wɔlɔ, ə́ wɔ tiɓoɠaai kɛ mɛ̨nį hu.

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 48:9

Mɛ̨nįi ku bələ mɛ̨n, kwaa gaa a ku ɲɛ̨i kɔ́w, Yai-Laa Mɛ̨nį Kəlee ŋą Hééɓomun nwɔ taai hu; ku wɔ Yálái nwɔ taai hu, Yálá a ɉee kpɔ tin-tin, a yələ kəlee.

Mąątɛ̨nɛ̨ 63:5

Yili ɓa, ŋą́ ə́ laa tɛ́, nwɔ́ yɛnɛ̨ɛ̨ kəlee yee mu, gɛ́ ɲéé tɛ yələi, gɛ́ ə́ laa tɛ.

Wɛli 3:4

Ŋą́ lɛɛ kpɔlɔ tɛɛi diɛ, nui mąą mɛ̨nį lɔɔ níí mu, gɛ́ gaa; ŋą́ą́ mą wolo mą, ŋą́ą́ ɉon a ɲee. Vá kpɔ ɓo mą, yii kpɔ və́ ni lɔ li la néé yəi bɛlɛ́n, ɓɛi ŋɛ̨i di mą́ą́ kóó həɠə laai.

Wɛli 4:10

Ə́ wɔ wɛlikɛmąą a nįilɔ, oo níiɓa nɛ̨ɛ̨non! Nwɔ́ wɛli, ə́ wɔ wɛlikɛmąą nɛ̨ɛ̨i dɛɛ lɔɔ ɓa, ə́ mąą kun nɛ̨ɛ̨ dɛɛ mąątí wulɔ kəlee ɓa.

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Azaya 45:25

Yai-Laa haalai, Israɛlə huwu kəlee mąąhvaa kaa pai lɛɛi, di kaa pai di kwəinɛ̨ɛ̨i.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Ɉeremi 31:3

Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Osia 11:4

Ŋą́ di hon a nu laa yɛli, gɛ́ li a diɛ, yɛ bələi da nu kan ɉon na, a wɛlikɛmąą yɛli, ɲą́ą́ ɓə luwɔ kalan gulɔ di kwaną gɛ́ kɔ̨nɔ̨n dɛɛ di pɔ.

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Maafîu 25:10

Nɛ̨ɛ̨lea tii dəli lɔ nwulɔ yai pələ, di lɛɛ laa, di ɓɛlan ɉilɛ ə pa. Gilimąą nɛ̨ąą lɔɔli ŋɛ̨i kɛ di kɛ pələ pɛliɛ, da diɛni di lɔ vúlú lɔ pɛlɛ mu a kwəinɛ̨ɛ̨, di bɛlɛ́ laa kpulu.

Lukə 2:10

Kɛlaa, malakai tii ə mo diɛ; yɛ diɛ: «Ka hvo ɲɔ̨w, mąąhɔlɔɓo, ŋą pa wɛlɛɛ woo lɛlɛɛ ɓoi kaa yii pai nu kəlee kwəinɛ̨ɛ̨.

Lukə 22:19

Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Ɉaan 12:32

Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Ɉaan 6:44

Nui lɔpee ta hva pɛli pai bɔ́ akɛ Ną́n dɔ́ɔ́ hvo nii muhəɠə li. Ɛlɛɛ, ɲą́ą́n gáá pai nwun ɉi a yɛnɛ̨ɛ̨ ŋąąkpɛɛ yələ.

Ifisiɛŋ 2:6

Aa gu nwun gwa Kristə ni haa yəi, aa gu hee yələkɔlɔn ɉu, Jesus Kristə hu.

Ifisiɛŋ 6:24

Nuąi kpɔ gu Nąmu Jesus Kristə wɛli kaa diɛ ɲɛ̨n deei hvo mą, Yálá ŋą nɛ̨ɛ̨laai ə kɛ di kəlee diɛ.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,