Wɛli 1:16 - Yálá laawoo hɛɓɛ (dc)

¹⁶ Yɛ́ kpɛli nwɛ́likɛmąąmun, ə́ lɛlɛɛi tai, ə́ lɛlɛ kpɔ-kpɔɔ ɓoɔi gu kaa laani kala tiliin nɔ̨nwɔ̨-nɔ̨nwɔ̨ mɛ̨i.

Yálá laawoo hɛɓɛ

¹⁶ Yɛ́ kpɛli nwɛ́likɛmąąmun, ə́ lɛlɛɛi tai, ə́ lɛlɛ kpɔ-kpɔɔ ɓoɔi gu kaa laani kala tiliin nɔ̨nwɔ̨-nɔ̨nwɔ̨ mɛ̨i.

Bible

¹⁶ Ŋáwɛlii, ílɛ̂lɛɛi a ŋ̀ánaa. Ímaa mɛ̂ni a ńii láa. Gala ŋûnu-ŋai ƃé pâi kɛ̂i a kúgbìŋ.

Wɛli 1:16 Iomraidhean Croise

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Mąątɛ̨nɛ̨ 45:2

Woonɛ̨ɛ̨ aa kulɔ góókpala, gáá nu pɔlɔ wələi tooi tɔɔmun ma. Nɛ̨́n ə kɛ ná yɛ, hɛɓɛ́ kɛmun nwəlɛɛ, nwɔ hɛɓɛ́ kpɔw!

Wɛli 1:15

Ə́ lɛlɛɛ ɓə tai, nwɛ́likɛmąą nɛ̨ɛ̨nu guɔ ə́ lɛlɛɛ ɓə. Ə́ ɲɛ̨i kwɛlɛ laai yɛ tɔ́nwɔ̨nɔ̨n gbɔlun.

Wɛli 2:3

Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Wɛli 2:9

Nwɔ́ wɛlii kaa yɛ Lomą, gaa yɛ Dɔlɔ. Ya ka tii! Ya ka tii tɔɔni ku yəi bɛlɛ́ nwąną ɓa. Yɛ nwun mąąlaŋąn vənɛtɛlɛ wolo ɓa. Yɛ ɲɛ̨i pili nwoloɠaa diɛ.

Wɛli 3:7

Salomɔn laa gbin ga. Mąątinɛ̨n ŋąą a kulaa pow mɛ̨ida, Israɛlə kɔkulaaɠaa li.

Wɛli 5:2

Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.

Wɛli 5:5

Ŋą́ mąn múhəɠə ɉa, gɛ́ li bɛlɛ́ laa ɓoi, nwɔ́ wɛlii tɔwɔ. Ɲéé ŋą yɔwɔ ni a mąątí wulɔ, gun nɛ̨ɛ̨ yɛ hąmą; nwulɔ kun nɛ̨ɛ̨ tii kɛ ɲéé ɓa, ə lɛɛ gbon-gwɛli ɓa.

Wɛli 7:6

Ə́ nwun galən gaa ə́ ɲa yɛ Karmɛlə yee, ə́ nwun nəɠa ə ɓo a dɛɠiɛ mu kpɔluɔ, ɛlɛɛ, tɔɔmun ɲɛ̨i kpɔn ŋąą mą.

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.